កំពង់ចាម ៖ ក្រោមការយកចិត្តទុកដាក់ពីប្រមុខរាជរដ្ឋាភិបាល ក៏ដូចជាថ្នាក់ដឹកនាំខេត្ត ផ្លូវជាច្រើនខ្សែនៅខេត្តកំពង់ចាម បាននិងកំពុងស្ថាបនាយ៉ាងមមាញឹក ដើម្បីសម្រួលចរាចរណ៍ជូនប្រជាពលរដ្ឋធ្វើដំណើរបានស្រួល។
បើតាមការអោយដឹងពីមន្ត្រីការិយាល័យសាធារណការនិងដឹកជញ្ជូន ខេត្តកំពង់ចាមបានអោយដឹងថា គិតមកដល់ថ្ងៃអាទិត្យ៥កើតខែបឋមាសាឍ ឆ្នាំចសំរឹទ្ធិស័ក
ពុទ្ធសករាជ ២៥៦២ត្រូវនឹងថ្ងៃទី១៧ ខែមិថុនា ឆ្នាំ២០១៨នេះ ផ្លូវជាច្រើនខ្សែនៅខេត្តកំពង់ចាម បាននិងកំពុងស្ថាបនាយ៉ាងមមាញឹក ដើម្បីសម្រួលចរាចរណ៍ជូនប្រជាពលរដ្ឋ ក្នុងនោះរួមមាន៖ ១ ការស្ថាបនាផ្លូវជាតិ៧០បេ ដែលជាអំណោយដ៏ថ្លៃថ្លារបស់ សម្តេច តេជោ ហ៊ុនសែន ឧបត្ថម្ភដោយ ក្រុមហ៊ុន បុរី ប៉េងហួត ចាក់បានសម្រេច ២៧០០ម៉ែត្រ ធ្វើបាតរួច ដល់វត្តអំពិល ឃុំព្រែកដំបូក និងបន្ត ឈូសឆាយ សំរួល ដល់ឃុំផ្ទះកណ្តាល គិតត្រឹមថ្ងៃនេះ។ ២ ផ្លូវក្រួសក្រហម នៅឃុំទងត្រឡាច ធ្វើបាន ៣៤០០ម៉ែត្រដដែល ដោយសារ ភ្លៀងធ្វើមិន កើត។៣ ផ្លូវក្រួសក្រហម នៅឃុំ ជីបាល អនុវត្តដោយ ក្រសួងសាធារណការនិងដឹកជញ្ជូន ប្រវែង ៦០០០ម៉ែត្រ បានធ្វើបាតរួច។ ៤ ផ្លូវកៅស៊ូ DBST នៅឃុំស្វាយខ្សាច់ភ្នំនិងឃុំព្រែកដំបូក ប្រវែង៥០០០ម៉ែត្រ ក្រុមហ៊ុន ឯកជន បានធ្វើបាត ចាក់ដីស លើកកម្ពស់ពង្រីកផ្លូវ ចាក់កម្ទេចថ្ម កិនបង្ហាប់ បានប្រវែង ៥០០០ម៉ែត្រ៕
Source: Kampuchea Thmey Daily
0 Comments