ក្រុមហ៊ុន​ផលិត​ទឹក​ពិសា​ឈានមុខ​គេ​វី​តា​ល់ ​ចេញ​រចនាប័ទ្ម​ថ្មី​លើ​សម្បក​កេស​ថ្មី​ដើម្បី​គាំទ្រ​វិស័យ​កីឡាបាល់ទាត់

ភ្នំពេញ​ ៖​ ដើម្បី​ចូលរួម​គាំទ្រ​ដល់​វិស័យ​កីឡាបាល់ទាត់​ក្រុមហ៊ុន​ផលិត​ទឹក​ពិសា​ឈានមុខ​គេ​វី​តា​ល់​បាន​ចេញ​រចនាប័ទ្ម​ថ្មី​ដែលមាន ឈ្មោះថា​៖We’re football lovers មានន័យ​ជា​ភាសា​ខ្មែរ​ថា​“​យើង​ស្នេហា​កីឡាបាល់ទាត់​” សម្រាប់​អ្នក​ដែល​និយម​ចូលចិត្ត​ស្រឡាញ់​បាល់ទាត់​។
​
លោក ជុន​ហៀ​ង ថាវ​សិទ្ធិ ប្រធាន​ផ្នែក​ទីផ្សារ​នៃ​ក្រុមហ៊ុន​វី​តា​ល់ បានឱ្យដឹងថា វី​តា​ល់​ជា​ក្រុមហ៊ុន​ទឹក ពិសា តែមួយគត់​ដែល​តែងតែ​នាំមក​ជូន​នូវ​កម្មវិធី​ល្អៗ​ប្លែកៗ​ជូន​ដល់​អតិថិជន របស់ខ្លួន ជាពិសេស ពេល នេះ បាន ប​ង្កើត​នូវ​ប្រូ​ម៉ូ​សិន​នេះ​ឡើង​គឺ​ដើម្បី​ចែករំលែក​នូវ​បទពិសោធន៍​ថ្មី​ដល់​អ្នក គាំទ្រ​ទឹក​ពិសា​វី​តា​ល់ ឱ្យបាន​ទទួល​អារ​ម្មណ៍ ប្លែក​នៅពេលដែល​ពួកគេ​គាត់​បាន ទទួលទាន​ទឹក​របស់​យើង​ជាមួយនឹង​សម្បក​ដប​ថ្មី និង​កេស​ថ្មី បែប​កីឡា បាល់ទាត់​។​

លោក​បាន​បន្តទៀតថា​ ការផ្ដល់ជូន​នេះ​គឺធ្វើឡើង​ចាប់ពីពេលនេះ​រហូតដល់​ដំណាច់ខែ​មិថុនា​ឬ រហូតដល់ អស់ពី​ស្តុក​ហើយ​មាន​កម្មវិធី​ផ្ដល់ជូន​ជាពិសេស​ផ្សេងទៀត​ដូចជា​អាវយឺត និង​បន្តោង​សោមាន​កំណត់ អ្នកគាំទ្រ​អាច​តាមដាន​បន្ថែម​នៅក្នុង​បណ្ដាញ​សង្គម​ហ្វេ​ស​ប៊ុ​ករ​បស់​វី​តា​ល់ Vital Premium Water។

