ពីរបីថ្ងៃនេះ គេបានប្រទះឃើញមានពាក្យចចាមអារាមពីមាត់មួយទៅមាត់មួយទៀត ដែលបាននិយាយថា លោក Feng Shaofeng ដែលជាតួឯកប្រុស 《ព្រះអង្គម្ចាស់ទីប្រាំបី》 នៅក្នុងរឿង 《ព្រះនាងឆ្លងភព》 កំពុងតែបណ្តុះពន្លកស្នេហ៍ក្រៅឆាកជាមួយសមាជិកក្រុមតារាចម្រៀងកូរ៉េF(x) គឺនាង Victoria បន្ទាប់ពីបានសហការគ្នាថតខ្សែភាពយន្តថ្មី ដែលមានចំណងជើងថា《Ice Fantasy》។
យោងទៅតាមប្រភពព័ត៌មានស្រុកចិនបានបន្តឲ្យដឹងទៀតថា ក្រោយពីតារាសម្តែងប្រុស លោក Feng Shaofeng បានកាត់ផ្តាច់ចំណងស្នេហ៍ រយៈពេល ៣ឆ្នាំជាមួយតារាសម្តែងស្រីមួយរូប គឺនាង NINI កាលពីខែឩសភាមក គេក៏បានលិចលឺពាក្យចចាមអារាមថា លោកកំពុងតែមានទំនងទំនងស្នេហាជាមួយនាង Victoria បន្ទាប់ពីគេបានឃើញលោក និងនាង Victoria មានភាពស្និទ្ធស្នាលជាមួយគ្នា និងថតរូបបាន ខណៈពេលដែលអ្នកទាំង២ថតខ្សែភាពយន្តជាមួយគ្នា ។
ដោយឡែក នៅថ្ងៃទី១២នេះ គេក៏បានដឹងដំណឹងថា ក្រុមការងារ និងអ្នកដឹកនាំថតរឿង《Ice Fantasy》 បានធ្វើការបដិសេធថា លោក Feng Shaofeng នឹងនាង Victoria គឺជាមិត្តភក្តិគ្នាទេ៕
ព្រះអង្គម្ចាស់ទីប្រាំបី និង Victoria ត្រូវគេសង្ស័យបង្កើតភ្លើងស្នេហ៍ក្រៅឆាក
0 Comments