លោកវេង សាខុន អំពាវនាវឲ្យពលរដ្ឋ ទៅបោះឆ្នោតជូនគណបក្សប្រជាជនកម្ពុជានៅថ្ងៃទី២៩ ខែកក្កដា លេខរៀងទី២០

កំពង់ចាម ៖ លោក វេង សាខុន សមាជិកគណៈកម្មាធិការកណ្តាលនៃគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលចុះជួយស្រុកកំពង់សៀម តំបែរ ខេត្តកំពង់ចាម និងខេត្តត្បូងឃ្មុំ បានអំពាវនាវឲ្យប្រជាពលរដ្ឋនៅឃុំកោះរកា ឃុំគរគ និង នៅទូទាំងស្រុកកំពង់សៀម អញ្ជើញទៅបោះឆ្នោតជូនគណបក្សប្រជាជនកម្ពុជានៅថ្ងៃទី២៩ ខែកក្កដានាពេលខាងមុខ ដែលមានលេខរៀងទី២០ ដើម្បីផ្តល់ជូនសម្តេចតេជោសែនធ្វើជានាយករដ្ឋមន្ត្រីបន្តដឹកនាំប្រទេសកម្ពុជានៅ អាណត្តិក្រោយៗទៀត។

ការអំពាវនាវរបស់ប្រធានក្រុមការងារថ្នាក់កណ្តាលចុះជួយស្រុកកំពង់សៀម តំបែរ ខេត្តកំពង់ចាម និងខេត្តត្បូងឃ្មុំ បានធ្វើឡើង កាលពី ថ្ងៃអាទិត្យ ១២រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែមិថុនា គ.ស ២០១៨ ខណៈដែល អញ្ជើញចុះជួបសំណេះសំណាល និងសាកសួរសុខទុក្ខ បងប្អូនប្រជាពលរដ្ឋចំនួនជាង ២០០០ នាក់ដែលបានអញ្ជើញមកពីឃុំកោះរកាមានចំនួន ៧ភូមិ និងឃុំគរគរមាន ៤ភូមិនៃស្រុកកំពង់សៀម ខេត្តកំពង់ចាមស្ថិតក្នុងបរិវេណវត្តព្រះធាតុតេជះមានជ័យរតនារាម។

ក្រសួងបានឲ្យដឹងថា បន្ទាប់ពីលោកពូផន ផូ មេឃុំកោះរកា បានអានរបាយការណ៍ ស្វាគមន៍ជូនអង្គពិធីជ្រាបដោយសង្ខេបពីការរីកចម្រើននៅទូទាំងឃុំរួចមក លោកបានធ្វើការសំណេះសំណាលសាកសួរ សុខទុក្ខប្រជាពលរដ្ឋនិងបាន ពាំនាំមកជូននូវការផ្តាំផ្ញើសាកសួរសុខទុក្ខប្រជាពលរដ្ឋដែលមាន វត្តមាននៅទីនេះ និងនៅទូទាំងស្រុកកំពង់សៀម របស់សម្តេចតេជោសែន ប្រធានគណបក្សប្រជាជនកម្ពុជា និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្តេចទាំងពីរតែងតែគិតគូរ យកចិត្តទុកដាក់ពីបញ្ហាជីវភាព និងសេចក្តីសុខរបស់បងប្អូនគ្រប់ពេលវេលា និងបានជូនពរសុំឲ្យប្រជាពលរដ្ឋនៃឃុំទាំងពីរ និងទូទាំងស្រុកកំពង់សៀមទទួលបាននូវពុទ្ធិពរ ទាំង៤ ប្រការកុំបីឃ្លៀងឃ្លាតឡើយ។

