ការប្រកួតជម្រុះដណ្តើមខ្សែក្រវាត់ជើងឯកWurkz ទម្ងន់៦៣,៥០០ គីឡូក្រាម នៅសង្វៀនទូរទស្សន៍SEATV នៅរសៀលថ្ងៃអាទិត្យទី២៥ ខែសីហា ឆ្នាំ២០១៨នេះ ជាការប្រកួតជុំចុងក្រោយ រវាងអ្នកប្រដាល់កម្ពុជាឡុង សំណាង ក្លិបសាលវ័ន្តកីឡា និងអ្នកប្រដាល់ថៃAram Boy ដែលមកវាយជំនួសLoom Leng ដែលបានបោះបង់ចោលការប្រកួតជម្រុះនេះ ហើយ អ្នកប្រដាល់កម្ពុជាឌុម កែវដា ក្លិបមកុដរាជសីហ៍ ត្រូវជួបជាមួយPha Yaklek។
សម្រាប់ជំនួបក្នុងជុំទី៤ ដែលជាជុំចុងក្រោយ រវាងវេង សុភ័ក្រ និង Pek Thieng នេះ មិនដឹងថា នរណាជួបសំណាងល្អរកបាន៣ពិន្ទុបន្ថែមនោះឡើយ ។ពួកគេទាំងពីរនាក់នេះ ពុំធ្លាប់ជួបគ្នាទេកាលពីពេលកន្លងមក។
សម្រាប់ជំនួបក្នុងជុំទី៣នេះ រវាងឡុង សំណាង និង Aram Boy នេះ ពួកគេទាំងពីរនាក់នេះមិនធ្លាប់ជួបគ្នាទេកន្លងមក ។ ឡុង សំណាង មានកម្ពស់១,៦៨ម៉ែត្រ ហើយAram Boy មានកម្ពស់១,៧២ម៉ែត្រ ហើយប្រវត្តិប្រកួត ក៏Aram Boyលើសបន្តិចដែរ ។
Aram Boy គេមានកំនត់ត្រាប្រកួតចំនួន៨៦លើក ឈ្នះ៦៣លើក ចាញ់២១ លើក និងស្មើ០២លើក ឯ ឡុង សំណាង គេមានកំនត់ត្រាប្រកួត៧៩លើក ឈ្នះ៦៦លើក ចាញ់១០លើក និងស្មើ០៣លើក ។
ទោះជាយ៉ាងណាក្តី សម្រាប់ការជួបគ្នានេះ ពុំអាចសន្និដ្ឋានមុនថា អ្នកណាឈ្នះ អ្នកណាចាញ់នោះឡើយ ហើយពីរនាក់នេះ ក៏មិនអាចអ្នកណាមើលស្រាលអ្នកណាបានដែរ ។កាលពីប្រកួតជុំទី៣ ឡុង សំណាង ឈ្នះ Pha Yaklek ក្នុងទឹកទី៤ ដែលសរុប០៣ប្រកួតបាន៩ពិន្ទុ ឯ Aram Boy គេវាយឈ្នះឌុម កែវដាក្នុងទឹកទី៣ សរុប០៣ប្រកួត Aram Boy បាន ៧ពិន្ទុ គឺឈ្នះ២ចាញ់១ប្រកួត ។ចាំមើល ក្នុងជុំទី៤នេះ តើនរណារកបាន៣ពិន្ទុនោះ? ។
Aram Boy តាមពិតគេមកប្រកួតជំនួស Loom Leng ដែលបានបោះបង់ចោលការប្រកួតជម្រុះនេះ ។Loom Leng គេប្រកួតបានតែ១ប្រកួតដំបូងប៉ុណ្ណោះ លើកទី២គេក៏បោះបង់ចោលការប្រកួតហើយដាក់ជំនួសវិញដោយAram Boy ដែលធ្វើអោយបីប្រកួតរបស់Aram Boy ឈ្នះ២ចាញ់១ប្រកួតបាន៧ពិន្ទុ(បោះបង់ការប្រកួតស្មើនឹង០ពិន្ទុ) ។ដូច្នេះ Aram Boyមកជំនួសក៏នៅរក្សាពិន្ទុនេះដដែលដែរ ។
ចំពោះការជួបគ្នារវាង ឌុម កែវដា និង Pha Yaklek វិញ ក៏មិនអាចទស្សន៍ទាយមុនអ្នកណាឈ្នះ អ្នកណាចាញ់ដែរ ។ ថ្វីត្បិតថា អ្នកប្រដាល់ទាំងពីរនេះ ធ្លាប់ជួបគ្នា៤លើកកន្លងហើយដោយ Pha Yaklek ចាញ់ទាំង៤លើក ។
យ៉ាងណា ការប្រកួតលើកនេះ គ្រាន់តែជាការប្រកួតបង្គ្រប់កិច្ចប៉ុណ្ណោះ ដោយសារបីប្រកួតកន្លងមក កែវដា ចាញ់១ឈ្នះ២ប្រកួត បាន៧ពិន្ទុដូចគ្នា ហើយ Pha Yaklek មាន៥ពិន្ទុ គឺឈ្នះ១ចាញ់២ប្រកួត ។ ហេតុនេះ ការប្រកួតជុំចុងក្រោយនេះ អ្នកណាឈ្នះ អ្នកណាចាញ់នោះ ក៏ត្រូវតែជ្រុះធ្លាក់ហាវអាវដែរ។
ចំពោះការការប្រកួតក្រៅពីគូខ្សែក្រវាត់នេះ ចេង គា អ្នកប្រដាល់ក្លិបពន្លឺវិបុលមានរិទ្ធ នឹងត្រូវជួបប្រកួតជាមួយហេង សំរាំង អ្នកប្រដាល់ក្លិបព្រៃទទឹងមានរិទ្ធ ដោយជួបគ្នាក្នុងប្រភេទទម្ងន់៦៣,៥០០គីឡូក្រាម។ជើងចាស់ទាំងពីរនាក់នេះ ទេពីមុនមក ។
ហេង វាសនា ថ្វីត្បិតតែចង្កូមរបស់គេរាងរិលបន្តិចហើយក្តី ប៉ុន្តែគេនៅតែអាចខាំត្របាក់គូប្រកួត ដែលមើលស្រាលចង់ជួបប្រកួតជាមួយនោះ។ ដូច្នេះសម្រាប់ការប្រកួត លើកនេះ ពុំដឹងថាចេង គា ឬ ហេង សំរាំង ឈ្នះនោះទេ ? ។
ស៊ឹម សំ អ្នកប្រដាល់ក្លិបយុវវាលស្បូវ នឹងជួបសាកកណ្តាប់ដៃជាមួយសេក គឹមសាន្ត អ្នកប្រដាល់ក្លិបបូរីរាជសីហ៍មានរិទ្ធ ។ សម្រាប់ការជួបគ្នារវាងអ្នកប្រដាល់ទាំងពីរនាក់នេះ ពុំមាននរណាហ៊ានទាយមុនថា អ្នកណាឈ្នះ អ្នកណាចាញ់នោះឡើយ ? ៕
Source: Kampuchea Thmey Daily
0 Comments