ស្វាយរៀង ៖ កាលពីវេលាម៉ោង១៧និង៣០នាទីល្ងាច ថ្ងៃទី៣១ ខែធ្នូ ឆ្នាំ២០១៥នេះ មានករណីគ្រោះថ្នាក់ចរាចរណ៍មួយបានកើតឡើង ដោយរថយន្តដឹកកម្មករប្រមាណ៥០-៦០នាក់ បើកទៅប៉ះរថយន្តកាមរីហើមមួយគ្រឿង បណ្ដាលឲ្យក្រឡាប់ផ្ងារជើងនៅតាមបណ្ដោយផ្លូវជាតិលេខ១ត្រង់ចំណុចឃុំស្វាយតាយាន ស្រុកស្វាយទាប ខេត្តស្វាយរៀង។
បើតាមប្រភពពីសមត្ថកិច្ចនគរបាលស្រុកស្វាយទាបបានឲ្យដឹងថា គ្រោះថ្នាក់ចរាចរណ៍នេះបណ្ដាលឲ្យកម្មករ កម្មការិនីរងរបួសចំនួន៣៥នាក់ ហើយត្រូវបានដឹកទៅសម្រាកព្យាបាលនៅមន្ទីរពេទ្យបង្អែកជីភូ ក្នុងនោះ១១នាក់រងរបួសធ្ងន់ ត្រូវបញ្ជូនដោយរថយន្តសង្គ្រោះទៅមន្ទីរពេទ្យខេត្ត។ រីឯអ្នករបួសស្រាល៨នាក់ ចូលទៅសម្រាកព្យាបាលនៅមន្ទីរពេទ្យបង្អែកស្វាយទាប៕
រថយន្តដឹកកម្មកររោងចក្រប៉ះគ្នាជាមួយរថយន្តកាមរីហើម ក្រឡាប់រងរបួសកម្មការិនីជាច្រើននាក់
0 Comments