សៀមរាប ៖ ជនល្មោភកាមម្នាក់ បានលបឡើងទៅលើផ្ទះ រួចយកកាំបិតទៅចាក់ចំដៃក្មេងស្រីវ័យ៨ឆ្នាំ ហើយចាប់រំលោភយ៉ាងព្រៃផ្សៃ ថែមទាំងបម្រុងចាក់សម្លាប់បំបិទមាត់ថែមទៀត ប៉ុន្តែសំណាងល្អ ម្តាយកុមារីរងគ្រោះបានមកទាន់ ហើយជនល្មើស ភ័យស្លន់ស្លោ លោតចុះពីលើផ្ទះរត់ចូលព្រៃ។ ប៉ុន្តែត្រូវបានក្រុមគ្រួសារជនរងគ្រោះ តាមចាប់រហូតទាល់តែបាន និងបានប្រគល់ជូនសមត្ថកិច្ចចាត់ការតាមច្បាប់។
ហេតុការណ៍នេះកើតឡើងកាលពីវេលាម៉ោង២១ថ្ងៃទី០៧ខែសីហាឆ្នាំ២០១៨ នៅភូមិល្វា ឃុំស្រែណូយ ស្រុកវ៉ារិន ខេត្តសៀមរាប។
សមត្ថកិច្ចបានឲ្យដឹងថា ជនរងគ្រោះ មានរងរបួសនៅត្រង់ដៃឆ្វេង ២កាំបិត ប្រដាប់ភេទមានអាការៈហូរឈាមខ្លាំង សម្រាកព្យាបាលនៅមន្ទីរពេទ្យ។ សមត្ថកិច្ចបន្តថា កុមារីរងគ្រោះមានឈ្មោះជ.ន អាយុ៨ឆ្នាំ រស់នៅ ឃុំស្រែណូយ ស្រុកវ៉ារិន ខេត្តសៀមរាប។ ចំណែកជនសង្ស័យឈ្មោះ ទៀម មីកាដែន ហៅឈុនដែនអាយុ ២០ឆ្នាំរស់នៅភូមិល្វា ឃុំស្រែណូយ ស្រុកវ៉ារិន ខេត្តសៀមរាប។
សមត្ថកិច្ចបានឲ្យដឹងថា ជនសង្ស័យត្រូវឃាត់ខ្លួនកាលពីថ្ងៃទី៧ខែសីហាឆ្នាំ ២០១៨ម៉ោង២១ តាមបញ្ជាព្រះរាជអាជ្ញា អមសាលាដំបូងខេត្តសៀមរាប ពីរំលោភនិងប៉ុនប៉ងមនុស្សឃាត។
ជនសង្ស័យត្រូវបានកម្លាំងនគរបាលមូលដ្ឋាននាំខ្លួនបញ្ជូនមកស្នងការដ្ឋានខេត្តនៅថ្ងៃទី១០ខែសីហា ដើម្បីរៀបចំសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់៕
Source: Kampuchea Thmey Daily
0 Comments