ភ្នំពេញ៖ បុរសចំណាស់ម្នាក់ដែលត្រូវជាតាចុងរបស់ក្មេងស្រីរងគ្រោះ បានធ្វើសកម្មភាពចាប់រំលោភចៅស្រីចុងរបស់ខ្លួន ដែលទើបតែមានអាយុ ២ ឆ្នាំ ១០ ខែ រហូតបានសម្រេច តែដោយសារហូរឈាមមិនឈប់ ពេលម្ដាយត្រឡប់មកពីធ្វើការរោងចក្រវិញ ដោយឃើញសភាពបែបនេះក៏សួរនាំដឹងសាច់រឿង លុះព្រឹកឡើងប្ដឹងឲ្យនគរបាលចាប់ខ្លួន កាលពីវេលាម៉ោង ១២ និង ៣០ នាទីថ្ងៃត្រង់ ថ្ងៃទី២៦ ខែឧសភា ឆ្នាំ២០១៨ នៅបន្ទប់ជួលក្នុងភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ។
ក្មេងស្រីរងគ្រោះសុំមិនបញ្ចេញឈ្មោះ អាយុទើបបាន ២ ឆ្នាំ ១០ ខែ មានម្តាយឈ្មោះ ផ ច.ធ អាយុ២៤ឆ្នាំ មុនរបរកម្មការិនីរោងចក្រ ស្នាក់នៅបន្ទប់ជួលភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ មានស្រុកកំណើតនៅខេត្តតាកែវ។ ចំណែកជនសង្ស័យដែលត្រូវជាតាចុង (ជាប្ដីរបស់យាយជនរងគ្រោះ) មានឈ្មោះ ជឹម ចយ អាយុ៥២ឆ្នាំ មុខរបរកម្មករសំណង់ ស្នាក់នៅក្បែរគ្នា មានស្រុកកំណើតនៅភូមិខ្មង់ ឃុំអូឫស្សី ស្រុកកំពង់ត្រឡាច ខេត្តកំពង់ឆ្នាំង។
តាមការៀបរាប់របស់ម្តាយក្មេងស្រីរងគ្រោះបានឲ្យដឹងថា នៅថ្ងៃទី២៥ ខែឧសភា រូបគាត់បានចេញទៅធ្វើការរោងចក្រ ដោយយកកូនស្រីរងគ្រោះទៅផ្ញើជាមួយតា និងយាយឲ្យជួយមើលដូចសព្វដង រួចចេញទៅធ្វើរការបាត់។ លុះដល់វេលាម៉ោង ៥ ល្ងាច ពេលរូបគាត់ចេញពីធ្វើការវិញមកដល់បន្ទប់ជួល ហើយឃើញកូនស្រីរបស់ខ្លួនកំពុងអង្គុយបត់ជើង ដោយមានប្រឡាក់ឈាមចេញពីប្រដាប់ភេទ ពេលនោះគាត់ក៏សួរនាំកូនស្រី ហើយកូនបានរៀបរាប់ប្រាប់តាមដំណើររឿង។
ប្រភពបានបន្តថា លុះព្រឹកថ្ងៃទី២៦ ខែឆ្នាំដដែលទើបនាងនាំកូនទៅពិនិត្យនៅមន្ទីរពេទ្យ ហើយគ្រូពេទ្យបានបញ្ជាក់ថា ក្មេងស្រីរូបនេះត្រូវបានគេរំលោភផ្លូវភេទ ដោយសារតែប្រដាប់ភេទនៅតូចពេកទើបធ្វើឲ្យដាច់រលាត់ហូរឈាមមិនឈប់បែបនេះ។ ក្រោយមកទើបនាងនាំកូនមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅ២ ដើម្បីសុំការអន្តរាគមន៍ពីសមត្ថកិច្ច។
ក្រោយពីទទួលពាក្យបណ្តឹងពីម្តាយក្មេងរងគ្រោះ នគរបាលបានចុះទៅធ្វើការឃាត់ខ្លួនជនសង្ស័យនៅឯកន្លែងកើតហេតុតែម្ដង ដោយគាត់មិនរត់ទៅណាឡើយ។ បច្ចុប្បន្នជនសង្ស័យកំពុងសមត្ថកិច្ចសួរនាំនៅប៉ុស្តិ៍រដ្ឋបាលចោមចៅ២ ដើម្បីករសាងសំណុំរឿងបញ្ជូនទៅផ្នែកព្រហ្មទណ្ឌចាត់ការបន្ដតាមនីតិវិធី៕
Source: Kampuchea Thmey Daily
0 Comments