កណ្ដាល ៖ ម្ចាស់ផ្ទះពីរនាក់(កូននិងឪពុក)ត្រូវចោរមួយក្រុមចាប់ចងវាយធ្វើបាប និងស្នាប់កាំភ្លើងមុនពួកវាប្រមូលយកគ្រឿងអលង្ការ លុយកាក់អស់ជិត៣ម៉ឺនដុល្លារ។ ក្រុមចោរមុននឹងចាកចេញពីផ្ទះជនរងគ្រោះ បានបាញ់កាំភ្លើងចំនួន៤គ្រាប់ប្រកាសដំណឹងទៀតផង។
ហេតុការណ៍ប្លន់ដ៏ព្រហើននេះ កើតឡើងថ្ងៃទី១២ ខែធ្នូ ឆ្នាំ២០១៥ ម៉ោង ២០ នៅចំណុចភូមិព្រែកល្វា ឃុំ ព្រែកតាកូវស្រុកខ្សាច់កណ្តាល ខេត្តកណ្តាល។ សាក្សីបានប្រាប់ឲ្យដឹងថា ជនរងគ្រោះឈ្មោះ ឡាយ ប៊ុន ណារី ភេទប្រុសអាយុ៥៤ឆ្នាំជនជាតិខ្មែរ មុខរបរកសិករនៅភូមិ ឃុំកើតហេតុ។
សម្ភារៈបាត់បង់រួមមាន៖ ផ្លាកទីន៥តម្លឹងប្រាក់ដុល្លារ១០០០០$ ប្រាក់រៀលប្រហែល ៥០លានរៀលទូរស័ព្ទ៣គ្រឿង ។ ជនរងគ្រោះជាម្ចាស់ផ្ទះប្រាប់ឲ្យដឹងថា ក្រុមជនល្មើស (ចោរ)មានគ្នា៤នាក់ស្លៀកពាក់ស៊ីវិល មានពាក់ម៉ាស់ មានអាវុធ AK ៣ដើម អាវុធខ្លី១ដើម។ សាក្សីបាននិយាយឲ្យដឹងថា នៅពេលកើតហេតុ ជនល្មើសបានធ្វើសកម្មភាពកាត់របងលួសក្រោយផ្ទះចូលតាមទ្វារក្រោយ ពេលកូនជនរងគ្រោះរៀបចំបិទទ្វារស្រាប់តែ ជនល្មើសភ្ជង់កាំភ្លើងAK រួចចងកូនជនរងគ្រោះឈ្មោះ ជូ លឹមសៀង ព្រមទាំងវាយ និងស្វាយកាំភ្លើង បន្ទាប់មកចងជនរងគ្រោះ ហើយធ្វើសកម្មភាពយកលុយ ផ្លាកទីននិងទូរស័ព្ទ ចេញតាមទ្វារក្រោយហើយបាញ់៥គ្រាប់ គំរាមទៀតផង៕
ព្រហើនមែនចូលប្លន់ផ្ទះវីង នៅស្រុកខ្សាច់កណ្ដាល ហើយបាញ់៤គ្រាប់ប្រកាសដំណឹងទៀត
0 Comments