ភ្នំពេញ ៖ មន្ទីរពេទ្យកាល់ម៉ែត បានបើកទិវាវិទ្យាសាស្ត្រថែទាំ របស់គិលានុបដ្ឋាកយិកា ឆ្មបលើកទី៥កាលពីព្រឹកថ្ងៃទី៩ ខែធ្នូ ឆ្នាំ២០១៥ក្រោមអធិបតីភាពលោកសាស្ត្រាចារ្យឈាង រ៉ា អគ្គនាយកមន្ទីរពេទ្យកាល់ម៉ែតរួមជាមួយគ្រូពេទ្យនៃមន្ទីរពេទ្យកាល់ម៉ែតជាច្រើននាក់ទៀត។
លោកសាស្ត្រាចារ្យឈាង រ៉ា អគ្គនាយកមន្ទីរពេទ្យកាល់ម៉ែតបានមានប្រសាសន៍ថា ទិវាដ៏មានសារៈសំខាន់និងចាំបាច់ក្នុងការលើកកម្ពស់គុណភាព នៃសេវាថែទាំព្យាបាលជំងឺឲ្យមានប្រសិទ្ធភាពខ្ពស់ក្នុងការដឹកនាំគ្រប់គ្រង លើការថែទាំអភិវឌ្ឍន៍ការងារថែទាំ ស្របតាមបណ្ដាប្រទេសក្នុងតំបន់អាស៊ាន។
លោកសាស្ត្រាចារ្យអគ្គនាយកមន្ទីរពេទ្យកាល់ម៉ែត បានមានប្រសាសន៍ទៀតថា តួនាទីរបស់គិលានុបដ្ឋាក យិកា ឆ្មប មានសារៈសំខាន់ណាស់ដើម្បីធ្វើការថែទាំព្យាបាលឲ្យមានប្រសិទ្ធភាព ពីព្រោះគិលានុបដ្ឋាក យិកាឆ្មប ជាសហការីដ៏ជិតស្និទ្ធបំផុតរបស់គ្រូពេទ្យ ដែលមិនអាចខ្វះបានក្នុងការផ្តល់នូវព័ត៌មាន ពីស្ថានភាពអ្នកជំងឺ និងផ្ដល់ការថែទាំសមស្របដល់អ្នកជំងឺនៅគ្រប់កាលៈទេសៈ ពីព្រោះកន្លងមកមន្ទីរពេទ្យ បានរៀបចំទិវាគិលានុបដ្ឋាកយិកា ឆ្មប ចំនួន៤លើកមកហើយដើម្បីលើកកម្ពស់ការងារអភិវឌ្ឍន៍សមត្ថភាពជំនាញជំនាញបន្ថែមខាងការងារថែទាំជំងឺ(Nursing)ឲ្យបានកាន់តែប្រសើរឡើង។
កិច្ចការនេះត្រូវបានមន្ទីរពេទ្យទាំងអស់ ព្រមទាំងមជ្ឈដ្ឋានជាតិ និងអន្តរជាតិមើលឃើញកាន់តែច្បាស់ដូចគ្នាថា អ្នកថែជំងឺគិលានុបដ្ឋាក យិកា និងឆ្មបមានតួនាទីនិងភារកិច្ចយ៉ាងសំខាន់ក្នុងថែទាំព្យាបាលអ្នកជំងឺដើម្បីធានាឲ្យបាននូវបហរសិទ្ធិភាពនិងគុណភាពសេវាថែទាំព្យាបាលអ្នកជំងឺបន្ថែមពីលើអ្វីដែលគ្រូពេទ្យជំនាញបានវិភាគរួច។ពីព្រោះមន្ទីរពេទ្យកាល់ម៉ែត ក៏ដូចជាមន្ទីរពេទ្យផ្សេងៗទៀតទូទាំងប្រទេ អង្គការជាតិ អន្តរជាតិ ក៏ដូចជាក្រសួងសុខាភិបាល បានជួយរៀបចំជាវគ្គបណ្ដុះបណ្ដាលខ្លីៗជាច្រើនទៀតដូចជាNursinh Process Infection Controle ការងារថែទាំបំបាត់ការឈឺចាប់និងការថែទាំផ្សេងៗ ដែលមានដៃគូសហការពីអ្នកជំនាញនានាដូចជាមកពីប្រទេសសាំងហ្គាពួរ បារាំង ហ្វីលីពីន សហរដ្ឋអាមេរិក ជាពិសេសទៀតក៏មានការបណ្ដុះបណ្ដាលអ្នកថែទាំសំអាតអនាម័យផងដែរ។
លោកសាស្ត្រាចារ្យអគ្គនាយកមន្ទីរពេទ្យកាល់ម៉ែត បានបញ្ជាក់ថា អ្វីលោកចង់ផ្ដាំផ្ញើដ៏សំខាន់និងមិនអាចខ្វះបាននោះគឺគិលានុបដ្ឋាក យិកា និងឆ្មបត្រូវចេះយកចិត្តទុកដាក់ស្និទ្ធស្នាលជាមួយអ្នកជំងឺដោយពោលនូវភាសាទន់ភ្លន់ រួសរាន់រាក់ទាក់ជានិច្ច។ និងត្រូវយចិត្តទុកដាក់អនុវត្តឲ្យបានល្អជាប្រចាំ នូវកាយវិការ និងសំដីសំដៅគួបផ្សំជាមួយការពិនិត្យព្យាបាលជាច្រើនផ្សេងទៀតរបស់កិច្ចការវិទ្យាសាស្ត្រថែទាំអ្នកជំងឺឲ្យបានខ្ជាប់ខ្ជួនជានិច្ច៕
មន្ទីរពេទ្យកាល់ម៉ែតបើកទិវាវិទ្យាសាស្ត្រថែទាំ របស់គិលានុបដ្ឋាក យិកា ឆ្មបលើកទី៥
0 Comments