កំពង់ស្ពឺ ៖ នៅថ្ងៃទី១០ ខែមករា ឆ្នាំ២០១៦ នាវេលាម៉ោង៥និង៣០នាទីព្រឹក មានករណីក្រឡាប់រថយន្តមួយបានកើតឡើងលើផ្លូវជាតិលេខ៤ ចន្លោះគីឡូម៉ែត្រ៩២-៩៣ ក្នុងឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។ ហើយក្នុងករណីគ្រោះថ្នាក់ចរាចរណ៍នោះគឺបណ្ដាលឲ្យតារាសម្តែងលោក សុវណ្ណ មករា បានស្លាប់នៅកន្លែងកើតហេតុ និងអ្នករួមដំណើរចំនួន៤នាក់ទៀត ដែលគេបានស្គាល់ ទី១-ឈ្មោះ ជិម រាជ ភេទប្រុស អាយុ២៣ឆ្នាំ។ ទី២-ឈ្មោះ ប្រាក់ គង់ អាយុ២៤ឆ្នាំ។ ទី៣-ឈ្មោះ ប៉ិច ដារា អាយុ៥៥ឆ្នាំ (ជាអ្នកបើកបរ) និងទី៤-ឈ្មោះ អ៊ុំ សុជាតា ភេទស្រី អាយុ២៥ឆ្នាំ។ ហើយ អ្នកទាំង៤នាក់នេះបានរងរបួសធ្ងន់ និងស្រាល។
រថយន្តដែលជួបគ្រោះថ្នាក់ចរាចរណ៍ក្រឡាប់នោះម៉ាកហាន់ដាយ ពណ៌ទឹកប្រាក់ ពាក់ស្លាកលេខ2k4208 ដែលអ្នកបើកបរមានឈ្មោះ ប៉ិច ដារា មានទីលំនៅភូមិជើងគោ ឃុំជើងគោ ស្រុកព្រៃនប់ ខេត្តព្រះសីហនុ បានបើកដឹកលោក សុវណ្ណ មករា ដែលជួបគ្រោះថ្នាក់ចរាចរណ៍នៅឯខេត្តកំពង់សោម (របួសធ្ងន់)នោះ ដើម្បីយកមកព្យាបាលជំងឺនៅភ្នំពេញ ប៉ុន្តែជាអកុសល មកដល់ចំណុចគីឡូម៉ែត្រ៩២-៩៣ រថយន្តក៏បានផ្ទុះកង់ បណ្ដាលឲ្យក្រឡាប់ជាច្រើនត្រឡប់ ហើយក្នុងនោះគឺលោក សុវណ្ណ មករា បានស្លាប់ភ្លាមៗនៅនឹងកន្លែងតែម្តង។ ព្រមទាំងអ្នករួមដំណើរស្រី/ប្រុស៤នាក់ទៀតបានរងរបួសធ្ងន់និងស្រាលផងដែរ៕
គួរឲ្យសង្វេគ លោក សុវណ្ណ មករា បានស្លាប់ ក្រោយពីជួបគ្រោះថ្នាក់ចរាចរណ៍រហូតដល់ទៅ២ដង
0 Comments