កាលពីថ្ងៃព្រហស្បតិ៍ ក្រុមហ៊ុនអាកាសចរណ៍ម៉ាឡេស៊ី និងក្រុមហ៊ុនអេមីរ៉ាត ដែលមានមូលដ្ឋានក្នុងទីក្រុងឌូបៃបានប្រកាសពីកិច្ចព្រមព្រៀងលក់សំបុត្រជាមួយគ្នាដែលនឹងគ្របដណ្ដប់ជាង៩០កន្លែងនៅក្នុងសហរដ្ឋអាមេរិក អឺរ៉ុប មជ្ឈិមប្រទេស និងអាហ្វ្រិក។
យន្តហោះដែលមានទង់ជាតិម៉ាឡេស៊ីបានផ្ដាច់កិច្ចព្រមព្រៀងនេះដែលមានស្រាប់ចំនួន១០ និងទម្លាក់ការហោះហើរផ្ទាល់របស់ខ្លួនឆ្ពោះទៅកាន់ទីក្រុងប៉ារីស និងទីក្រុងអាំស្ទើដាមក្នុងឆ្នាំ២០១៦។
កិច្ចព្រមព្រៀងរវាងក្រុមហ៊ុនអាកាសចរណ៍ម៉ាឡេស៊ី និងក្រុមហ៊ុនអន្តរជាតិធំជាងគេរបស់ពិភពលោកមួយនេះនឹងអនុញ្ញាតឲ្យក្រុមហ៊ុនអាកាសចរណ៍នេះបង្កើនទិសដៅទ្វេដងដែលខ្លួនអាចផ្តល់ជូនខណៈដែលបានទម្លាក់ទិសដៅអឺរ៉ុបដែលទទួលបានប្រាក់ចំណេញតិច។
នាយកប្រតិបត្តិក្រុមហ៊ុនអាកាសចរណ៍ម៉ាឡេស៊ី លោក Chris Mueller បាននិយាយថា កិច្ចព្រមព្រៀងនេះបានផ្តល់ឲ្យក្រុមហ៊ុនអាកាសចរណ៍ម៉ាឡេស៊ីចូលដំណើរការនៅតំបន់អឺរ៉ុបដោយគ្មាន«ការខាតបង់ច្រើន»។ លោកក៏បាននិយាយផងដែរថា វានឹងធ្វើឲ្យក្រុមហ៊ុនម៉ាឡេស៊ីតភ្ជាប់ទៅកាន់ពិភពលោកទាំងមូល ហើយបង្កភាពងាយស្រួលកាន់តែច្រើនសម្រាប់មនុស្សដែលមកទស្សនាប្រទេសម៉ាឡេស៊ី។
គួរបញ្ជាក់ថា ក្រុមហ៊ុននេះបានទម្លាក់សេវាកម្មឆ្ពោះទៅកាន់ទីក្រុង Istanbul និង Frankfurt រួចទៅហើយនៅពេលដែលខ្លួនបានកាត់បន្ថយការធ្វើដំណើរចម្ងាយឆ្ងាយ ហើយងាកមករកទិសដៅក្នុងតំបន់វិញ។ ការលក់សំបុត្រក្រោមកិច្ចព្រមព្រៀងថ្មីនេះនឹងចាប់ផ្តើមក្នុងខែកុម្ភៈឆ្នាំ២០១៦៕
CAN
ក្រុមហ៊ុនអាកាសចរណ៍ម៉ាឡេស៊ី និងក្រុមហ៊ុនអេមីរ៉ាត ប្រកាសពីកិច្ចព្រមព្រៀងលក់សំបុត្រជាមួយគ្នា
0 Comments