បន្ទាយមានជ័យ ៖ ដើម្បីឲ្យអនុសាសន៍៣ចំណុចរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជាកាន់តែជ្រាប់ដល់មហាជន អាវុធហត្ថខេត្តបន្ទាយមានជ័យ បានធ្វើការកោះប្រជុំផ្សព្វផ្សាយបន្តដល់កងកម្លាំងទូរទាំងខេត្ត ឲ្យទៅដល់ប្រជាពលរដ្ឋតាមមូលដ្ឋាន កាលពីព្រឹកថ្ងៃទី១៣ មករា ២០១៦ នៅទីបញ្ជាការអាវុធហត្ថខេត្ត។
លោក ឱ បូរិន្ទ មេបញ្ជាការអាវុធហត្ថខេត្តបន្ទាយមានជ័យ ឆ្លៀតក្នុងការប្រជុំបូកសរុបការងារប្រចាំខែមករា និងទិសដៅបន្ត បានយកអនុសាសន៍ចំនួន៣ចំណុចរបស់សម្តេចតេជោ ហ៊ុន សែន ដែលរួមមាន ១,ទាក់ទងនិងច្បាប់ចរាចរផ្លូវគោកថ្មី ដែលស្តីពីការលើកលែងមួយចំនួន និងការផ្ទេរកម្មសិទ្ធិអចលនទ្រព្យពីឪពុកម្តាយទៅកូន រវាងប្តីទៅប្រពន្ធ និងពីតាយាយទៅចៅ។ ២,អាវុធហត្ថទាំងអស់ត្រូវការពាររដ្ឋាភិបាលស្របច្បាប់។ ៣,ពាក់ព័ន្ធនិងការប្រើប្រាស់ Facebook ត្រូវប្រើឲ្យមានប្រយោជន៍ដល់សង្គមជាតិ អង្គភាព ក៏ដូចខ្លួនឯងផ្ទាល់។
លោកមេបញ្ជាការបានបន្តឲ្យដឹងទៀតថា ចំពោះចំណុចទី១ ធ្វើយ៉ាងណាឲ្យមានប្រសិទ្ធភាពសំដៅបង្ការទប់ស្កាត់ កាត់បន្ថយគ្រោះថ្នាក់ចរាចរ ឲ្យបានជាអតិបរមា ដើម្បីការពារអាយុជីវិតប្រជាពលរដ្ឋ និងបង្ការការខូចខាតទ្រព្យសម្បត្តិប្រជាពលរដ្ឋដោយសារគ្រោះថ្នាក់ចរាចរ។ ចំណុចទី២ អាវុធហត្ថ និងសមត្ថកិច្ចទាំងអស់ត្រូវការពាររាជរដ្ឋាភិបាលស្របច្បាប់។ និងចំណុចទី៣ មិនថា អាវុធហត្ថ មន្ត្រីរាជការ ប្រជាពលរដ្ឋ ត្រូវចេះលេងបណ្តាញសង្គមFacebook ឲ្យមានប្រយោជន៍ដល់សង្គមជាតិ អង្គភាព និងខ្លួនឯងផ្ទាល់៕
អាវុធហត្ថខេត្តបន្ទាយមានជ័យផ្សព្វផ្សាយអនុសាសន៍៣ចំណុចរបស់ប្រមុខរដ្ឋាភិបាលកម្ពុជា
0 Comments