កណ្តាល ៖ លោក លឹម គានហោ ប្រធានគណៈពង្រឹងមូលរដ្ឋាន ស្រុកពញាឮ បាន ថ្លែងអំណរគុណ ដល់បងប្អូនប្រជាពលរដ្ឋនិងកម្មករ កម្មការនី ដែលបានគាំទ្រ សម្តេចតេជោ ឲ្យដឹកនាំ ប្រទេសបន្តទៀត តាមរយៈការបោះឆ្នោត គាំទ្រគណបក្សប្រជាជនកម្ពុជា ដឹកនាំដោយសម្តេចតេជោ យ៉ាងលើសលុប មាន សម្តេចតេជោ មានសុខសន្តិភាព និងការរីកចម្រើន លើគ្រប់វិស័យ។
លោក លឹម គានហោ មានប្រសាសន៍បែបនេះ បានធ្វើឡើងនាព្រឹកថ្ងៃអាទិត្យ ៩រោច ខែទុតិយាសាឍ ឆ្នាំច សំរឹទ្ធិស័កព.ស ២៥៦២ ត្រូវនិងថ្ងៃទី០៥ ខែសីហា ឆ្នាំ២០១៨ ខណៈដែល លោក និងក្រុមការងារ គណៈពង្រឹងមូលរដ្ឋាន បានអញ្ជើញ ចុះជួបសំណេះសំណាលជាមួយ ជាមួយកម្មករ-កម្មការនីទូទាំងស្រុកពញាឮ ចំនួន ១៧.០០០ នាក់ នៅតារាបាល់ទាត់សាលាស្រុកពញាឮ។
មានប្រសាសន៍ នៅក្នុង ឱកាសនោះ លោក លឹម គានហោ ប្រធានគណៈពង្រឹងមូលរដ្ឋាន ស្រុកពញាឮ បានថ្លែងអំណរគុណយ៉ាងជ្រាលជ្រៅបំផុត បងប្អូន កូនចៅ នៅទូទាំងស្រុកពញាឮ ដែលបាន អញ្ជើញ ទៅបោះឆ្នោត គាំទ្រ គណបក្សប្រជាជនកម្ពុជា យ៉ាងច្រើនលើសលប់។
លោករដ្ឋមន្ត្រីក្រសួងធនធានទឹកបន្តថា ការបោះឆ្នោត ឲ្យគណបក្សប្រជាជនកម្ពុជា គឺបានបង្ហាញឲ្យឃើញថា បងប្អូនប្រជាពលរដ្ឋ គាំទ្រ សម្តេចតេជោ ឲ្យធ្វើជានាយករដ្ឋមន្ត្រី ទៀត ដើម្បីរក្សាសន្តិភាព ជូនបងប្អូនប្រជាពលរដ្ឋទូទាំងប្រទេស មានសម្តេចតេជោ មានសុខសន្តិភាព និងការអភិវឌ្ឍន៍រីកចម្រើន ស្ទើរ គ្រប់វិស័យ។ ជាមួយ នេះលោកក៏បាន កោតសរសើរ និងវាយតម្លៃខ្ពស់ ចំពោះក្រុមការងារចុះជួយស្រុក ឃុំ និងភូមិទាំងអស់ ដែលបានខិតខំបំពេញភារកិច្ចបានយ៉ាងល្អប្រសើរ ពេលកន្លងមក រួមជាមួយអាជ្ញាធរគ្រប់លំដាប់ថ្នាក់ និងកងកម្លាំងដែលចូលរួមការពារសុខសុវត្ថិភាពបានល្អប្រសើរ ក្នុងដំណាក់កាលមុន និងដំណាក់កាលបោះឆ្នោត បានប្រព្រឹត្តបានល្អប្រសើរ។
ទន្ទឹមនឹងនេះ តាហោ ក៏បានអំពាវនាវ សមត្ថកិច្ចគ្រប់លំដាប់ថ្នាក់ និងក្រុមការងារបក្សចុះជួយ ស្រុក ឃុំ និងភូមិ ទាំងអស់ ត្រូវអនុវត្តន៍ឲ្យបានពេញលេញបំផុតតាមបទបញ្ជារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា នាពេលថ្មីៗនេះ ដោយត្រូវ៖ ១ បន្តថែរក្សាឲ្យបាននូវភូមិឃុំមានសុវត្ថិភាព ឲ្យបានល្អប្រសើរ ជាពិសេសកុំឲ្យមានបងតូច បងធំ នៅក្នុងភូមិឃុំ ២ បន្តចុះទៅកាន់មូលដ្ឋានដើម្បីចុះបំរើប្រជាពលរដ្ឋ ដោយភាពស្មោះត្រង់បំផុត ប្រសើរជាងមុន មានភាពទូលំទូលាយជាងមុន និងឲ្យមានប្រសិទ្ធភាពជាងមុន។ ៣កុំឲ្យប្រជាពលរដ្ឋទាំងអស់មានការរើសអើងរវាងអ្នកទៅបោះឆ្នោត និងអ្នកមិនបានទៅបោះឆ្នោត ហើយបន្តខន្តី និងយោគយល់ឲ្យគ្នា។ លុបបំបាត់ឲ្យបានទាំងស្រុងការរើសអើង ការលាបពណ៌ ប្រកាន់បក្សពួក ដែលអាចនាំឲ្យប្រទេសជាតិមានការបែកបាក់ ប្រេះឆាផ្ទៃក្នុងជាតិ៕
Source: Kampuchea Thmey Daily
0 Comments