សម្ពាធឈាម ដែលកើនឡើងពេលឈានចូលដល់អាយុ៥០ឆ្នាំ ជាប់ពាក់ព័ន្ធទៅនឹងការកើនឡើងហានិភ័យនៃជំងឺបាត់បង់ការចងចាំ ភ្លេចភ្លាំង dementia នៅក្នុងរយៈពេលប៉ុន្មានឆ្នាំក្រោយមក។ នេះជាសេចក្តីរាយការណ៍ធ្វើឡើងដោយការសិក្សាស្រាវជ្រាវថ្មីមួយ។
ការសិក្សាស្រាវជ្រាវចុះផ្សាយនៅក្នុងព្រឹត្តិបត្រព័ត៌មាន The European Heart Jounal បានរកឃើញថា ចំណុចខ្ពស់នៃសម្ពាធឈាម (Systolic blood pressure) ចាប់ពី១៣០ទៅបានកើនឡើងនូវហានិភ័យហើយមិនថាកម្រិត១៤០ដែលតម្រូវឲ្យការព្យាបាលអាការៈលើសសម្ពាធឈាមត្រូវតែប្រើថ្នាំតាមការផ្តល់ជាអនុសាសន៍។
អ្នកវិទ្យាសាស្ត្របានវាស់សម្ពាធឈាមស្ត្រីនិងបុរស៨.៦៣៩នាក់ នៅឆ្នាំ១៩៨៥ ពេលគេមានអាយុពី៣០ដល់៥៥ឆ្នាំ ក្រោយមកក៏ធ្វើការវាស់សម្ពាធឈាម ជាថ្មីនៅឆ្នាំ១៩៩១ ,១៩៩៧ និង២០០៣ នៅលើដំណាក់កាលរយៈពេលយូរមួយក្នុងការសិក្សាស្រាវជ្រាវអំពីសុខុមាលភាព។
រហូតដល់ខែមីនា ឆ្នាំ២០១៧ ក្នុងចំណោមអ្នកទាំងនោះមាន៣៨៥ករណីនៃជំងឺភ្លេចភ្លាំងបាត់បង់ការចងចាំ dementia ។ បន្ទាប់ពីធ្វើការត្រួតពិនិត្យកត្តាហានិភ័យជាច្រើនក្នុងនោះមានលក្ខណៈដាច់សរសៃឈាមក្នុងខួរក្បាល បេះដូងមិនដំណើរការព្រមទាំងជំងឺសរសៃឈាមបេះដូង គេបានរកឃើញថា ករណីកម្រិតសម្ពាធឈាមខ្ពស់ (a Systolic Blood pressure) ពេលអាយុ៥០ឆ្នាំមានកម្រិត១៣០ ឬ លើសពីនេះ គឺវារួមចំណែកនូវហានិភ័យនៃជំងឺ dementia នេះដល់ទៅ៣៨ភាគរយ៕
NYT
Source: Kampuchea Thmey Daily
0 Comments