សៀមរាប ៖ កិច្ចប្រជុំគណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និង អភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ថា អាយស៊ីស៊ី-អង្គរ នឹងបើកកិច្ចប្រជុំបច្ចេកទេសលើកទី២៥ និងប្រជុំពេញអង្គលើកទី២២ របស់ខ្លួន នៅថ្ងៃទី២និងទី៣ ខែធ្នូ នាសាលសន្និសីទអង្គរ នៅមជ្ឈមណ្ឌលអាជ្ញាធរជាតិអប្សរា ដោយផ្តោតលើរបៀបវារៈសំខាន់ៗ ស្តីពីប្រាសាទអង្គរវត្ត នៅក្រោមអធិបតីភាពលោកសុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា។
យោងតាមសេចក្តីប្រកាសរបស់អាជ្ញាធរអប្សរាបានឲ្យដឹងថា កិច្ចប្រជុំនេះផ្ដោតសំខាន់ទៅលើការអនុវត្តអនុសាសន៍កិច្ចប្រជុំបច្ចេកទេសលើកទី២៤ និង កិច្ចប្រជុំវិសាមញ្ញលើកទី២១គណៈកម្មាធិការអន្ដជាតិអាយស៊ីស៊ីអង្គរអំពីកិច្ចការអភិរក្សជួសជុល និង ការអភិវឌ្ឍន៍ប្រាសាទប្រកបដោយចីរភាព និង ទទួលបានការទាក់ទាញបន្ថែមទៀត៕
កិច្ចប្រជុំ អាយ ស៊ី ស៊ី អង្គរ នឹងធ្វើឡើងនៅមជ្ឈមណ្ឌលអាជ្ញាធរអប្សរានាថ្ងៃទី២និងទី៣ខាងមុខនេះ
0 Comments