ភ្នំពេញ ៖ កម្លាំងអាវុធហត្ថការិយាល័យជំនាញប្រឆាំងគ្រឿងញៀនរាជធានីភ្នំពេញ សហការជាមួយអាវុធហត្ថខណ្ឌមានជ័យ នាយប់ថ្ងៃទី២ ខែមករា ឆ្នាំ២០១៥នេះ បានបើកប្រតិបត្តិការចុះបង្ក្រាបជាក់ស្ដែងជនចែកចាយ និងប្រើប្រាស់គ្រឿងញៀន ស្ថិតនៅចំណុចភូមិភ្នាត និងភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ដោយឃាត់ខ្លួនជនសង្ស័យ១០នាក់ និងដកហូតវត្ថុតាងមួយចំនួន។
មន្ត្រីអាវុធហត្ថការិយាល័យស្រាវជ្រាវប្រឆាំងគ្រឿងញៀនរាជធានីបានឲ្យដឹងថា ជនសង្ស័យទាំង១០នាក់ មានស្ត្រី២នាក់ ដកហូតថ្នាំញៀន៣កញ្ចប់ និងប្រដាប់ប្រដាប្រើប្រាស់មួយចំនួនទៀតរួចបានបញ្ជូនទៅកាន់ការិយាល័យប្រឆាំងគ្រឿងញៀន ដើម្បីរៀបសំណុំរឿងនាំខ្លួនទៅកាន់តុលាការកាត់ទោសទៅតាមផ្លូវច្បាប់។
គួរបញ្ជាក់ផងដែរថា ឆ្នាំ២០១៥កន្លងទៅថ្មីៗនេះ កងរាជអាវុធហត្ថបានបង្ក្រាបករណីជួញដូរ រក្សាទុក និងប្រើប្រាស់គ្រឿងញៀនបាន៥ករណី ស្មើនឹង១៨៥លើក ឃាត់ខ្លួនមនុស្ស៦៦៩នាក់(ស្រី៧៩នាក់) និងដកហូតវត្ថុតាងដ៏ច្រើនសន្ធឹកសន្ធាប់ផងដែរ៕
បើកឆាកឆ្នាំ២០១៦ អាវុធហត្ថបង្ក្រាបបានមនុស្សប្រុស/ស្រី១០នាក់ ពាក់ព័ន្ធបទល្មើសគ្រឿងញៀន
0 Comments