ព្រឹកនេះ សម្ដេចតេជោ ហ៊ុន សែន សំណេះសំណាលជាមួយអត្តពលិក និងកីឡាករ កីឡាការិនីជាង ៧០ នាក់ ដែលត្រូវចេញទៅប្រកួត Asian Games នៅឥណ្ឌូនេស៊ី

Cambodia News August 06, 2018

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា នៅវេលាម៉ោង៨និង៣០នាទីថ្ងៃទី០៦ ខែសីហា នេះ បានអញ្ជើញជួបសំណេះសំណាលជាមួយអត្តពលិក កីឡាករ កីឡាការិនី គ្រូបង្វឹក រួមនឹងប្រតិភូកីឡាសរុបជាង ៧០ នាក់ ដែលត្រូវចេញទៅចូលរួមប្រកួតកីឡា Asain Games នៅប្រទេស ឥណ្ឌូនេស៊ី។

ប្រតិភូ គ្រូបង្វឹក កីឡាករ-កីឡាការិនី ដែលត្រៀម ចូលជួបសម្ដែងការគួរសមជាមួយសម្ដេចតេជោ ហ៊ុន សែន នាព្រឹកថ្ងៃនេះ មានជាង ៧០ នាក់ លើ១៣ ប្រភេទកីឡា ដែលត្រូវបានក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា សម្រិតសម្រាំងត្រៀមបញ្ជូនទៅប្រកួតកីឡា Asian Games លើកទី១៨ នៅឥណ្ឌូនេស៊ី ចាប់ពីថ្ងៃទី១៨ ខែសីហា រហូតដល់ថ្ងៃទី០២ ខែកញ្ញាខាងមុខ។ ប្រភេទកីឡាដែលកម្ពុជាចូលរួមប្រកួតនេះ មានដូចជាកីឡាអត្តពលកម្ម ហែលទឹក តេក្វាន់ដូ យូដូ ចំបាប់ គុនដាវ ម៉ូតូទឹក ជឺជិតស៊ូ សូហ្វតេន្នីស កាយសម្ព័ន្ធ ទូកកានូ ការ៉ាតេដូ និងកីឡាទូកក្ដោង៕