ជាងនេះទៅទៀត លោក ជុន​ហៀ​ង ថាវ​សិទ្ធិ បានបង្ហាញ​ពី​លក្ខណៈពិសេស​នៃ​រូបរាង​កេស​ថ្មី​របស់ វី​តា​ល់ ផងដែរ​។​ កេស​ថ្មី​នេះ​ផលិត​ទៅតាម​បច្ចេកវិទ្យា​ទាន់សម័យ​ជាង​មុន​ដែល​ហៅថា Wrapped-around cartons ហើយ​ជា​កេស​ដំបូង​គេ​បង្អស់​ក្នុង​វិស័យ​ទឹក​ពិសា​នៅក្នុង​ព្រះរាជាណាចក្រ​កម្ពុជា​។
​
សម្បក​កេស​ថ្មី​នេះ​មាន​លក្ខណៈ​កាន់តែ​ទំនើប ប្រណិត រឹងមាំ​ល្អ ធន់ និង​ថែមទាំង​ជួយ​រក្សា បរិស្ថាន​ឱ្យបាន កាន់តែ​ប្រសើរ​ទៀតផង​ជាមួយ​ការកាត់បន្ថយ​ការប្រើប្រាស់​ស្កុ​ត​​ប្លា​ស្ទិ​ក​ជាដើម​។​

វត្តមាន​របស់​វី​តា​ល់​ក្នុង​ទីផ្សារ​កម្ពុជា​តាំងពីដើម​រហូតមក វី​តា​ល់​តែងតែ​ទទួលបាន​ភាពជោគជ័យ​ខ្ពស់​ទាំង ប្រជាប្រិយភាព ការទទួលស្គាល់​នូវ​គុណភាព និង​ភាព​ច្នៃប្រឌិត​ពី​អតិថិជន​ទូទាំងប្រទេស។ ​ក្នុងនោះ​ផងដែរ​វី​តា​ល់​ក៏បាន​ដើរតួ​យ៉ាងសំខាន់​និង​ឈានមុខ​គេ​គ្រប់​ជំហាន​ក្នុងការ​ចូលរួម លើកស្ទួយ​បរិ​ស្ថាន​សង្គម​ជាច្រើន​ជាក់ស្តែង​ដូចជា​យុទ្ធនា​ការដក​សម្បក​ប្លាស្ទិក​លើ​គម្រប​ដប​ដើម្បី​កាត់បន្ថយ​ផ្លា​ស្ទិ​ច​ក្នុង​បរិស្ថាន ដែល​បច្ចុប្បន្ន​ត្រូវ​បាន​អនុវត្ត​តាម​ដោយ​ក្រុមហ៊ុន​ដទៃ​ទូទាំងប្រទេស។
លោក​ក៏បាន​សង្កត់ធ្ងន់ថា ការវិវត្ត​ខ្លួន​របស់​វី​តា​ល់ ក៏​នៅតែ​រក្សា​គុណភាព​ក្នុង​លំដាប់​ខ្ពស់​ដដែល មិន​ត្រឹមតែ​តាម​ស្តង់ដា​ជាតិ​ប៉ុណ្ណោះ​ទេ​តែ​យើង​អនុវត្តតាម​ស្តង់ដា​អន្តរជាតិ ហើយ​បន្ថែម​ពីលើ​នេះ វី​តា​ល់​ត្រូវបាន​ផលិតឡើង​ដោយ​ឧ​ត្ត​ម​គតិ​ជាតិ មនសិកា និង​ធ្វើ​ដើម្បី​សង្គម​និង​ប្រជាជាតិ​ទាំងមូល​ហើយ​យើង​សូម​ធានា​នូវ​អ្វីដែល​យើង​បានធ្វើ​។​
​
វី​តា​ល់​ប្តេជ្ញា​ថា​នឹង​បន្ត​ខិតខំ​ប្រឹងប្រែង​បង្កើត​កម្មវិធី​ថ្មីៗ​និង​ល្អៗ​ជាច្រើន​ទៀត​ដើម្បី​បម្រើប្រជាជន កម្ពុជា ឲ្យ​បានល្អ​បំផុត ហើយក៏​ជាការ​តបស្នង​ទៅនឹង​ជំនឿ​ចិត្ត​ដែល​ប្រជាជន​កម្ពុ​ជាមាន​មកលើ​វី​តា​ល់ «​វី​តា​ល់​មោ​ទ ន ភាព ផលិត ផល​ជាតិ​»៕​



​

Source: Kampuchea Thmey Daily