កំពង់ឆ្នាំង ៖ សម្ដេចចៅហ្វាវាំង វរវៀងជ័យអធិបតីស្រឹង្គារ ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង អនុប្រធានអចិន្ត្រៃយ៍កាកបាទក្រហមកម្ពុជា និងជាតំណាងដ៏ខ្ពង់ខ្ពស់របស់សម្ដេចកិត្តិព្រឹទ្ធបណ្ឌិតប៊ុនរ៉ានី ហ៊ុន សែន ប្រធានកាកបាទក្រហមកម្ពុជា អមដំណើរ ដោយឯកឧត្ដមទេសរដ្ឋមន្ត្រី គុយ សុផល ឯកឧត្ដម ជា ហន និងមន្ត្រីអ្នកមុខអ្នកការមួយចំនួនទៀត បានអញ្ជើញជាអធិបតីក្នុងពិធីប្រគល់អណ្ដូង ទឹកស្អាតចំនួន ៥៧ អណ្ដូងទឹកស្អាតដែលជាអំណោយ ដ៏ថ្លៃថ្លារបស់សម្ដេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ជូនបងប្អូនប្រជាពលរដ្ឋក្នុងស្រុកចំនួន៤ និងក្រុងមួយរបស់ខេត្តកំពង់ឆ្នាំងកាលពីព្រឹកថ្ងៃទី០២ ខែមករា ឆ្នាំ២០១៦។
អណ្ដូងទឹកស្អាតដែលត្រូវផ្ដល់ជូនប្រជាពលរដ្ឋក្នុងសហគមន៍នាពេលនេះមាន ៥៧ អណ្ដូង ក្នុងនោះស្រុកសាមគ្គីមានជ័យ១២អណ្ដូង ស្រុកកំពង់ត្រឡាច៩ អណ្ដូង ស្រុករលាប្អៀរ ១៥ អណ្ដូង ស្រុកបរិបូណ៌ ១៥ អណ្ដូង និងក្រុងកំពង់ឆ្នាំ ៦ អណ្ដូង។
សម្ដេច ចៅហ្វាវាំងឧបនាយករដ្ឋមន្ត្រី បានមានប្រសាសន៍ពាំនាំនូវការផ្ដាំផ្ញើសាកសួរសុខទុក្ខ និងសេចក្ដីនឹករលឹកពីថ្នាក់ដឹកនាំកំពូលរបស់ជាតិ និងសម្ដេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា ដែលតែងតែគិតគូរគ្រប់ពេលវេលាចំពោះសុខទុក្ខ ក្នុងជីវភាពរស់នៅរបស់ប្រជាពលរដ្ឋនិងការរីកចម្រើនរបស់សង្គមជាតិ។ សម្ដេចក៏បានជម្រាបជូនអំពីការអនុវត្តគោលនយោបាយយុទ្ធសាស្ត្រចតុកោណប្រកបដោយជោគជ័យ និងមានប្រសិទ្ធភាពខ្ពស់របស់រាជរដ្ឋាភិបាលកម្ពុជា ក្រោមការដឹកនាំដ៏ឆ្នើមរបស់ សម្ដេចអគ្គមហាសេនាបតីតេជោ នាយករដ្ឋមន្ត្រី បានធ្វើឲ្យសង្គមជាតិយើង រក្សាបាននូវសេចក្ដីសុខសន្តិភាព ស្ថិរភាពនយោបាយយ៉ាងល្អប្រសើរ ព្រមទាំងមានការរីកចម្រើនលើគ្រប់វិស័យឥតឈប់ឈរ។ សម្ដេចចៅហ្វាវាំង ក៏បានផ្ដាំផ្ញើដល់បងប្អូនប្រជាពលរដ្ឋដែលបានទទួលអណ្ដូងទឹកស្អាតប្រើប្រាស់ត្រូវខិតខំរួមសាមគ្គីគ្នាថែរក្សា ដើម្បីប្រើប្រាស់ជាសម្បត្តិសាធារណៈឲ្យបានយូរអង្វែងតរៀងទៅ។
ក្នុងឱកាសនេះដែរ បងប្អូនដែលជួបការលំបាកក្នុងស្រុកចំនួន៤ និងក្រុង១ ក្នុងខេត្តកំពង់ឆ្នាំ ក៏បានទទួលអំណោយពីកាកបាទក្រហមកម្ពុជាដោយក្នុង១គ្រួសារទទួលបាន អង្ករ ៣០គីឡូក្រាម មី១កេស ត្រីខ ១០កំប៉ុង ឃីត១កញ្ចប់ និងថវិកាក្នុងម្នាក់ចំនួន ២០០០០រៀល៕
កាកបាទក្រហមកម្ពុជាផ្ដល់អណ្ដូងទឹកដល់ប្រជាពលរដ្ឋ ដែលខ្វះខាតនៅខេត្តកំពង់ឆ្នាំង
0 Comments