បន្ទាយមានជ័យ ៖ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តក្រុងដឹកអ្នកដំណើរម៉ាកហ៊ីយ៉ានដាយបុកនិងម៉ូតូពេញទំហឹងបណ្តាលឲ្យអ្នកបើកម៉ូតូស្លាប់ភ្លាមនៅនិងកន្លែងវេលាម៉ោង ១០យប់ថ្ងៃទី២២ ខែ សីហា ឆ្នាំ២០១៨ នៅលើផ្លូវជាតិលេខ៥ ត្រង់ចំណុចខាងកើតស្ថានីយដឹកអ្នកដំណើរអន្តរជាតិស៊ូជីង ប្រហែល២០ម៉ែត្រ ស្ថិតក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចបានប្រាប់ឲ្យដឹងថា នៅមុនពេលកើតហេតុនោះគេបានឃើញរថយន្តក្រុងដឹកអ្នកដំណើរម៉ាកហ៊ីយ៉ានដាយ ពណ៌ក្រហម ពាក់ស្លាកលេខ ភ្នំពេញ 3A-4940 ជារថយន្តរបស់ក្រុមហ៊ុនវរៈប៊ុនថាំ បើកពីលិចទៅកើត លុះបើកមកដល់កន្លែងកើតហេតុ ស្រាបើករេចង្កូតទៅបុកនិងម៉ូតូម៉ាកអេសស្លេដ ពណ៌ខ្មៅ ពាក់ស្លាកលេខបន្ទាយមានជ័យ 1Q-2556 បើកពីកើតទៅលិច ច្រាសទិសគ្នាអ្នកឈ្មោះវន សុភក្ត្រា អាយុ៣៣ឆ្នាំ មុខរបរជា បុគ្គលិកខារ៉ាអូខេអេហ្វផ្លាស់ រស់នៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ពេញទំហឹងបណ្តាលឲ្យស្លាប់នៅនឹងកន្លែងកើតហេតុតែម្តង។
ក្រោយពីកើតហេតុហើយ អ្នកបើករថយន្តចុះរត់គេចខ្លួនបាត់ចំណែកម៉ូតូនិងរថយន្តបង្កត្រូវបានសមត្ថកិច្ចយកមករក្សាទុកនៅអធិការដ្ឋានប៉ុស្តិ៍និមិត្តដើម្បីដោះស្រាយនៅពេលក្រោយ៕
Source: Kampuchea Thmey Daily
0 Comments