ប៉ុន្ដែអ្នកដឹងរឿងនយោបាយផ្ទៃក្នុងរបស់ចិន និងអ្នកធ្វើនយោបាយអន្ដរជាតិ បាននិយាយថា ការធ្វើកំណែទម្រង់អាចមិនត្រូវបានបន្ដ នៅក្នុងជំហានដ៏លឿន និងគ្រោះថ្នាក់ នៅរយៈពលប៉ុន្មានខែចុងក្រោយនេះ។ ម្យ៉ាងទៀតប្រភពនានារបស់ចិន បានធ្វើសំណើដើម្បីបន្ថែមប្រាក់យ័នចូលទៅក្នុងកញ្ចប់រូបិយប័ណ្ណបម្រុងអន្ដរជាតិរបស់មូលនិធិរូបិយវត្ថុអន្ដរជាតិ (IMF) នោះ បានទុកឲ្យអ្នកអភិរក្សសេដ្ឋកិច្ច ដើរតួនាទីឱ្យល្អប្រសើរជាងមុនដើម្បីទប់ទល់នឹងការធ្វើកំណែទម្រង់ដ៏សំខាន់មួយ ដើម្បីរំលឹកដល់រយៈពេលមួយ បន្ទាប់ពីការចូលរបស់ចិន ទៅក្នុងអង្គការពាណិជ្ជកម្មពិភពលោក (WTO) នោះ។
ជំហានដ៏យឺតយ៉ាវនេះ មានការជាប់ទាក់ទងចំពោះពួកអ្នកដែលបានភ្នាល់ថា ការធ្វើឲ្យប្រាក់យ័នឱ្យទៅជារូបិយប័ណ្ណបម្រុងរបស់ពិភពលោកនោះ នឹងផ្ដល់ឲ្យប្រាក់នេះនូវការជំរុញមួយ។ ប្រាក់យ័នបានធ្លាក់ចុះជិត ៣ ភាគរយធៀបនឹងប្រាក់ដុល្លារនៅឆ្នាំនេះ នៅលើចរន្ដនៃការធ្លាក់ចុះប្រចាំឆ្នាំដ៏ធំបំផុតរបស់ខ្លួន ចាប់តាំងពីការវាយតម្លៃឡើងវិញ នៅក្នុងឆ្នាំ២០០៥ នោះមក។
ការសម្រេចរបស់ IMF នឹងផ្ដល់នូវការលើកទឹកចិត្ដដ៏សំខាន់មួយ និងបង្កើនមោទនភាពរបស់ជាតិ ដែលអ្នកធ្វើកំណែទម្រង់បានប្រើប្រាស់ដើម្បីជំរុញអ្នកអភិរក្សកុំឱ្យមានភាពស្ទាក់ស្ទើរក្នុងការគាំទ្រកំណែទម្រង់នេះ។ យ៉ាងណាក៏ដោយប្រការដែលសំខាន់ថែមទៀតនោះ គឺការព្រួយបារម្ភនៅក្រុងប៉េកាំងថា សេដ្ឋកិច្ចដែលខ្សោយនេះមិនអាចដោះស្រាយបាននូវការធ្វើកំណែទម្រង់ដ៏បង្ខំ ដែលអនុញ្ញាតឱ្យមានលំហូរដោយសេរីនៃរូបិយប័ណ្ណឆ្លងកាត់ព្រំដែនរបស់ប្រទេសចិន នោះទេ។
ក្រុងប៉េកាំង បានបាត់បង់យ៉ាងឆាប់រហ័សរួចហើយ នូវការសាកល្បងមួយសម្រាប់ធ្វើការពិសោធថែមទៀតចំពោះការហូរចូលមូលធននេះ។
អ្នកសេដ្ឋកិច្ច ដែលជាប់ពាក់ព័ន្ធនៅក្នុងការពិភាក្សាបញ្ហានយោបាយនេះមិនព្រមប្រាប់ឈ្មោះទេ ដោយសារតែភាពរសើបនៃកម្មវត្ថុនេះ។ ប្រភពបាននិយាយឲ្យដឹងដូច្នេះ។
បន្ទាប់ពីផ្សារហ៊ុនមានសន្ទស្សន៍មិនល្អជាង៤០ ភាគរយនៅក្នុងរដូវក្ដៅ ដែលមនុស្សជាច្រើនបានបន្ទោសទៅលើសភាពអាក្រក់នៃមូលធនបរទេសនោះ និយតករបានធ្វើឲ្យបញ្ហានេះកាន់តែពិបាកចំពោះប្រាក់ ដែលបានហូរចេញពីប្រទេសចិន ដើម្បីប្រឆាំងតបទៅនឹងសម្ពាធការលក់ប្រាក់យ័ន និងបានធ្វើអន្ដរាគមន៍យ៉ាងខ្លាំងនៅក្នុងទីផ្សាររូបិយប័ណ្ណនៅលើដីគោក និងនៅក្បែរមាត់សមុទ្រ។ មិនគ្រាន់តែពួកអ្នកអភិរក្សប៉ុណ្ណោះទេ ប៉ុន្ដែក៏មានអ្នកសេដ្ឋកិច្ចជាច្រើនផងដែរ កំពុងតែអំពាវនាវឲ្យមានការឈប់មួយរយៈនោះ។
សេដ្ឋកិច្ចវិទូជាន់ខ្ពស់ម្នាក់ នៅឯមជ្ឈមណ្ឌលផ្លាស់ប្តូរសេដ្ឋកិច្ចរបស់ប្រទេសចិនអន្តរជាតិ (CCIEE) ដែលជាអ្នកផ្ដល់គំនិតដ៏មានឥទ្ធិពលរបស់ក្រុងប៉េកាំង បាននិយាយថា សមត្ថភាពរបស់យើងក្នុងការគ្រប់គ្រងហានិភ័យហិរញ្ញវត្ថុមិនទាន់ត្រូវបានធ្វើឲ្យល្អប្រសើរនៅឡើយនោះទេ។ សេដ្ឋវិទូរូបនេះបានបន្ដថា ភាពតក់ក្រហល់ណាមួយដើម្បីបើកគណនីមូលធនទាំងស្រុង អាចមិនអំណោយផលចំពោះការគ្រប់គ្រងហានិភ័យហិរញ្ញវត្ថុនោះទេ….យើងនឹងត្រូវមានការប្រុងប្រយ័ត្នយ៉ាងពិតប្រាកដ។
ប្រធានក្រុមប្រឹក្សាប្រតិបត្ដិរបស់ IMF តំណាងឲ្យសមាជិកទាំង ១៨៨ ប្រទេស របស់មូលនិធិនេះ ទំនងជានឹងអនុម័តលើការដាក់បញ្ចូល ប្រាក់យ័ន ទៅក្នុងកញ្ចប់រូបិយប័ណ្ណបម្រុងអន្ដរជាតិ ដែលគេស្គាល់ថា Special Drawing Rights (SDR)។ របាយការណ៍មួយរបស់បុគ្គលិក IMF និងនាយកគ្រប់គ្រងលោកស្រី Christine Lagarde បានគាំទ្រចំពោះគំនិតនេះ។ អាមេរិក បាននិយាយថា ខ្លួននឹងមិនឈរនៅលើផ្លូវនេះទេ៕
Reuters
ការបញ្ចូលប្រាក់យ័ន ទៅក្នុងរូបិយប័ណ្ណបម្រុងអន្ដរជាតិ ជាសញ្ញាមានគ្រោះថ្នាក់តិច សម្រាប់ប្រទេសចិន
0 Comments