ភ្នំពេញ ៖ ជនសង្ស័យ១០នាក់ ពាក់ព័ន្ធគ្រឿងញៀន ត្រូវបានបញ្ជូនទៅតុលាការ នៅរសៀលថ្ងៃទី៤ខែមករា ឆ្នាំ២០១៦ បន្ទាប់ពីកម្លាំងអាវុធហត្ថការិយាល័យប្រឆាំងគ្រឿងញៀនរាជធានីភ្នំពេញសហការជាមួយអាវុធហត្ថខណ្ឌមានជ័យ បានបើកប្រតិបត្តិការចុះបង្ក្រាបជាក់ស្ដែងជនចែកចាយ និងប្រើប្រាស់គ្រឿងញៀន ស្ថិតនៅចំណុចភូមិភ្នាត និងភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ដោយឃាត់ខ្លួនជនសង្ស័យ១០នាក់ និងដកហូតវត្ថុតាងមួយចំនួនកាលពីយប់ថ្ងៃទី២ ខែមករា ឆ្នាំ២០១៥។
មន្ត្រីអាវុធហត្ថការិយាល័យស្រាវជ្រាវប្រឆាំងគ្រឿងញៀនរាជធានីបានឲ្យដឹងនៅវេលាម៉ោង១០និង១០នាទី ថ្ងៃទី៤មករាថា ជនសង្ស័យចំនួន១០នាក់ដែលបង្ក្រាបបានរួមមាន (ស្រី២នាក់) គឺ១-ឈ្មោះ កៅ សុធា ភេទប្រុស អាយុ២០ឆ្នាំ បច្ចុប្បន្នស្នាក់នៅផ្ទះលេខ២៨៣ ផ្លូវលំ ភូមិភ្នាត សង្កាត់ស្ទឹងមានជ័យ ខណ្ឌមានជ័យ មុខរបរកម្មករ។ ២-ឈ្មោះ យូ ចិន្តា ភេទប្រុស អាយុ៣១ឆ្នាំ បច្ចុប្បន្នស្នាក់នៅភូមិថ្មី សង្កាត់ស្ទឹងមានជ័យ ខណ្ឌមានជ័យ មុខរបររត់ម៉ូតូឌុប។
៣-ឈ្មោះ រុម ភារម្យ ភេទប្រុស អាយុ៣៥ឆ្នាំ បច្ចុប្បន្នស្នាក់នៅភូមិភ្នាត សង្កាត់ស្ទឹងមានជ័យ ខណ្ឌមានជ័យ មុខរបរជាងម៉ាស៊ីន។ ៤-ឈ្មោះ ស្វាយ ស៊ីនួន ភេទស្រី អាយុ៥៩ឆ្នាំ បច្ចុប្បន្នស្នាក់នៅភូមិភ្នាត សង្កាត់ស្ទឹងមានជ័យ ខណ្ឌមានជ័យ មុខរបរនៅផ្ទះ។ ៥-ឈ្មោះ រឿង សត្យា ភេទប្រុស អាយុ២៧ឆ្នាំ បច្ចុប្បន្នស្នាក់ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ មុខរបរបើកឡាន។ ៦-ឈ្មោះ ហែម សុផល ភេទប្រុស អាយុ២៣ឆ្នាំ បច្ចុប្បន្នស្នាក់នៅភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ មុខរបរ រើសអេតចាយ។ ៧-ឈ្មោះ វ៉ាច់ ដាលីន ភេទស្រី អាយុ២៩ឆ្នាំ បច្ចុប្បន្នស្នាក់នៅភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ មុខរបរកម្មការិនីរោងចក្រ។ ៨-ឈ្មោះ សួន សាន់ដេ ភេទប្រុស អាយុ៣០ឆ្នាំ បច្ចុប្បន្នស្នាក់នៅភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ មុខរបរជាងជួសជុលទូរស័ព្ទ។ ៩-ឈ្មោះ សុខ ចំរុង ភេទប្រុស អាយុ២៨ឆ្នាំ បច្ចុប្បន្នស្នាក់នៅភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ មុខរបររើសអេតចាយ និង១០-ឈ្មោះ ឈៀង វង្សរិទ្ធី ភេទប្រុស អាយុ២៧ឆ្នាំ បច្ចុប្បន្នស្នាក់នៅភូមិបឹងទំពុន សង្កាត់ស្ទឹងមានជ័យ ខណ្ឌមានជ័យ មុខរបរកម្មកររោងចក្រ។
មន្ត្រីអាវុធហត្ថបន្តថា វត្ថុតាងដកហូតរួមមាន ក្រាមពណ៌.ស ថ្លា០៣កញ្ចប់,ដបជក់០៤,ដែកកេះ០៩,ទូរស័ព្ទ០២គ្រឿង,ថង់ច្រកមួយចំនួន,នាឡិកា០២។ បន្ទាប់ពីកសាងសំណុំរឿងរួច ការិយាល័យប្រឆាំងគ្រឿងញៀនរាជធានីភ្នំពេញបានបញ្ជូនទៅសាលាដំបូងរាជធានីភ្នំពេញចាត់ការបន្ត។
គួរបញ្ជាក់ថា ឆ្នាំ២០១៥កន្លងទៅនេះ កងរាជអាវុធហត្ថរាជធានីភ្នំពេញបានបង្ក្រាបករណីជួញដូរ រក្សាទុក និងប្រើប្រាស់គ្រឿងញៀនបាន៥ករណី ស្មើនឹង១៨៥លើក ឃាត់ខ្លួនមនុស្ស៦៦៩នាក់(ស្រី៧៩នាក់) និងដកហូតវត្ថុតាងដ៏ច្រើនសន្ធឹកសន្ធាប់៕
បញ្ជូនជនសង្ស័យ១០នាក់ ពាក់ព័ន្ធបទល្មើសគ្រឿងញៀនទៅតុលាការ
0 Comments