ភ្នំពេញ ៖ លោក រៀល សុភិន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ពេញមួយថ្ងៃទី១១ សីហា បានបញ្ចប់ការសាកសួរលើជនសង្ស័យទី២ ពាក់ពន្ធបញ្ញើគ្រឿងញៀនជាង៩៨គីឡូក្រាម មកពីប្រទេសអាល្លឺម៉ង់ តាមរយៈកញ្ចប់ប្រៃសណីយ៍កម្ពុជា។
ជនសង្ស័យម្នាក់ដែលគណៈកម្មការទី៣បង្ក្រាប និងឃាត់ខ្លួននោះមានឈ្មោះ YAO ZEYE ភេទប្រុស អាយុ៣៣ឆ្នាំ ជាជនជាតិចិន ដែលជាជនទី២ ជាប់ពាក់ពន្ធថ្នាំញៀនអ៊ិចស្តាស៊ី(MDMA)ជាប្រភេទគ្រាប់ប្រមាណ៩៨គីឡូ០៦៥ក្រាមនោះ។ តំណាងអយ្យការសាលាដំបូងរាជធានីភ្នំពេញ និង អាចបញ្ចប់ការសាកសួរលើជនសង្ស័យនាល្ងាចថ្ងៃទី១១ សីហា នេះ។ ក្រោយបញ្ចប់លើការសាកសួរពីស្ថាប័នអយ្យការ សំណុំរឿងគ្រឿងញៀនជាង៩៨គីឡូក្រាមនេះ និង ត្រូវបានចាត់បញ្ជូនទៅចៅក្រមសើបសួរដើម្បីសម្រេចឃុំខ្លួនជនសង្ស័យ ដាក់ពន្ធនាគារជាបណ្តោះអាសន្ន។
កាលពីថ្ងៃទី៨ សីហា គណៈកម្មការទី៣ ប្រយុទ្ធប្រឆាំងគ្រឿងញៀន បានចាប់ខ្លួនជនជាតិចិនម្នាក់ និង ថ្នាំញៀន៩៨គីឡូ០៦៥ក្រាម ដែលជនទី១ផ្ញើមកពីប្រទេសអាល្លឺម៉ង់ តាមរយៈកញ្ចប់ប្រៃសណីយ៍។ បន្ទាប់គណៈកម្មការទី៣ បានប្រគល់ការងារនេះទៅនាយកដ្ឋាននគារសន្តិសុខផ្ទៃក្នុងក្រសួងមហាផ្ទៃបន្តនីតិវិធី កសាងសំណុំរឿងបញ្ជូនជនសង្ស័យឡើងតុលាការសម្រេចតាមច្បាប់៕
Source: Kampuchea Thmey Daily
0 Comments