ចាប់តាំងពីតារាសម្តែងស្រីវ័យក្មេងដ៏ស្រស់សោភា និងជាភរិយាថ្មីថ្មោងរបស់តារាសម្តែងប្រុសលោក Huang Xiaoming គឺនាង Angelababy បានដើរលើវិថីសិល្បៈរហូតមកទល់ពាក់កណ្តាលឆ្នាំ២០១៥នេះ នាងត្រូវបានគេសង្កេតឃើញថា នាងបានស្ពាយនូវពាក្យចចាមអារាមជាច្រើន ដែលសុទ្ធនិយាយថា នាងបានធ្វើការកែសម្ផស្ស។
ប៉ុន្តែកាលពីប៉ុន្មានខែមុននេះ នាងក៏មានប្រតិកម្មទៅលើពាក្យចចាអារាមទាំងនោះ ដោយនាងបានទៅឲ្យពេទ្យជំនាញៗថត និងធ្វើការស្កេន ពិនិត្យមើលយ៉ាងដិតដល់មែនទែន ថែមទាំងបើកជំហទៀតផង។ បន្ទាប់មក នៅថ្ងៃដដែល លទ្ធផលនៃការពិនិត្យក៏បានចេញមក ដោយគេបានដឹងថា នាងមិនបានធ្វើការកែសម្ផស្សនោះទេ ដោយសារតែនាងធ្វើការពុតធ្មេញទើបធ្វើឲ្យទំរង់មុខរបស់នាងមានសភាពប្រែប្រួលបែបនេះ។
ដោយឡែក ថ្មីៗនេះ គេក៏បានឃើញប្រភពព័ត៌មានមួយបានចុះផ្សាយថា លោកHuang Xiaoming ដែលជាស្វាមីពូកែផ្គាប់ចិត្តលេខ១របស់នាង Angelababy លោកបានទម្លាយពីគោលដៅដែលនាងបានសម្រេចចិត្តធ្វើការពិនិត្យផ្ទៃមុខដោយបើកជំហ កាលពីកន្លងទៅនេះផងដែរ។
តារាសម្តែងប្រុសសម្តីផ្អែមរូបនេះ បាននិយាយថា ប្រពន្ធខ្ញុំ ធ្វើការពិនិត្យផ្ទៃមុខបើកជំហលើកនេះ គឺមានគោលដៅបីគឺ៖
- ទី១៖ ប្រសិនបើនាងមានកូន ហើយនាងបានធ្វើការកែសម្ផស្សនោះ គឺអាចនឹងមាន ផលប៉ះពាល់ដល់សុខភាព
- ទី២៖ លទ្ធផលនៃការពិនិត្យ គឺមានផលប្រយោជន៍សម្រាប់ថ្ងៃមុខ
- ទី៣៖ គឺមិនចង់ឲ្យកូនៗ ធំឡើងឃើញនូវព័ត៌មានទាំងនេះ នឹងចង់ឲ្យកូនដឹងថា ម្តាយរបស់ពួកគេ គឺមិនធ្លាប់ឆ្លងកាត់ការកែសម្ផស្សនោះទេ៕
Huang Xiaoming៖ ប្រពន្ធខ្ញុំ ធ្វើការពិនិត្យផ្ទៃមុខបើកជំហលើកនេះ គឺមានគោលដៅបី
0 Comments