លោកប្រធានក្រុមការងារបានជម្រាបជូនអង្គពិធីដោយសង្ខេបពីដំណើរការអភិវឌ្ឍ ប្រទេសជាតិជាជំហានៗក្រោមការដឹកនាំប្រកបដោយគតិបណ្ឌិតរបស់សម្តេចតេជោសែន នាយករដ្ឋមន្ត្រី ក្នុងរយៈពេលជិត ៤០ឆ្នាំ ដោយបានរំដោះ ប្រទេសចេញពីសង្គ្រាមស៊ីវិល អសន្តិសុខ គ្មានសុវត្ថិភាព ភាពក្រីក្រ ពលរដ្ឋគ្មានការងារធ្វើ មកជាប្រទេសមានសុខ សន្តិភាព ស្ថិរភាព និងការអភិវឌ្ឍលើគ្រប់វិស័យ ជីវភាព របស់ប្រជាពលរដ្ឋត្រូវបានកែលម្អជាបណ្តើរៗ។ ដោយសារប្រទេសយើងទទួលបានសុខសន្តិភាព ស្ថិរភាពសង្គមបានល្អនេះហើយ បានជាធ្វើឲ្យប្រទេសយើង ទទួលបានការរីកចម្រើនផ្នែកសេដ្ឋកិច្ចល្អប្រសើរ ព្រមទាំងបាននិងកំពុងដោះស្រាយនូវរាល់បញ្ហាប្រឈម និងសេចក្តីត្រូវការរបស់ប្រជាពលរដ្ឋជាជំហានៗ ធ្វើយ៉ាងណាបង្កើនប្រាក់ចំណូលឲ្យបានកាន់តែល្អប្រសើរ ស្របតាមបំណងប្រាថ្នារបស់រាជរដ្ឋាភិបាលដែលចង់ឲ្យប្រទេសយើងក្លាយទៅជាប្រទេសមានចំណូលមធ្យមកម្រិតខ្ពស់នាឆ្នាំ២០៣០។ ឈានទៅសម្រេចបាននូវ ទស្សនវិស័យនេះ រាជរដ្ឋាភិបាលបានដាក់ចេញនូវយុទ្ធសាស្ត្រទាក់ទាញ អំពាវនាវអ្នកវិនិយោគទុន សាងសង់ហេដ្ឋារចនាសម្ព័ន្ធរូបវន្ត សាងសង់រោងចក្រគ្រប់ប្រភេទក្នុងបំណងបង្កើតការងារជូនពលរដ្ឋនៅមូលដ្ឋានផ្ទាល់ ស្រូបយកកម្លាំងពលកម្មក្នុងស្រុក និងបង្កើនការនាំចេញកសិផលកែច្នៃដែលមានគុណភាពសុវត្ថិភាពឆ្លើយតបតាមសេចក្តីត្រូវការរបស់ទីផ្សារ។

ដើម្បីឈានទៅសម្រេចបាននូវ ទស្សនវិស័យដ៏ត្រឹមត្រូវនិងច្បាស់លាស់នេះ លោក សូមឲ្យបងប្អូនប្រជាពលរដ្ឋគ្រប់ៗ រូបត្រូវខិតខំយកចិត្តទុក ដាក់ថែរក្សាឲ្យបានគង់វង្សនូវសុខ សន្តិភាព ស្ថិរភាព និងការអភិវឌ្ឍ ហើយជាពិសេស លោកប្រធានក្រុមការងារ បានអំពាវនាវឲ្យប្រជាពលរដ្ឋនៅឃុំកោះរកា ឃុំគរគ និង នៅទូទាំងស្រុកកំពង់សៀម អញ្ជើញទៅបោះឆ្នោតជូនគណបក្សប្រជាជនកម្ពុជានៅថ្ងៃទី២៩ ខែកក្កដានាពេលខាងមុខ ដែលមានលេខរៀងទី២០ ដើម្បីផ្តល់ជូនសម្តេចតេជោសែនធ្វើជានាយករដ្ឋមន្ត្រីបន្តដឹកនាំប្រទេសកម្ពុជានៅ អាណត្តិក្រោយៗទៀត។

ឆ្លៀតយកឱកាសនេះ លោកបាន រំលឹកជូនសមាជិកក្រុម ការងារថ្នាក់កណ្តាលត្រូវអនុវត្តគោលនយោបាយ ក៣ (កើត ការ និងការទទួលមរណភាព) ដោយត្រូវជួយឧបត្ថម្ភ ១០ម៉ឺនរៀលសម្រាប់ពិធីនីមួយៗ ហើយសុំឲ្យអាជ្ញាធរមូលដ្ឋានចុះមកធ្វើសំបុត្រកំណើត អាពាហ៍ពិពាហ៍ និងសំបុត្រមរណភាពដល់ទីកន្លែងដោយគ្មាយយកសេវា។

ក្នុងឱកាសនោះ លោកបានជួយឧបត្ថម្ភថវិកាចំនួន ៤លាន រៀលសម្រាប់រៀបចំពិធីស្រាយបូសរបស់បងប្អូនឥស្លាមនិងជួសជុលផ្លូវប្រវែង ៤០០ ម៉ែត្រ ៣០លាន រៀលសម្រាប់ឧបត្ថម្ភអ្នកចូលរួមនិងការចំណាយផ្សេងៗ កសាងបណ្ណាល័យចំនួន ៤លានរៀល ឧបត្ថម្ភជូនគណៈកម្មការអាចារ្យ ៤៨ វត្តទូទាំងស្រុកសរុប ៤,៨ លានរៀន និងកុំព្យូទ័រនិងម៉ាស៊ីនព្រីន ០៤គ្រឿង និងសំលៀកបំពាក់ប្រជាការពារ ៣៥ សម្រាប់៕