ភ្នំពេញ ៖ ជនជាតិជាតិឥណ្ឌាដែលកំពុងជួលផ្ទះគេស្នាក់នៅច្រើនជាងគេនៅម្តុំស្ថិតខាងក្រោយផ្សារទំនើបសូរិយានោះ ត្រូវបានកម្លាំងការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាល រាជធានីភ្នំពេញ ចុះឆែកឆេរឃើញមានជនជាតិឥណ្ឌាចំនួន១៤នាក់ កំពុងរស់និងធ្វើការងារគ្មានឯកសារគ្រប់គ្រាន់ ត្រូវនាំខ្លួនទៅចាត់ការតាមនីតិវិធីផងដែរ។
ប្រតិបត្តិការចុះឃាត់ជនជាតិឥណ្ឌារស់នៅខុសច្បាប់នោះបានធ្វើឡើងនៅថ្ងៃទី២២ ខែសីហា ឆ្នាំ២០១៨ នៅ ផ្ទះលេខ៣០E1 និងផ្ទះលេខ៣៤ផ្លូវជាតិលេខ៨១សង្កាត់ផ្សារថ្មី២ ខណ្ឌដូនពេញ។
កម្លាំងនគរបាលប៉ុស្តិ៍ផ្សារថ្មី២បានឲ្យដឹងថា កម្លាំងមូលដ្ឋានបានសហការជាមួយកម្លាំងការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ ដឹកនាំដោយលោកអនុសេនីយ៍ឯក វង្ស ខេមរា ជានាយរងការិយាល័យ និងលោកអនុសេនីយ៍ឯក ចុល ចេក ជានាយរងការិយាល័យ បានចុះត្រួតពិនិត្យជនជាតិឥណ្ឌា ដែលឆ្លងដែន និងធ្វើការខុសស្ថិតនៅ ផ្ទះលេខ៣០E1 និងផ្ទះលេខ៣៤ ផ្លូវជាតិលេខ៨១ សង្កាត់ ផ្សារថ្មី២ ខណ្ឌដូនពេញ ជាលទ្ធផលពិនិត្យឃើញមាន ជនជាតិឥណ្ឌាសរុបចំនួន១៤នាក់ប្រុស បានប្រគល់ជូន ការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាល រាជធានីភ្នំពេញ ចាត់ការបន្ត៕
Source: Kampuchea Thmey Daily
0 Comments