កម្ដៅចាប់ផ្តើមកើតមានជាថ្មីម្តងទៀតហើយ នៅក្នុងជើងក្រានរបស់ក្លិប Chelseaហើយវាអាចនឹងក្លាយជាឱកាសចុងក្រោយសម្រាប់រជ្ជកាលរបស់លោក Jose Mourinho ក្នុងការបន្តការងាររបស់គាត់ ប្រសិនបើក្រុមលោកជ្រុះចេញពីការប្រកួត Champions League នៅក្នុងសប្តាហ៍នេះនោះ។
ក្រុមនៅក្រុងឡុងដ៍មួយនេះ ត្រូវការស្មើជាកំហិត ពេលជួបជាមួយអតីតក្រុម Porto របស់លោក Mourinho អំឡុងការប្រកួតនាថ្ងៃពុធនេះ ដើម្បីអាចមានឱកាសឡើងទៅដំណាក់កាលវគ្គ Knockout ហើយប្រសិនបើសកម្មភាពលេងនៅក្នុងទឹកដី Stamford Bridge មិនអាចយកជាសាច់ការបានទៀតនោះ ច្បាស់ណាស់ថា តំណែងដ៏ក្តៅគគុករបស់គ្រូបង្វឹកសញ្ជាតិព័រទុយហ្គាល់ម្នាក់នេះ នឹងត្រូវអស់ឱកាសត្រឹមហ្នឹងតែម្តង។
សូមបញ្ជាក់ថា ក្រុមឡើងការពារជើងឯក Premier League មួយនេះ ទទួលរងបរាជ័យ១១ លើករួចមកហើយ នៅការប្រកួតបាល់ទាត់ទាំងអស់ក្នុងរដូវកាលនេះ ដែលក្នុងនោះរួមបញ្ចូលទាំងបរាជ័យ ៤ លើកនៅក្នុងទឹកដីខ្លួនឯងផងដែរ ដូច្នេះហើយក្រុមមួយនេះ មិនអាចបន្តចាញ់ទៀតបានទេ ពេលជួបជាមួយក្រុម Porto លើកនេះ។
ទោះបីជាយ៉ាងណាក៏ដោយ លោក Mourinho បានប្រើប្រាស់យុទ្ធសាស្ត្រនៅក្នុងសៀវភៅ ដើម្បីលួងលោមឲ្យទម្រង់ក្រុមរបស់គាត់ល្អប្រសើរឡើងវិញ ដោយក្នុងនោះរួមមានទាំងបញ្ឈរជើងលេងរបស់ខ្សែការពារជើងចាស់ John Terry និងខ្សែប្រយុទ្ធដ៏មុតស្រួច Eden Hazard ដោយមិនមានភាពចម្រូងចម្រាសអ្វីនោះឡើយ។
ចំណែកឯកីឡាករ Nemanja Matic ត្រូវបានកោះហៅឲ្យចូលលេងបន្ទាន់ ដើម្បីទទួលយកការងារធ្ងន់ ពេលជួបជាមួយក្រុមជើងខ្លាំង Porto មកពីប្រទេសព័រទុយហ្គាល់។
កីឡាករសញ្ជាតិ ស៊ែប រូបនេះ បាននិយាយថា យើងកំពុងស្ថិតក្នុងស្ថានភាពទាល់ច្រកមួយ ហើយវាពិបាកខ្លាំងណាស់ក្នុងការក្រោកឈរ ហើយដើរឆ្ពោះទៅមុខ តែយើងនឹងស៊ូដល់ទីបញ្ចប់ ហើយគោលដៅបឋម គឺធ្វើយ៉ាងណារកជ័យជម្នះឲ្យបានពេលជួបជាមួយក្រុម Porto៕
លោក Mourinho នឹងបាត់បង់ឱកាសបើក្រុម Chelsea បរាជ័យក្នុងដៃកីឡាករក្រុម Porto
0 Comments