ភ្នំពេញ ៖ ភ្លើងស្តុបនៅត្រង់ចំណុចផ្លូវបំបែក រវាងផ្លូវ ភ្នំពេញហាណូយ និងផ្លូវ ឧកញ៉ា ម៉ុង រិទ្ធី និងផ្លូវ សម្តេច ជា ស៊ីម ស្ថិតក្នុងសង្កាត់ភ្នំពេញថ្មី ខណ្ឌសែនសុខ ដែលខូចរាប់ខែមកហើយនោះ ឥឡូវត្រូវបានធ្វើការប្តូរផ្លាស់ថ្មីរួចហើយ កាលពីថ្ងៃច័ន្ទ ទី២៨ ខែឧសភា ឆ្នាំ២០១៨ នេះបើយោងតាមបញ្ជាក់ពីប្រជាពលរដ្ឋរស់នៅតំបន់នោះ ប្រាប់ ឲ្យដឹង កាលពីរសៀលថ្ងៃទី៥ ខែមិថុនា ឆ្នាំ២០១៨។
សូមបញ្ជាក់ឲ្យដឹងថា ប្រជាពលរដ្ឋរស់នៅតំបន់នោះធ្លាប់បានប្រាប់ឲ្យដឹង កាលពីរសៀលថ្ងៃទី២៧ ខែមីនា ឆ្នាំ២០១៨ ថា ភ្លើងស្តុប ដែលខូចនៅ ត្រង់ចំណុចផ្លូវបំបែក រវាងផ្លូវ ភ្នំពេញហាណូយ និងផ្លូវឧកញ៉ា ម៉ុង រិទ្ធី និងផ្លូវ សម្តេច ជា ស៊ីម ស្ថិតក្នុងសង្កាត់ភ្នំពេញថ្មី ខណ្ឌសែនសុខ នេះ គឺខូចរាប់ខែមកហើយ មិនដឹងថា អាជ្ញាធរសង្កាត់ ខណ្ឌ ឬ មន្ទីរសាធារណការ រាជធានីភ្នំពេញ ដឹង ឬ មិនដឹង យ៉ាងណានោះទេ ?
ពលរដ្ឋប្រាប់បន្តឲ្យដឹងថា ពលរដ្ឋដែលបើកបររថយន្ត ឬ ម៉ូតូ ធ្វើដំណើរឆ្លងកាត់នៅត្រង់ចំណុចស្តុបមួយនេះ ពិបាកមើលនាទីណាស់ ដោយសារតែភ្លើងស្តុបមួយនេះ គឺ ពណ៌ក្រហមលាយជាមួយពណ៌ខៀវ ដែលពិបាកនិងមើលណាស់។
ដោយសារបញ្ហាទាំងនេះ ពលរដ្ឋបានស្នើឲ្យ ជួយផ្សព្វផ្សាយ ដើម្បីឲ្យដឹងដល់ អាជ្ញាធរសង្កាត់ ខណ្ឌ ជាពិសេសមន្ទីរសាធារណការ រាជធានីភ្នំពេញ ចុះត្រួតពិនិត្យ នឹងកែតម្រូវឲ្យបានល្អឡើងវិញ ដើម្បីសម្រាប់អ្នកដំណើរទៅមក ធ្វើដំណើរបានស្រួល៕
Source: Kampuchea Thmey Daily
0 Comments