ក្រុមហ៊ុន Wal-Mart Stores Inc (WMT.N) បាននិយាយថា ខ្លួននឹងចាប់ផ្តើមសេវាកម្ម ‘Walmart Pay’ ដើម្បីក្លាយទៅជាក្រុមហ៊ុនលក់រាយនៅសហរដ្ឋអាមេរិកដំបូងគេ ដែលបានផ្តល់ជូននូវលក្ខណៈពិសេសនៃការបង់ប្រាក់របស់ខ្លួន ដោយបានពង្រីកជម្រើសនៃការបង់ប្រាក់របស់អតិថិជន និងបង្កើនល្បឿននៃការ Checkout។
នាយកប្រតិបត្តិក្រុមហ៊ុន Wal-Mart បានឱ្យដឹង តាមរយៈការទូរស័ព្ទជាវីដេអូជាមួយអ្នកកាសែតកាលពីថ្ងៃពុធថា Walmart Pay នឹងមាននៅក្នុងហាងលក់ដែលត្រូវបានជ្រើសរើស នៅថ្ងៃព្រហស្បតិ៍ ហើយនឹងមាននៅក្នុងហាងបន្ថែមទៀត បន្ទាប់ពីរដូវកាលឈប់សម្រាកនេះ។
នាយកប្រតិបត្តិបាននិយាយថា សេវាឥតគិតថ្លៃនេះ រួមបញ្ចូលទៅក្នុងកម្មវិធីការលក់រាយ ដែលនឹងអាចរកបាននៅទូទាំងប្រទេសក្នុងពាក់កណ្តាលនៃឆ្នាំ២០១៦។
ក្រុមហ៊ុនបានឱ្យដឹងថា៖ Walmart Pay នឹងអាចរកបាននៅលើឧបករណ៍របស់ Apple (AAPL.O) ដែលប្រើ iOS ឬក្នុងប្រព័ន្ធប្រតិបត្តិការរបស់ Alphabet Inc (GOOGL.O) គឺ Android ដែលនឹងអនុញ្ញាតឱ្យមានការទូទាត់ឥណទានធំៗ កាតឥណពន្ធ ការបង់ប្រាក់ជាមុន ឬសេវាកាតអំណោយរបស់ Walmart។
វានឹងអនុញ្ញាតឱ្យមានការធ្វើសមាហរណកម្មនៃជម្រើស ក្នុងការទូទាត់ផ្សេងទៀតដូចជា mobile wallets នៅក្នុងពេលអនាគត។
លក្ខណៈពិសេសនេះ តម្រូវឱ្យអតិថិជនធ្វើការជ្រើសរើសយក Walmart Pay នៅក្នុងកម្មវិធីលក់រាយនៃទូរស័ព្ទដៃនៅពេល checkout ដោយប្រើកាមេរ៉ាទូរស័ព្ទរបស់ខ្លួននិងស្គេនលេខកូដ ដែលបានបង្ហាញ ហើយបន្ទាប់មកវិក្កយបត្រអេឡិចត្រូនិកនឹងត្រូវបានផ្ញើទៅកាន់កម្មវិធីនេះ។
ក្រុមហ៊ុននេះកំពុងស្ថិតក្នុងកិច្ចពិភាក្សាជាមួយក្រុមហ៊ុនអភិវឌ្ឍន៍ mobile wallet ដោយអនុប្រធានជាន់ខ្ពស់នៃសេវាសម្រាប់ក្រុមហ៊ុន Walmart របស់អាមេរិក Daniel Eckert បានឱ្យដឹងថា៖ គេកំពុងតែជជែក ប៉ុន្តែមិនបានបញ្ជាក់ថាជជែកជាមួយក្រុមហ៊ុនណានោះទេ។
ក្រុមហ៊ុន Wal-Mart បានធ្វើការជាមួយសហគមន៍នៃអ្នកលក់រាយ ក្នុងការអភិវឌ្ឍ mobile wallet ដែលហៅថា CurrentC ហើយបានបើកដំណើរការសាកល្បងកាលពីខែសីហា ក្នុងគោលបំណងដើម្បីប្រកួតប្រជែងជាមួយ Apple Pay របស់ក្រុមហ៊ុន Apple Inc។
ក្រុមហ៊ុន Wal-Mart បានឱ្យដឹងថា Walmart Pay ត្រូវបានបង្កើតឡើងដោយឯករាជ្យ ប៉ុន្តែវានៅតែបន្តភ្ជាប់ជាមួយនឹង CurrentC ប្រៀបដូចជាការបន្ថែម mobile wallet សម្រាប់ Walmart Pay៕
ក្រុមហ៊ុន Wal-Mart ឈានជើងចូលវិស័យទូទាត់សាច់ប្រាក់តាមឧបករណ៍ចល័ត ជាមួយនឹងការចាប់ផ្តើមសេវាកម្ម Walmart Pay
0 Comments