នេះជាលើកទី ១ ហើយ ដែលលោក Arman Butt ជាបុរសអ៊ូបេគីស្ថានស្វែងរកការធ្វើដំណើរដោយក្តីអស់សង្ឃឹម ដើម្បីមកកាន់បស្ចិមប្រទេសបានឃើញព្រិលទឹកកកសស្គុស។ ប៉ុន្តែពេលដែលបុរសវ័យ ៣០ឆ្នាំ រូបនេះ ធ្វើដំណើរក្នុងភាពត្រជាក់ខ្លាំងមកដល់ព្រំដែនស្លូវ៉ានី-អូទ្រីសនោះគាត់បន់ស្រន់សូមកុំឲ្យត្រជាក់យ៉ាងនេះ។
គាត់ជាបុរសម្នាក់ក្នុងចំណោម ៥០ នាក់ ដែលមកប៉ះជាមួយសីតុណ្ហភាពដ៏ត្រជាក់ស្រិប ហើយដើរទៅមុខក្នុងរយៈចម្ងាយខ្លី ដែលជាគម្លាតនៃប៉ុស្តិ៍ត្រួតពិនិត្យខាងប្រទេសអូទ្រីស មកពីប៉ុស្តិ៍ត្រួតពិនិត្យខាងប្រទេសស្លូវ៉ានី។ លោក Butt មកពីក្រុង Lahore ភាគខាងកើតនៃប្រទេសប៉ាគីស្ថាន។ គាត់ធ្វើដំណើរមកតាំងពីថ្ងៃទី២០ ខែកញ្ញាមកម្ល៉េះ។
កាលពីប៉ុន្មានម៉ោងកន្លងទៅនេះ រូបគាត់ត្រូវបានគេច្រានឲ្យត្រឡប់ថយក្រោយចូលទៅក្នុងប្រទេសស្លូវ៉ានីវិញ ដោយឆ្មាំព្រំដែននៃប្រទេសអូទ្រីស។ ដោយពាក់ស្បែកជើងក្រណាត់នោះ ជើងរបស់គាត់ស្ទើរតែរឹងកក ហើយការដើរទៅមុខក៏លែងចង់ទៅរួចដែរ។
ជារៀងរាល់ថ្ងៃ ជនភៀសខ្លួន និងជនអន្តោប្រវេសន៍ប្រមាណ ៩០០ នាក់ ដែលរងាញាក់ញ័រ ដោយសារតែសភាពត្រជាក់នោះ បានមកដល់ទីនេះតាមការធ្វើដំណើរដោយរថភ្លើងមកពីក្រូអាត ឬក៏ពីតំបន់ភាគខាងត្បូង។ ភាគច្រើននៃមនុស្សទាំងនោះ ដែលស្វែងរកការធ្វើដំណើរមកកាន់អឺរ៉ុប ក៏ព្រោះតែការភៀសខ្លួនចេញពីសង្គ្រាម អំពើហិង្សា និងការធ្វើទុក្ខបុកម្នេញនៅប្រទេសស៊ីរី អ៊ីរ៉ាក់ និងអាហ្វហ្គានីស្ថានផងដែរ។ ក៏នៅមានមនុស្សជាច្រើនផ្សេងទៀតដូចជាលោក Butt នេះ គឺកំពុងស្វែងរកជីវិតរស់នៅឲ្យបានប្រសើរជាងនេះ។ ពួកគេកំពុងតែជួបប្រទះដោយប្រឈមនឹងបញ្ហាលំបាកធំៗជាច្រើននៅពេលឆ្លងកាត់ព្រំដែន ដែលត្រូវបានគេហៅផងដែរថា ជាផ្លូវអន្តោប្រវេសន៍នៅតំបន់បាល់កង់ ឆ្ពោះទៅកាន់បស្ចិមប្រទេសនោះ៕
AFP
ព្រិលទឹកកក នាំឲ្យការធ្វើដំណើររបស់ជនអន្តោប្រវេសន៍កាត់ទ្វីបអឺរ៉ុបកាន់តែលំបាកថែមឡើង
0 Comments