កំពង់ស្ពឺ ៖ តារាចម្រៀង និងសម្ដែងល្បីឈ្មោះម្នាក់ បានជួបឧប្បត្តិហេតុគ្រោះថ្នាក់ចរាចរណ៍ចំនួន២លើកផ្ទួនៗគ្នាបណ្តាលឲ្យស្លាប់បាត់បង់ជីវិត និងកញ្ញា អ៊ុំ សុជាតា របួសធ្ងន់ ព្រមទាំងមនុស្ស៣នាក់ទៀតបានរងរបួសដែរនោះ។
ហេតុចៃដន្យអាក្រក់របស់តារាប្រុស/ស្រីទាំង២ដួងនេះបានកើតមានឡើងកាលពីវេលាម៉ោង និង៣០នាទីព្រឹក នាថ្ងៃទី១០ ខែមករា ឆ្នាំ២០១៦ ស្ថិតលើផ្លូវជាតិលេខ៤ ចន្លោះគីឡូម៉ែត្រលេខ៩២-៩៣ ក្នុងភូមិទី៣ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
លោកវរសេនីយ៍ត្រី សាយ ប៊ុនថន អធិការនគរបាលស្រុកភ្នំស្រួចបានប្រាប់ថា រថយន្តពេទ្យ ០១គ្រឿង ម៉ាកហ៊ីយ៉ាន់ដាយ ពណ៌ទឹកប្រាក់ ពាក់ស្លាកលេខភ្នំពេញ 2K.4208 អ្នកបើកបរឈ្មោះ ប៊ុត ដារ ភេទប្រុស អាយុ៥៥ឆ្នាំ មានទីលំនៅភូមិជើងគោ ឃុំជើងគោ ស្រុកព្រៃនប់ ខេត្តកំពង់សោម ធ្វើដំណើរមកពីទិសខាងលិចទៅកើត ដោយដឹកអ្នករបួសក្នុងករណីគ្រោះថ្នាក់ចរាចរណ៍នៅស្រុកព្រៃនប់យកទៅសង្គ្រោះរាជធានីភ្នំពេញ ប៉ុន្តែចៃដន្យអាក្រក់បានបែកកង់មុខក្រឡាប់ជាច្រើនត្រឡប់បណ្តាលឲ្យរបួសធ្ងន់ និងស្រាលចំនួន០៥នាក់ ក្នុងនោះលោក សុវណ្ណ មករា ដែលគេស្គាល់ជាតារាចម្រៀង និងសម្ដែងល្បីឈ្មោះម្នាក់បានរបួសធ្ងន់ បន្ទាប់មកបានស្លាប់ និងតារាស្រីម្នាក់ទៀតឈ្មោះអ៊ុំ សុជាតា របួសស្រាល។
PK 92-93 ក្នុងភូមិទី៣ ឃុំត្រែងត្រយឹង បានបែកកងក្រឡាប់ បណ្ដាលឲ្យរបួស៥នាក់ របួសស្រាល៤នាក់ (ស្រី១នាក់) របួសធ្ងន់១នាក់ ឈ្មោះ វណ្ណ មករា ភេទប្រុស អាយុ២៧ឆ្នាំ ជាតារាចម្រៀង ហើយបានស្លាប់ ពេលបញ្ជូនតាមផ្លូវ។
លោកអធិការបញ្ជាក់ថា អ្នកស្លាប់ មានរបួស គឺពួកគេបានជួបគ្រោះថ្នាក់ចរាចរណ៍រថយន្តបុកបង្គោលភ្លើងនៅស្រុកព្រៃនប់ ខេត្តកំពង់សោម ដែលត្រូវបញ្ជូនមកសង្គ្រោះក្រុងភ្នំពេញដល់ចំណុចភូមិទី៣ ឃុំត្រែងត្រយឹងក៏បែកកង់ក្រឡាប់ស្លាប់ និងរបួសតែម្ដង។
តាមសេចក្ដីរាយការណ៍ពីកន្លែងកើតហេតុបានឲ្យដឹងថា មុនពេលកើតរថយន្តសង្គ្រោះបន្ទាន់របស់មន្ទីរពេទ្យមួយនៅខេត្តកំពង់សោមបានដឹកតារាចម្រៀងដែលបានជួបគ្រោះថ្នាក់ចរាចរណ៍ក្នុងស្រុកព្រៃនប់ទៅភ្នំពេញ ហើយបានបែកកង់ក្រឡាប់ស្លាប់ម្នាក់ឈ្មោះ សុវណ្ណ មករា ភេទប្រុស អាយុ២៧ឆ្នាំ រស់នៅភ្នំពេញ និងកញ្ញា អ៊ុំ សុជាតា អាយុ២៥ឆ្នាំរបួសស្រាល ព្រមទាំងអ្នករួមដំណើរឡានពេទ្យ០៣នាក់ទៀត មាន ទី១-ឈ្មោះជឹម រាជ ភេទប្រុស អាយុ២៣ឆ្នាំ។ ទី២-ឈ្មោះ ប្រាក់ គង់ ភេទប្រុស អាយុ២៤ឆ្នាំ និងទី៣-ឈ្មោះ ប៊ុត ដារា ពួកគាត់របួសស្រាល។
សូមបញ្ជាក់ថា លោក សុវណ្ណ មករា និងកញ្ញា អ៊ុំ សុជាតា បានជួបគ្រោះថ្នាក់ចរាចរណ៍បើករថយន្តម៉ាកព្រូស ធ្លាក់ផ្លូវក្រឡាប់ និងបុកបង្គោលភ្លើងនៅស្រុកព្រៃនប់ កាលពីយប់ថ្ងៃទី០៩ ខែមករា បណ្តាលឲ្យរងរបួស ហើយត្រូវបានបញ្ជូនមកសង្គ្រោះនៅរាជធានីភ្នំពេញ តាមរថយន្តពេទ្យ ប៉ុន្តែជួបគ្រោះអាក្រក់មួយតង់ទៀត រថយន្តពេទ្យបែកកង់ក្រឡាប់បណ្តាលឲ្យលោក សុវណ្ណ មករាស្លាប់តែម្ដង៕
តារាសម្ដែង សុវណ្ណ មករា ជួបគ្រោះថ្នាក់ចរាចរណ៍ស្លាប់បាត់បង់ជីវិត(Update)
0 Comments