បន្ទាយមានជ័យ ៖ ជនរងគ្រោះដោយសារមីនបណ្តាលដាច់ជើងឆ្វេង និង របួសធ្ងន់សុសពេញខ្លួន ដែលកំពុងសម្រាកព្យាបាលនៅមន្ទីរពេទ្យមិត្តភាពកម្ពុជាជប៉ុន មង្គលបុរី ត្រូវបានលោកឧត្តមសេនីយ៍ទោ ចៅ ជីអាន ប្រធានចលនាយុវជនកម្ពុជាក្រុម១៥៧សាខា ខេត្តបន្ទាយមានជ័យ ដឹកនាំសមាជិក រួមជាមួយអាជ្ញាធរមីន ផ្ដល់អំណោយ កាលពីថ្ងៃទី៤ ខែសីហា ឆ្នាំ២០១៨។
ជនរងគ្រោះដោយសារមីនបណ្តាលដាច់ជើងឆ្វេង និង របួសធ្ងន់សុះពេញខ្លួនមានឈ្មោះ អឿន នី ភេទប្រុស អាយុ២២ឆ្នាំ មានមុខរបរកសិកររស់នៅភូមិរំដួលចាស់ឃុំរំដួលចាស់ ស្រុកអំពិលខេត្តឧត្តរមានជ័យ។
គួរបញ្ជាក់ផងដែរថា កាលពីថ្ងៃទី១ ខែសីហា ឆ្នាំ២០១៨ គ្រាប់មីនសេសសល់ពីសម័យសង្គ្រាមក្បែរព្រំដែនកម្ពុជា.ថៃ តាមបន្ទាត់ព្រំដែនចន្លោះបង្គោលល័ក្ខលេខ២៧.២៨លើចង្កេះភ្នំដងរ៉ែកស្ថិតភូមិដងរ៉ែកឃុំបន្ទាយឆ្មារស្រុកថ្មពួក គ្រោះថ្នាក់កើតឡើងនៅពេលដែលជនរងគ្រោះទៅជាមួយឪពុក និង សាច់ញាតិ ៣ទៅ៤នាក់ចូលព្រៃទៅរកកាប់ឫស្សី ហើយជាន់មីនរងរបួសដាច់ជើងម្ខាងនិងរបួសពេញខ្លួន ត្រូវបានសាច់ញាតិសែងចុះពីលើភ្នំត្រូវបានសង្គ្រោះបន្ទាន់។
អំណោយប្រគល់ជូនជនរងគ្រោះ ដែលរងរបួសដោយសារគ្រាប់មីន រួមមានអង្ករ៥០គីឡូក្រាម មី២កេស ទឹកត្រីនិងទឹកស៊ីអ៊ីវ៥យួរ ទឹកក្រូច១កេស ទឹកផ្លែឈើ១ កេស ត្រីខ២ដុំ ទឹកសុទ្ធ១កេស ប៊ីចេង១កញ្ចប់ ស្ករ១គីឡូក្រាម ប្រេងឆារ១ដប និង ថវិកា៣០ម៉ឺនរៀល៕
Source: Kampuchea Thmey Daily
0 Comments