កំពង់ឆ្នាំង ៖ កាលពីព្រឹកថ្ងៃទី០៦ ខែមករា ឆ្នាំ២០១៦ ភ្ញៀវទេសចរជនជាតិអ៊ីស្រាអែលជាច្រើននាក់ដែលមកទស្សនកិច្ចក្នុងខេត្តកំពង់ឆ្នាំង ចូលថ្វាយបង្គំព្រះចៅអធិការវត្តទេពធីតារាម(ហៅវត្តយាយទេព) ក្នុងសង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
ព្រះសង្ឃនៃវត្តទេពធីតារាម ហៅវត្តយាយទេព បានមានពុទ្ធដីកាឲ្យដឹងថា អ្នកទេសចរទាំងនោះជាជនជាតិអ៊ីស្រាអែល ចូលមកក្នុងព្រះវិហារវត្តទេពធីតារាម ដោយឈរស្មឹងស្មាតរម្ងាប់អារម្មណ៍អស់ជាច្រើននាទី បន្ទាប់មក ក៏បាននាំគ្នាមកថ្វាយបង្គំព្រះគ្រូចៅអធិការវត្តសុំឱវាទព្រះចៅអធិការវត្ត «ថា តើការរស់នៅដោយសុភមង្គល ត្រូវរស់នៅដោយរបៀបណា?» ព្រះចៅអធិការបានពន្យល់ពួកគេជាភាសាអង់គ្លេស ព្រមទាំងទទួលឆ្លើយសំនួរជាច្រើនផងដែរ។
ក្រុមភ្ញៀវទេសចរទាំងនោះបានឲ្យដឹងថា ក្រោយពេលបានមកដល់វត្តទេពធីតារាម និងមានការពន្យល់ពីព្រះចៅអធិការវត្តរួចមក ពួកគាត់ចាប់ផ្ដើមយល់ពីតម្លៃពុទ្ធសាសនានៅកម្ពុជាកាន់តែច្រើន៕
ភ្ញៀវទេសចរជនជាតិអ៊ីស្រាអែលច្រើននាក់ ចូលថ្វាយបង្គំសុំឱវាទពីព្រះសង្ឃវត្តយាយទេព
0 Comments