បាត់ដំបង ៖ ជនសង្ស័យម្នាក់ដែលជាប់ពាក់ព័ន្ធពីបទជួញដូរគ្រឿងញៀន ត្រូវបានកម្លាំងកងរាជអាវុធហត្ថស្រុកកំរៀង ធ្វើការឃាត់ខ្លួនដើម្បីបញ្ជូនតាមនីតិវិធី ខណៈដែលកម្លាំងបានចេញល្បាតតាមមូលដ្ឋាន ហើយមានការសង្ស័យ។
កិច្ចប្រតិបត្តិការ ដើម្បីភូមិ ឃុំ មានសុវត្ថិភាពនេះបានធ្វើឡើង កាលពីវេលាម៉ោង៩យប់ ថ្ងៃទី ២៣ ខែសីហា ឆ្នាំ២០១៨ នៅចំណុចភូមិ អូរដាលើ ឃុំបឹងរាំង ស្រុកកំរៀង ខេត្តបាត់ដំបង ដោយនៅពេលនោះដែរ កម្លាំងបានឃាត់ខ្លួនជនសង្ស័យម្នាក់ឈ្មោះ ង៉ែត ជិន ភេទប្រុស អាយុ៣៨ឆ្នាំ ទីលំនៅក្នុងភូមិ ឃុំ ខាងលើ។
នៅក្នុងកិច្ចប្រតិបត្តិការនេះ សមត្ថកិច្ច កងរាជអាវុធហត្ថ បានឆែកឆេររកឃើញ ថ្នាំញៀនប្រភេទម៉ាទឹកកក ១ កញ្ចប់ ដែលជនសង្ស័យបានលាក់ទុកនៅនឹងខ្លួន ដែលថ្នាំនោះមានទម្ងន់ ១ ,៩៨ ក្រាម ភ្លាមៗនោះដែរ កំលាំងបានបញ្ជូនទៅកាន់ មូលដ្ឋានកងរាជអាវុធហត្ថស្រុក ដើម្បីកសាងសំណុំរឿង បញ្ជូនបន្តតាមនីតិវិធី៕
Source: Kampuchea Thmey Daily
0 Comments