ភ្នំពេញ ៖ បុរស២នាក់ បានរងរបួសធ្ងន់ធ្ងរដូចគ្នាដោយសារតែការបើកបរមិនប្រយ័ត្នក៏បុកគ្នាពេញ ទំហឹងធ្វើឲ្យក្រឡាប់ផ្ងារជើង កាលម៉ោង០០និង០៥នាទីថ្ងៃទី ២២ ខែសីហា ឆ្នាំ២០១៨នៅចំណុចមុខផ្ទះលេខ៣៤៧អឺ០ តិរវិថីព្រះស៊ីសុវត្ថិ ភូមិ១ សង្កាត់ជ័យជំនះ ខណ្ឌដូនពេញ។
សមត្ថកិច្ចផ្នែកទទួលបន្ទុកចរាចរខណ្ឌដូនពេញបានឲ្យដឹងថា គ្រោះថ្នាក់នោះបង្កឡើងរវាងម៉ូតូរ៉ឺម៉ក ម៉ាកស៊ុយសាគី ពណ៌ក្រហម ពាក់ស្លាកលេខភ្នំពេញ 1K-4401 និងម៉ូតូ ម៉ាក ស្មាស់ ពណ៌ខ្មៅ ពាក់ស្លាកលេខកំពង់ស្ពឺ 1B-6325 បណ្តាលឲ្យឲ្យភាគីទាំងសងខាងត្រូវរងរបួសធ្ងន់ទាំង២នាក់និងបាន បញ្ជូនទៅសង្គ្រោះនៅមន្ទីរពេទ្យកាល់ម៉ែត្រផងដែរ។
សមត្ថកិច្ចជំនាញបានឲ្យដឹងទៀតថា ក្នុងគ្រោះថ្នាក់នោះដែរ ចំណែកម៉ូតូខូចខាតធ្ងន់០១គ្រឿង ម៉ូតូ រ៉ឺម៉កខូចស្រាល០១គ្រឿង បានប្រគល់ទៅឲ្យនគរបាលចរាចរផ្លូវគោក រាជធានីភ្នំពេញ។
ចំណែកមូលហេតុដែលបណ្តាលឲ្យគ្រោះថ្នាក់នោះ កើតឡើង គឺម៉ូតូរ៉ឺម៉កបើកឆ្លងកាត់ទទឹងផ្លូវដោយខ្វះការប្រុងប្រយ័ត្នគាប់ជួនម៉ូតូបើកលឿនមកដល់ចាប់ហ្វ្រាំងមិនទាន់ ក៏បុកគ្នាពេញទំហឹងរបួសទាំងសងខាងដូច្នេះតែម្តង៕
Source: Kampuchea Thmey Daily
0 Comments