ភ្នំពេញៈជនរងគ្រោះម្នាក់បានរងរបួសដាច់សាច់ក្បាលមួយដុំធ្លាក់មកដីបន្ទាប់ពីត្រូវក្រុមក្មេងស្ទាវមួយក្រុមប្រមាណ១៥នាក់ជិះម៉ូតូពី៦ទៅ៧គ្រឿងប្រដាប់ដោយដាវកែច្នៃមកព្រួតកាប់ជនរងគ្រោះជាម្ចាស់ហាងកាហ្វេបណ្ដាលឲ្យរងរបួសដាច់សាច់ក្បាល១ដុំខណៈពេលជនរងគ្រោះរូបនេះស្ទុះទៅរងជំនួសម្ដាយរបស់ខ្លួននោះ។
ហេតុការនេះកើតឡើងកាលពីវេលាម៉ោង១៦និង២០នាទីល្ងាចថ្ងៃទី៥ខែមករាឆ្នាំ២០១៦នៅចំណុចហាងកាហ្វេយីហោហុងលីស្ថិតនៅក្នុងភូមិថ្នល់បំបែកសង្កាត់ចោមចៅខណ្ឌពោធិ៍សែនជ័យ។
ជនរងគ្រោះដែលរយះក្បាលមានឈ្មោះអូ សុខហេងភេទប្រុសអាយុ២៣ឆ្នាំស្នាក់នៅកន្លែងកើតហេតុខាងលើដោយរងរបួសរយះក្បាល។ក្នុងនោះក្រុមជនដៃដល់បានកាប់បំផ្លាញម៉ូតូចំនួនពីរគ្រឿងទៀតផង។
ចំណែកក្រុមក្មេងស្ទាវមានគ្នាជិត១៥នាក់ជិះម៉ូតូប្រមានជា៧គ្រឿងប្រដាប់ដោយដាវកែច្នៃជិត១០ដើម។
តាមប្រភពព័ត៌មានបានឲ្យដឹងថាមុនពេលកើតហេតុខណៈពេលភ្ញាវមួយចំនួនកំពុងអង្គុយផឹកកាហ្វេសុខៗស្រាប់តែមានក្រុមក្មេងស្ទាវមួយក្រុមជិះម៉ូតូមកប្រសាចមកឈប់មុខហាងនោះហើយស្ទុះចុះពីលើម៉ូតូទៅកាប់ក្រុមគ្រួសារជនរងគ្រោះយ៉ាងអនាធិបតេយ្យ ។ រំពេចនោះជនរងគ្រោះខំគេចពីផ្លែដាវជនដៃដល់យ៉ាងវក់វីតែពេលនោះដោយសាកាប់ទៅលើជនរងគ្រោះមិនត្រូវពួកគេបានបែរទៅរកកាប់ស្ដ្រីជាម្ដាយជនរងគ្រោះទៅវិញជាហេតុនាំឲ្យជនរងគ្រោះស្ទុះទៅជួយរងដាវជំនួសម្ដាយបណ្ដាលឲ្យត្រូវមួយដាវដាច់សាច់មួយដុំធ្លាក់មកដីរបួសធ្ងន់។ក្រុមនេះក៍បានស្ទុះទៅកាប់បំផ្លាញម៉ូតូពីគ្រឿងផងដែរដោយកាប់ដាច់ស្លាកលេខមួយបន្ទះយកទៅបាត់។ម៉ូតូទាំងពីរគ្រឿងនោះម៉ាកហុងដាឌ្រីមសេ១១០សេរីឆ្នាំ២០១២១គ្រឿងនិងម៉ូតូម៉ាកហុងដាស្កុបពី១គ្រឿង។ជនរងគ្រោះត្រូវបានដឹកទៅសង្គ្រោះនៅពេទ្យឯកជនហើយក្រុមបង្កបាននាំគ្នជិះគេចឋ្លួនបាត់ស្រមោល តែសមត្ថកិច្ចកំពុងតាមស្រាវជ្រាវស្វែងរកចាំខ្លួនមកផ្ដន្ទាទោសតាមច្បាប់៕
សង្ស័យគំនុំក្រុមក្មេងស្ទាវជាង១០នាក់ជិះម៉ូតូមកព្រួតកាប់ម្ចាស់ហាងកាហ្វេរបួសធ្ងន់ម្នាក់
0 Comments