នៅវេលាព្រឹកថ្ងៃទី១ខែធ្នូនេះ តារាចម្រៀងស្រី និងតារាម៉ូដែលជើងចាស់ដ៏ស្រស់ស្អាតមួយដួង និងជាអតីតភរិយាលោក Nicholas Tse គឺនាង Cecilia Cheung បានចូលរួមក្នុងកម្មវិធីរបស់ទស្សនាវដ្តី SELF នៅឯសៀងហៃ ហើយតារាសម្តែងស្រីរូបនេះ ក៏ត្រូវបានអ្នកសារព័ត៌មានចោទសួរពាក់ព័ន្ធនឹងរឿងរ៉ាវផ្ទាល់ខ្លួនខ្លះៗផងដែរ។
តារាសម្តែងស្រីវ័យកណ្តាលរូបនេះ បានបង្ហើបឲ្យដឹងថា បន្ទាប់ពីនាងបានលែងលះជាមួយ លោក Nicholas មក កូនប្រុសទាំង២នាក់ដែលនៅជាមួយនាង តែងតែទៅលេងផ្ទះរបស់លោក Nicholas ជានិច្ចជាកាល ហើយរាល់ពេលដែលពួកគេនៅជាមួយគ្នា ពួកគេតែងតែផ្ញើរូបភាពមកឲ្យនាងមើលទៀតផង។
នាងបានបន្តទៀតថា ចំណែកឯរឿងមង្គលការនៅពេលអនាគត គឺនាងមិនដែលយកចិត្តទុកដាក់ទៅលើបញ្ហានេះទេ មានមនុស្សស្រីអាយុវ័យ៣០ប្លាយជាច្រើន បានសម្តែងការខ្វល់ខ្វាយពីរឿងនេះ ប៉ុន្តែចំពោះនាងវិញ គឺគ្មានអ្វីត្រូវខ្វល់នោះឡើយ ហើយជាចុងក្រោយនាងក៏បានផ្តល់នូវមតិលើកឡើងមួយថា កុំព្រោះតែស្វែងរកមនុស្សប្រុសដែលខ្លួនស្រលាញ់ មកកែប្រែខ្លួនឯង ឲ្យតែខ្លួនឯងរស់នៅបានល្អ គឺបានហើយ៕
Cecilia Cheung ៖ កុំព្រោះតែមនុស្សប្រុស មកកែប្រែខ្លួនឯង
0 Comments