សៀមរាប ៖ នៅព្រឹកថ្ងៃទី១៣ ខែមករា ឆ្នាំ២០១៦ នេះសមត្ថកិច្ចប្រឆាំងគ្រឿងញៀននៃស្នងការនគរបាលខេត្ត បានបង្ហាញមុខក្រុមជួញដូរគ្រឿងញៀនមួយសំបុកធំដ៏សកម្ម នៅក្នុងក្រុងសៀមរាបកាលពី វេលាម៉ោង០៨និង៥០នាទី ថ្ងៃទី១៣ខែមករា ឆ្នាំ២០១៦ នៅស្នងការនគរបាល ខេត្ត។
កម្លាំងការិយាល័យប្រឆាំងគ្រឿងញៀន ខេត្តបានរួមសហការជាមួយកម្លាំងនគរបាលព្រហ្មទណ្ឌកម្រិតស្រាលនិងកម្លាំងអធិការក្រុង សៀមរាប បានចុះធ្វើសកម្មភាពបង្ក្រាប បទល្មើសគ្រឿងញៀនមួយកន្លែង នៅចំណុច ស្ថិតនៅភូមិតាភុល សង្កាត ស្លក្រាមក្រុងសៀមរាប ហើយឈានដល់ធ្វើការឃាត់ខ្លួនបានចំនួន៣នាក់ និង ដកហូតនូវឧបករណ៍ប្រើប្រាស់នូវសារធាតុញៀនមួយចំនួនធំ និង ទូរស័ព្ទដៃចំនួន៣គ្រឿងរួច បញ្ជូនមកកាន់ ការិយាល័យប្រឆាំងគ្រឿងញៀនខេត្តដើម្បីសួរនាំ។
លោកវរសេនីយ៍ទោ អ៊ុំសាអាត បានឲ្យដឹងទៀតថា ជនសង្ស័យដែលត្រូវបានសមត្ថកិច្ចធ្វើការឃាត់ខ្លួនពាក់ព័ន្ធនឹងករណី ជួញដូរ ដោយ ខុសច្បាប់នៅសារធាតុញៀន រួមមាន ទី១ ឈ្មោះ ឈឿមពណ្ណរាយភេទ ប្រុស អាយុ២៣ឆ្នាំ រស់នូវភូមិតាភុល សង្កាត់ស្វាយដង្គំ ក្រុង ខេត្តសៀមរាប ទី២ ឈ្មោះ ស្រីណារ៉ូ ភេទប្រុស អាយុ១៧ ឆ្នាំ មានទីលំនៅភូមិវាល សង្កាត់គោកចកក្រុង ខេត្តសៀមរាបទី៣ឈ្មោះ អឿន វិច្ចិកា ភេទប្រុស អាយុ២៣ ឆ្នាំ រស់នូវភូមិសាលាកន្សែង សង្កាត់ស្វាយដង្គំ ក្រុង ខេត្តសៀមរាប។
បច្ចុប្បន្នជនសង្ស័យទាំង៣នាក់រួមនឹងឧបករណ៍ប្រើប្រាស់ គ្រឿងញៀនត្រូវបាន បញ្ជូន ទៅកាន់តុលាការនៅព្រឹកស្អែកថ្ងៃទី១៤ ខែមករា ឆ្នាំ២០១៦ចាត់ការបន្ត៕
ជនសង្ស័យ៣នាក់ត្រូវបានសមត្ថកិច្ចប្រឆាំងគ្រឿងញៀន បញ្ជូនទៅកាន់តុលាការពាក់ព័ន្ធករណីជួញដូរ
0 Comments