ភ្នំពេញ៖ ក្រុមហ៊ុន Wilsonart (Thailand) Co, Ltd. បានចូលរួមការដាក់តាំងបង្ហាញ ផលិតផលតុបតែងខាងក្នុង នៅពិព័រណ៍ស្ថាបត្យកម្មកម្ពុជា និងការតុបតែងផ្ទៃក្នុង លើកទី៣ នៅកោះពេជ្រ រយៈពេល៣ថ្ងៃ ដើម្បីឲ្យសាធារណជន បានស្គាល់ពីផលិតផលនេះ កាន់តែច្បាស់ថែមទៀត។
ពិព័រណ៍ស្ថាបត្យកម្មកម្ពុជា និងការតុបតែងផ្ទៃក្នុង លើកទី៣នេះ មានរយៈពេល៣ថ្ងៃ គឺចាប់ពីថ្ងៃទី២៤ដល់ថ្ងៃទី២៦ខែឧសភាឆ្នាំ២០១៨ នៅកោះពេជ្រ ដោយមានការដាក់តាំងបង្ហាញ ផលិតផលសំណង់ជាច្រើន មកពីក្រុមហ៊ុនជាតិ និងអន្តរជាតិ ប្រមាណជាង១៥០ក្រុមហ៊ុន មកពីជុំវិញពិភពលោក។
លោកចារ៉ាយ ស៊ីងហាប្រេឆា Jaray sighaprecha នាយកផ្នែកលក់ក្រុមហ៊ុន Wilsonart (Thailand) co,Ltd. ប្រចាំនៅប្រទេសថៃ បានមានប្រសាសន៍ថា នៅក្នុងពិធីតាំងពិព័រណ៍នេះ ក្រុមហ៊ុនបាននាំយកផលិតផល សម្រាប់បិតនៅលើក្តាកុំប្លាកកេ ទូខោអាវ គ្រឿងសង្ហារឹម តុ ទូ និងសម្ភារៈផ្សេងៗទៀត ដើម្បីលំអរនៅខាងក្នុងគេហដ្ឋាន , បន្ទប់ធ្វើការ, ការិយាល័យ, ផ្ទះល្វែង, បុរី, ខុនដូ, សណ្ឋាគារ និងភោជនីយដ្ឋានជាដើម។
លោកបានបន្តថា ការដែលក្រុមហ៊ុនលោក មកចូលរួមតាំងពិព័រណ៍នាពេលនេះ គឺដើម្បីបង្ហាញឲ្យអតិថិជន បានស្គាល់ពីផលិតផលសុទ្ធ និងមានគុណភាពខ្ពស់ របស់ក្រុមហ៊ុន Wilsonart (Thailand) Co,Ltd។ ម្យ៉ាងទៀតអ្នកជំនាញយើង អាចពន្យល់ណែនាំដល់អ្នកចូលទស្សនា ឲ្យដឹងពីផលប្រយោជន៍ និងរបៀបប្រើប្រាស់ប្រកបដោយប្រសិទ្ធភាព និងគុណភាពផងដែរ។
លោកបានបន្ថែមថា ផលិតផលនេះមិនត្រឹមតែអាចតុបតែង នៅក្នុងគេហដ្ឋានប៉ុណ្ណោះទេ ពោលគឺថែមទាំងអាចតុបតែង នៅក្នុងបន្ទប់ធ្វើការ ការិយាល័យ ផ្ទះល្វែង បុរី និងខុនដូ សណ្ឋាគារ ភោជនីយដ្ឋានផងដែរ ដើម្បីធ្វើឲ្យសោភ័ណភាព កាន់តែស្រស់ស្អាត។
លោកបានអំពាវនាវ ដល់អ្នកដែលប្រកបមុខរបរ ផ្នែកតុបតែង ឬហៅថាដេគ័រ ជ្រើសរើសផលិតផលរបស់ក្រុមហ៊ុនរបស់លោក ពិតជាមិនខុសបំណងឡើយ ព្រោះថា ផលិតផលរបស់ Wilsonart (Thailand) Co,Ltd មានគុណភាពខ្ពស់ ប្រើប្រាស់បានយូរ ពិសេសមានតំលៃសមរម្យ ។
គួរបញ្ជាក់ថាក្រុមហ៊ុន Wilsonart (Thailand) Co,Ltd បាននាំចូលផលិតផលនេះ មកប្រទេសកម្ពុជា
តាំងពីឆ្នាំ២០១៣ ហើយរហូតមកដល់ពេលនេះ ផលិតផលសម្រាប់ដេគ័រខាងក្នុងនេះ ទទួលបានការគាំទ្រយ៉ាងខ្លាំង ពីសំណាក់អ្នកប្រកបអាជីវកម្ម ផ្នែកតុបតែងនេះ និងប្រជាពលរដ្ឋ ព្រោះថានៅពេលយកផលិតផលនេះ ទៅតុបតែងនៅលំនៅដ្ឋាន ឬបន្ទប់ធ្វើការ ការិយាល័យ ផ្ទះល្វែង បុរី និងខុនដូ សណ្ឋាគារ ភោជនីយដ្ឋាន ធ្វើឲ្យមានសម្រស់កាន់តែស្អាតថែមទៀត។
លោក ចារ៉ាយ ស៊ីងហាប្រេឆា បានថ្លែងអំណរគុណ ចំពោះប្រជាពលរដ្ឋកម្ពុជា ដែលបានគាំទ្រផលិតផល របស់ក្រុមហ៊ុន Wilsonart (Thailand) Co,Ltd ហើយលោកសុំឲ្យប្រជាពលរដ្ឋកម្ពុជា បន្តជួយគាំទ្រដល់ផលិតផលនេះ ជាបន្តទៀត៕
Source: Kampuchea Thmey Daily
0 Comments