ក្រុង MONROVIA- ក្រុមមន្ត្រីសុខាភិបាលបាននិយាយថា កាលពីថ្ងៃព្រហស្បតិ៍ ប្រទេសលីបេរីយ៉ាបានចេញផ្សាយករណីជំងឺអេបូឡាចំនួន ២ ដែលត្រូវបានគេទទួលស្គាល់ចុងក្រោយបំផុតពីមន្ទីរពេទ្យ ដូចដែលខ្លួនបានចាប់ផ្តើមរាប់ថយក្រោយសាជាថ្មី ដើម្បីប្រកាសថា ប្រទេសនេះ បានរួចផុតពីមេរោគជាលើកទីបី។
ប្រទេសលីបេរីយ៉ា ជាប្រទេសតែមួយគត់នៅក្នុងប្រទេសអាហ្វ្រិកខាងលិច ដែលមានករណីត្រូវបានស្គាល់។ ប្រទេសសៀរ៉ាឡេអូន ដែលជាអ្នកជិតខាងបានប្រកាសថា ខ្លួនបានរួចផុតពីជំងឺអេបូឡា នៅក្នុងខែវិច្ឆិកា ខណៈដែលករណីចុងក្រោយរបស់ប្រទេសហ្គីណេ បានកើនឡើងវិញក្នុងរយៈពេលពីរសប្តាហ៍កន្លងទៅនេះ។
លោក Tolbert Nyenswah ប្រធាននៃការប្រយុទ្ធ ប្រឆាំងជំងឺអេបូឡា ក្នុងប្រទេសលីបេរីយ៉ា រូបនេះបាននិយាយថា៖ “មិនមាន អង្គភាពព្យាបាលជំងឺ Ebola នៅសាធារណរដ្ឋលីបេរីយ៉ាទាំងមូលទៀតទេ” ដោយលោកបានបន្ថែមទៀតថា នីតិវិធីសុវត្ថិភាពប្រឆាំងមេរោគអេបូឡា នៅតែបន្តមាន។
អ្នកជំងឺពីរនាក់ ដែលបានចាកចេញពី Paynesville ETU នេះគឺជាឪពុក និងប្អូនប្រុសរបស់ករណីអ្នកស្លាប់មុន ដែលត្រូវបានគេសន្មតថា ជាក្មេងប្រុសអាយុ ១៥ ឆ្នាំម្នាក់ឈ្មោះ Nathan Gbotoe មកពីជាយក្រុងនៃរដ្ឋធានី Monrovia ដែលបានស្លាប់ដោយសារជំងឺនេះ កាលពីសប្តាហ៍មុន។
Nyenswah បានប្រាប់អ្នកកាសែតថា៖ “កន្លែងនេះមានសុវត្ថិភាពហើយ មិនចាំបាច់លុបចោលសំបុត្រយន្តហោះរបស់អ្នក ពេលដែលអ្នកបានគ្រោងមកលេងប្រទេសលីបេរីយ៉ានោះទេ ចូរបន្តមកទស្សនាទីនេះបន្តទៀត”។
បុគ្គលិកពេទ្យនៅលីបេរីយ៉ា កំពុងតែព្យាយាមដោះស្រាយ ដោយពន្យល់ពីរបៀបដែលមេរោគអេបូឡាបានកើតឡើងវិញ នៅក្នុងប្រទេសលីបេរីយ៉ាជាងពីរខែ បន្ទាប់ពីវាត្រូវបានប្រកាសថាគ្មានមេរោគ ដោយអង្គការសុខភាពពិភពលោក៕
អ្នកជំងឺអេបូឡា ២នាក់ចុងក្រោយរបស់ប្រទេសលីបេរីយ៉ា អាចចាកចេញពីមន្ទីរពេទ្យបានហើយ
0 Comments