នាយករដ្ឋមន្ត្រី​ ពាក់ព័ន្ធ​អំពើពុករលួយ​របស់​អេស្ប៉ាញ ​ត្រូវ​ប្រឈម​នឹង​ញត្តិ​មិន​គួរ​ឲ្យ​ទុកចិត្ត​មួយ

នាយករដ្ឋមន្ត្រី​អេស្ប៉ាញ​លោក Mariano Rajoy កាលពី​ថ្ងៃ​សុក្រ ​បាន​ប្រឈមមុខ​នឹង​ញត្តិ​មិនគួរ​ឲ្យ​ទុកចិត្ត​មួយ​របស់​គណបក្ស​សង្គម​និយម ​និង​បាន​អំពាវនាវ​ឲ្យ​មានការ​បោះឆ្នោត​ជាបន្ទាន់​ បន្ទាប់ពី​គណបក្ស​ប្រជាប្រិយ​របស់​គាត់​ត្រូវ​បាន​គេ​រក​ឃើញ​ថា ​មានទោស​ពី​ការ​ទទួល​បាន​ផលប្រយោជន៍​ពី​មូលនិធិ​ខុសច្បាប់​នៅក្នុង​ការកាត់ទោស​អំពើ​ពុករលួយ​ដ៏​ធំ​មួយ។

គណបក្សប្រឆាំង​ដ៏​ធំ​បំផុត​របស់​ប្រទេស​អេ​ស្ប៉ា​ញ​គឺ​គណបក្ស​សង្គមនិយម​បានដាក់​ញត្តិ​មួយ​សុំ​ឲ្យ​បណ្តេញ​លោក Rajoy ចេញពី​សភា​ជាន់​ទាប​ដែលមាន​៣៥០​អាសនៈ​, មួយថ្ងៃ​បន្ទាប់ពី​សេចក្តីសម្រេច​របស់​តុលាការ​ត្រូវ​បាន​ប្រកាស។

ទោះបីជា​យ៉ាងណាក៏ដោយ គ្មាន​កាលបរិច្ឆេទ​ត្រូវ​បានកំណត់​សម្រាប់​ការបោះឆ្នោត​លើ​ញត្តិ​នោះទេ​ដែល​នឹង​អាច​ប្រព្រឹត្ត​ទៅមុន​សប្តាហ៍​ក្រោយ​។​

លោក Rajoy បាន​ឆ្លើយតប​វិញ​ទាំង​ខឹងសម្បា​ដោយ​ចោទប្រកាន់​លោក Pedro Sanchez មេដឹកនាំ​គណបក្ស​សង្គមនិយម​ថា បាន​ព្យាយាម​ទទួល​អំណាច “​ក្នុងតម្លៃ​ណាមួយ​” ហើយ​បាន​ព្រមាន​ថា ញត្តិ​នេះ​នឹងធ្វើ​ឲ្យ​ខូចខាត​ដល់​សេដ្ឋកិច្ច​និង​ស្ថិរភាព​របស់​ប្រទេស​អេ​ស្ប៉ា​ញ​បន្ទាប់ពី​រដ្ឋសភា​បានអនុម័ត​ការពង្រីក​កញ្ចប់​ថវិកា​ឆ្នាំ​២០១៨​របស់គាត់​។

លោក​បាន​ប្រាប់​សន្និសីទ​សារព័ត៌មាន​មួយ​ថា “​វា​អាក្រក់​ណាស់​សម្រាប់​ប្រទេស​អេ​ស្ប៉ា​ញ​”​។​
​ដើម្បី​ទទួលបាន​ជោគជ័យ​, ញត្តិ​នេះ​នឹង​ត្រូវការ​ការគាំទ្រ​សំឡេង​ភាគច្រើន​ដាច់ខាត​ពី​សមាជិកសភា​ចំនួន​១៧៦​នាក់​ដែល​នេះ​ជា​កិច្ចការ​ដ៏​លំបាក​មួយ​ខណៈ​បក្សប្រឆាំង​កំពុង​បែកបាក់​។​

តុលាការជាតិ​អេ​ស្ប៉ា​ញ​បាន​និយាយ​កាលពី​ថ្ងៃ​ព្រហស្បតិ៍​ថា ខ្លួន​បាន​រកឃើញ​សំណូក​ដែល​ត្រូវបាន​ផ្តល់​ឲ្យ​អតីតមន្ត្រី​របស់​គណបក្ស​ប្រជាប្រិយ​នៅក្នុង​ការដោះដូរ​សម្រាប់​កិច្ចសន្យា​សាធារណៈ​ដែល​រក​កម្រៃ​បាន​នៅ​ចន្លោះ​ឆ្នាំ​១៩៩៩​ដល់​ឆ្នាំ​២០០៥​នៅតាម​តំបន់​ជាច្រើន​រួមទាំង​នៅ​ទីក្រុង​ម៉ា​ឌ្រី​ដ​ផងដែរ​។​

តុលាការ​បាន​ផ្តន្ទាទោស​មនុស្ស​ចំនួន​២៩​នាក់​ឲ្យ​ជាប់ពន្ធនាគារ​សរុប​ជា​រយៈពេល​៣៥១​ឆ្នាំ​ចំពោះ​អំពើពុករលួយ ការលួចបន្លំ​និង​ការលាង​លុយកខ្វក់​៕ AFP

​

Source: Kampuchea Thmey Daily