កំពង់ធំ ៖ នៅព្រឹកថ្ងៃទី១ខែមករា ឆ្នាំ២០១៦ ដែលជាអរុណោទ័យ នៃឆ្នាំថ្មី លោកហាក់ ម៉ុងហួត និងសហការីបានចូលរួមបើកការដ្ឋានជួសជុលផ្លូវលំក្រាលគ្រួសក្រហមប្រវែង ៣.៨៧៦ម ដាក់លូ ៧កន្លែង ពីភូមិតាំងគោក ឃុំសូយោង ទៅភូមិក្រូច ភូមិស្វាយ ភ្លើង ឃុំស្វាយភ្លើងដោយប្រើប្រាស់មូលនិធិស្រុកអស់ថវិកាចំនួន ១៣៥.៥៨០.០០០រ តាមរយៈអង្គការ( SIDA )។
អនុវត្តគម្រោងដោយក្រុមហ៊ុន អ៊ឹង ចាន់ឡា ( ហៅមិច )។ លោក ហាក់ ម៉ុងហួតបានសំដែង នូវការអគុណចំពោះរាជរដ្ឋាភិបាល ដែលមានសម្តេចតេជោហ៊ុន សែនដែលបានផ្តល់ជូន សមិទ្ធផលដល់ខេត្តកំពង់ធំ ពិសេសស្រុកបារាយ៍នេះ។
លោកបានបន្តទៀតថា ប្រទេសកម្ពុជាមានសន្តិភាព ពេញលេញ មានការអភិវឌ្ឍន៍រីកចម្រើនលើគ្រប់វិស័យដូចសព្វថ្ងៃ ក៍ដោយសារនយោបាយដឹកនាំដ៏ត្រឹមត្រូវ ដែលមានសម្តេចជាប្រមុខដឹកនាំ ជាវីរជនកំពូលរបស់ជាតិ។ ជាពិសេសសម្តេចអគ្គមហាសេនាបតីតេជោហ៊ុន សែន ដាក់ចេញនូវនយោបាយឈ្នះឈ្នះបង្រួបបង្រួមជាតិបានធ្វើឱ្យភាគីជម្លោះទាំងអស់រួមរស់ជាមួយគ្នាប្រ កបដោយសុខដុមរមនា កិត្តិយស និងសេចក្តីថ្លៃថ្នូររបស់ជាតិយើង ត្រូវលើកកម្ពស់ នៅក្នុងប្រទេសជាតិ និងអន្តរ ជាតិ ទាំងអស់នេះហើយជា ក្តីមោទនៈភាពរបស់យើងទាំងអស់គ្នា។ ជាមួយនិងមនុញ្ញផលដ៏វិសេសវិសាលនេះ គឺជាជោគជ័យថ្មីមួយទៀត ក្នុងការអនុវត្តន៏យុទ្ធសាស្ត្រចតុកោណរបស់រាជរដ្ឋាភិបាលកម្ពុជាហើយក៏ជាកាដូសម្រាប់ឆ្នាំថ្មី ដែលបានធ្វើឱ្យ បញ្ហាអាទិភាពជាចំបងៗ រួមមាន ផ្លូវ ទឹក ភ្លើង មកដល់ជនបទដែលមិនធ្លាប់មាន ហើយក៏បានធ្វើឱ្យទីក្រុង និង ជនបទកាន់តែមានការខិតជិតគ្នា ពោលគឺ មានផ្លូវ មានស្ពាន គឺមានក្តីសង្ឃឹម គឺមានការអនុវឌ្ឍន៍បើមាន សម្តេចតេជោ ហ៊ុន សែន ជានាយករដ្ឋមន្ត្រីកាន់តែមានការអភិវឌ្ឍន៍បានឆាប់រហ័សផងដែរ៕
លោក ហាក់ ម៉ុងហួត និងសហការីបានចូលរួមបើកការដ្ឋាន ជួសជុលផ្លូវលំក្រាលគ្រួសក្រហមប្រវែង ៣.៨៧៦ម
0 Comments