ភ្នំពេញ ៖ ខណៈពេលដែលប្រជាប្រិយភាពកាន់តែបន្តមានសន្ទុះល្បីល្បាញនៅក្នុងសង្គមសិល្បៈគូស្នេហ៍អ្នកសិល្បៈអ្នកនាង ខាត់ សុឃីម និងស្វាមីលោក សុផាណូ ត្រូវបានមហាជនទាំងក្នុង និងក្រៅស្រុកលើកសរសើរ និងឲ្យតម្លៃថា អ្នកទាំងពីរជាគូស្នេហ៍ដែលផ្អែមល្ហែម ចេះយល់ចិត្ត ថ្នាក់ថ្នមគ្នាគួរឲ្យស្ញប់ស្ញែង។
រម្លឹកពីសម្ពន្ធភាពស្នេហារបស់តារាស្រីពហុជំនាញអ្នកនាង ខាត់ សុឃីម និងស្វាមីលោក សុផាណូ មុនពេលឈានដល់ការសម្រេចចិត្តរៀបអាពាហ៍ពិពាហ៍ប្រកាសបើកចំហជាផ្លូវការបង្ហាញមហាជនជាសាធារណៈ ប្តី-ប្រពន្ធអ្នកទាំងពីរបានប្រើពេលវេលាស្វែងយល់មើលចិត្តពីគ្នាជាច្រើនឆ្នាំទើបសម្រេចចិត្តចូលរោងជ័យកាលពីថ្ងៃទី១២ ខែធ្នូ ឆ្នាំ២០១២ នារាជធានីភ្នំពេញ ដែលមានភ្ញៀវចូលរួមយ៉ាងច្រើនកុះករ។
ជាការកត់សម្គាល់ បច្ចុប្បន្នបើទោះបីជាស្វាមីលោក សុផាណូ មានវ័យក្មេងជាងអ្នកនាង ខាត់ សុឃីម បន្តិចក៏ពិតមែន តែចំណងស្នេហ៍ផ្អែមល្ហែម និងការគោរពសិទ្ធគ្នាជាប្តីប្រពន្ធ រវាងពួកគេទាំងពីរនាក់ នៅតែមាន និងរក្សាបានយ៉ាងល្អ។
ជាមួយគ្នានេះជារឿយៗគេសង្កេតឃើញលោក សុផាណូ ក៏បានបំពេញតួនាទីជាស្វាមីល្អរហូតធ្វើឲ្យអ្នកនាង ខាត់ សុឃីម រំភើបចិត្តខ្លាំងញញឹមបិទមាត់សឹងមិនជិតទៀតផង។
កាលពីថ្មីៗនេះ អ្នកនាង ខាត់ សុឃីម បានសរសេររៀបរាប់នៅលើហ្វេសប៊ុករបស់ខ្លួនថា អរគុណប្តីសំឡាញ់ ដែលបំពេញបំណងអូន អរគុណកងដៃមួយគូស្អាតណាស់ ហិហិខិខិLove you so mach my sweet husband។
បន្ទាប់ពីឃើញបែបនេះ មានទស្សនិកជនជាច្រើនបានសម្តែងអារម្មណ៍ចូលរួមអបអរ និងផ្ញើសារជូនពរគ្រប់ៗគ្នា ក្នុងនោះក៏មានអ្នកសិល្បៈខ្មែរមួយចំនួនផងដែរ។
សូមបញ្ជាក់ថា តារាស្រីពហុជំនាញអ្នកនាង ខាត់ សុឃីម បើគិតរហូតមកទល់ពេលនេះ បានរៀបការជាមួយស្វាមីលោក សុផាណូ មានរយៈពេល៣ឆ្នាំហើយ។ ក្នុងនោះចាប់តាំងពីសាងសុភមង្គលស្នេហារស់នៅជាប្តី-ប្រពន្ធរួមដំបូលផ្ទះតែមួយ រវាងអ្នកនាង ខាត់ សុឃីម និងស្វាមីលោក សុផាណូ ជារឿយៗពួកគេងតែងបង្ហាញពីភាពផ្អែមល្ហែមប្រៀបដូចសត្វស្រមោច និងស្ករគួរឲ្យស្ងើចសរសើរស្នេហាប្តី-ប្រពន្ធមួយគូនេះណាស់៕
ខាត់ សុឃីម រំភើបចិត្តខ្លាំងស្ទើរទប់អារម្មណ៍មិនជាប់
0 Comments