សៀមរាប ៖ កម្លាំងការិយាល័យប្រឆាំងគ្រឿងញៀន ដោយមានការចូលរួមកម្លាំងការិយាល័យព្រហ្មទណ្ឌកម្រិតស្រាល និងកម្លាំងអធិការដ្ឋានក្រុងសៀមរាប បានចុះប្រតិបត្តិការបង្ក្រាប មុខសញ្ញាចែកចាយប្រើប្រាស់ គ្រឿងញៀន យ៉ាងសកម្មនៅក្នុងក្រុងសៀមរាប រហូតឈានដល់ធ្វើការឃាត់ខ្លួនបានជនសង្ស័យចំនួន៤នាក់ និងវត្ថុតាងគ្រឿងញៀន១កញ្ចប់នាំយកមកការិយាល័យប្រឆាំងគ្រឿងញៀនខេត្ត ដើម្បីសួរនាំ។
ប្រតិបត្តិការនេះធ្វើឡើងកាលពីវេលាម៉ោងប្រមាណជា៩ព្រឹកថ្ងៃទី៤ ខែមករា ឆ្នាំ២០១៦ នៅទីតាំងជួញដូរចែកចាយ និងប្រើប្រាស់គ្រឿងញៀនយ៉ាងសកម្មមួយកន្លែង ស្ថិតក្នុងភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប។
លោកវរសេនីយ៍ទោអ៊ុំ សាអាត នាយការិយាល័យ ប្រឆាំងគ្រឿងញៀនខេត្តបានធ្វើការឃាត់ខ្លួនបានជនសង្ស័យ៤នាក់ រួមនិងវត្ថុតាងមាន ៖, ទូរស័ព្ទចំនួនគ្រឿង,ថ្នាំ ១កញ្ចប់ ព្រមទាំងឧបករណ៍វេចខ្ចប់សម្រាប់លក់ និងប្រើប្រាស់មួយចំនួនធំ។
លោកបន្តថា ៖ ជនសង្ស័យទាំង៥នាក់ មានឈ្មោះ១. ឈ្មោះឃនហូទ្បា ភេទប្រុស កើតឆ្នាំ១៩៩៩រស់នៅភូមិចុងកៅស៊ូ សង្កាត់ស្លក្រាម ក្រុង ខេត្តសៀមរាប ២.ឈ្មោះចិនចាវ ភេទប្រុស កើតឆ្នាំ ១៩៩៦ មុខរបរលក់លៀសហាលរស់នៅភូមិចុងកៅស៊ូ សង្កាត់ស្លក្រាម ក្រុង ខេត្តសៀមរាប ៣.ឈ្មោះតុបតាំ ភេទប្រុស កើតឆ្នាំ១៩៩២រស់នៅភូមិជ្រៃ ឃុំកណ្តែក ស្រុកប្រាសាទបាគងខេត្តសៀមរាប ៤. ឈ្មោះសួរ ពិសិទ្ឋ ភេទប្រុសកើតឆ្នាំ១៩៩៣មុខរបរបុគ្គលិកក្រុមហ៊ុនស្រាបៀរ រស់នៅភូមិជ្រៃឃុំកណ្តែក ស្រុកប្រាសាទបាគង ខេត្តសៀមរាប។ បច្ចុប្បន្នជនសង្ស័យទាំង៤នាក់ត្រូវបានសមត្ថកិច្ចរៀបចំសំណុំរឿងបញ្ជូនទៅកាន់តុលាការនៅព្រឹកថ្ងៃទី០៥ ខែមករា ឆ្នាំ២០១៦ ដើម្បីចាត់ការតាមនីតិវិធី៕
ជនសង្ស័យ៤នាក់ ពាក់ព័ន្ធករណីគ្រឿងញៀន ត្រូវបានសមត្ថកិច្ចបញ្ជូនទៅតុលាការ
0 Comments