ប៉ូលិសនៅទីក្រុង Cologne មិនបានត្រៀមខ្លួន ដើម្បីដោះស្រាយជាមួយនឹងការរំលោភផ្លូវភេទយ៉ាងធំដែលបានកើតឡើងក្នុងអំឡុងពេលនៃការប្រារព្ធពិធីបុណ្យឆ្នាំថ្មីនោះទេ។ នេះបើតាមការលើកឡើងប្រាប់ RT ពីសំណាក់មេប៉ូលិសក្រុង ដោយបានបន្ថែមទៀតថា ពួកគេមិនដែលជួបប្រទះឧប្បត្តិហេតុបែបនេះទេកាលពីមុនមកទេ។
មេប៉ូលិសក្រុង Cologne លោក Wolfgang Albers បានប្រាប់ RT ថា “នៅទីបំផុតយើងបានជួបស្ថានភាពនេះ។ យើងបានអន្តរាគមន៍ហើយជួយ ។ ខ្ញុំទទួលស្គាល់ថា យើងត្រូវបានគេធ្វើឲ្យច្របូកច្របល់ទាំងស្រុង។ យើងមិនដែលបានជួបប្រទះឧបទ្ទវហេតុដូចនេះទេកាលពីមុនមក ហើយយើងមិនបានត្រៀមខ្លួនសម្រាប់វាទេ”។
សន្តិសុខត្រូវបានបង្កើននៅក្នុងទីក្រុងរបស់ប្រទេសអាល្លឺម៉ង់មួយនេះ ដែលត្រូវបានរងនូវអំពើហិង្សាផ្លូវភេទដ៏ធំនៅថ្ងៃចូលឆ្នាំថ្មីនេះ។
យោងតាមសាក្សីបានឲ្យដឹងថា បុរសដើមកំណើតអារ៉ាប់ ឬអាហ្វ្រិកខាងជើងស្រវឹងជោគជាំបានកកកុញ នៅឯបរិវេណដ៏ល្បីឈ្មោះមួយរបស់ទីក្រុងនេះ ដែលស្ថិតនៅចន្លោះស្ថានីយរថភ្លើង និងមហាវិហារ Gothic។
មនុស្សអាយុចន្លោះពី១៥ដល់៣៥ឆ្នាំនៅក្នុងហ្វូងមនុស្សបានចាប់ផ្តើមបោះផាវ និងដុតកាំជ្រួចនៅពេលឆ្នាំថ្មីមកដល់។
ក្នុងពេលនោះ បុរសមួយចំនួន ត្រូវបានគេរាយការណ៍ថា បានចាប់រំលោភស្ត្រី និងលូកលាន់កេរខ្មាស។
ឥឡូវនេះប្រជាជនទីក្រុងមានការភ័យខ្លាចថា ស្ថានភាពបែបនេះអាចនឹងកើតឡើងម្តងទៀត។
របាយការណ៍ដំបូងរបស់ប៉ូលិសនៅឆ្នាំថ្មីក្នុងទីក្រុង Cologne បានឲ្យដឹងថា នៅយប់នោះបានប្រព្រឹត្តទៅដោយសន្តិវិធី។
សេចក្ដីថ្លែងការណ៍របស់ប៉ូលិសក្រុង Cologne បាននិយាយនៅថ្ងៃទី១ ខែមករាថា “ដូចជាឆ្នាំមុនដែរ ការប្រារព្ធពិធីឆ្នាំថ្មី ត្រូវបានធ្វើឡើងដោយសន្តិវិធី”។ សេចក្ដីថ្លែងការណ៍នេះបានបន្ថែមថា ស្ថានភាពគឺមានភាពល្អប្រសើរ ដោយសារតែប៉ូលិស ត្រូវបានដាក់នៅទីតាំងសំខាន់ៗនានាយ៉ាងល្អប្រសើរ។
ក្នុងពេលនេះដែរ រដ្ឋមន្ត្រីមហាផ្ទៃរដ្ឋ Rhine-Westphalia ខាងជើងលោក Ralf Jager បាននិយាយថា យ៉ាងហោចណាស់មានជនសង្ស័យចំនួនបួននាក់ ត្រូវបានអះអាងថា មានការតភ្ជាប់ ជាមួយនឹងការរំលោភផ្លូវភេទយ៉ាងធំនេះ ដែលបានកើតឡើងក្នុងទីក្រុង Cologne នៅថ្ងៃចូលឆ្នាំថ្មី។ ទោះបីជាយ៉ាងណាក៏ដោយ ប៉ូលិសពុំទាន់បានចាប់ខ្លួននរណាម្នាក់ឡើយ៕
RT
ប៉ូលិសក្រុង Cologne មិនបានត្រៀមខ្លួន ចំពោះការរំលោភផ្លូវភេទយ៉ាងធំនៅថ្ងៃឆ្លងឆ្នាំ
0 Comments