Ad Code

ហេង វិឆ័យ ជួប តូច ទូ ,​ធន់ អៀង​ឡៃ​ជួប​ជុន​សាវុធ នៅ​សង្វៀន​ស្ទឹងមានជ័យ



តូច ទូ អ្នក​ប្រដាល់​សមាគម​កីឡាប្រដាល់​ក្រសួងការពារជាតិ បានទទួល​ស្វាគមន៍​ចំពោះ​ការសុំ​ជួប​សាក​កណ្តាប់ដៃ​របស់​អ្នក​ប្រដាល់​ហេង វិឆ័យ ក្លិប​កងពលតូច​លេខ​៧០ នា​ថ្ងៃទី ២៥ សីហា ២០១៨​នេះ លើស​ង្វៀន​បាយ័ន​ស្ទឹងមានជ័យ។

​ហេង វិឆ័យ មិន​ធ្លាប់​ប៉ះ​ជាមួយ តូច ទូ ទេ​កន្លងមក​។ វិឆ័យ​គេ​មិនមែនជា​អ្នក​ប្រដាល់​ខ្លាំង​ល្បីឈ្មោះ​អ្វី​នោះទេ គ្រាន់តែ​គេ​មាន​ស្នៀត​ប្រដាល់​ល្អ ពិសេស​គឺ​កែង​និង​ជង្គង់ ។ ជាមួយនេះ គេ​មាន​កម្ពស់​ខ្ពស់​ថែមទៀត ដែល​អំណោយផល​ដល់​រូបគេ​នោះ ។ តែ​យ៉ាងណា វិឆ័យ​ឡើង​ប្រកួត​ឈ្នះ​តិចជាង​ចាញ់ ។​

តូច ទូ គេ​ជា​ជើង​ខ្លាំង​ស្រករ​ក្រោយ មាន​កណ្តាប់ដៃ​ធ្ងន់ ជើង​ទាត់​ខ្លាំង ហើយ​វាយ​មាន​ផ្លែ​ល្អ​ថែមទៀត ។ ជា​អ្នក​ប្រដាល់​ម្នាក់​ដែល​វាយ​មិនសូវ​ចេះ​ញញើត​គូប្រកួត​នោះទេ ។ មួយទៀត​គេ​ប្រកួត​ឆ្លាត​បំផុត នៅពេលដែល​មើលឃើញ​គូប្រកួត​ខ្លាំង​ជាង​ខ្លួន​នោះ គេ​ប្រយ័ត្នប្រយែង​បំផុត តែបើ​សិន​ឃើញ​គូប្រកួត​ប្រហាក់ប្រហែល ឬ​អន់​ជាង​នោះ តូច ទូ រមែង មើលស្រាល​គូប្រកួត វ៉ៃ​មិន​ដក​ដៃ​ទេ ហើយក៏​មិន​ប្រើពេល​យូរ​ដែរ ត្រឹម​ពីរ​ឬ​បី​ទឹក​ប៉ុណ្ណោះ តែ​ក៏​ភ្លាត់ស្នៀត​សន្លប់​របស់​គូប្រកួត​វិញ​ដែរ ។​ដូចជា​កាលពី​ថ្ងៃទី​០៣​សីហា​២០១៨ តូច ទូ បាន​ភ្លាត់ស្នៀត ត្រូវ​ចៅ ផល​ឌឿ វាយ​អោយ​សន្លប់​ក្នុង​ទឹក​ទី​៣ ។​

ទោះជា​យ៉ាងណា សម្រាប់​ការជួបគ្នា​លើក​នេះ ក្រុមអ្នកវិភាគ​ក៏​ពុំ​ហ៊ាន​ទាយ​ទុក​មុន​ថា អ្នកណា​ឈ្នះ អ្នកណា​ចាញ់​ឡើយ ។ ការប្រកួត​ចុងក្រោយ ហេង វិឆ័យ វាយ​ស្មើ​ជាមួយ​បារាំង​Naser ។ ឯ ការប្រកួត​ចុងក្រោយ​របស់​តូច ទូ គឺ​វាយ​ចាញ់​ចៅ ផល​ឌឿ​ក្លិប​សំរោង​កោង​ខេត្តបាត់ដំបង​ក្នុង​ទឹក​ទី​៣ ។​

សម្រាប់​ការជួបគ្នា​រវាង​អ្នក​ប្រដាល់​ទាំងពីរ​នាក់​នេះ គេ​មិន​រំពឹងថា ហេង វិឆ័យ​អាច​ឈ្នះ​តូច ទូ បាន​នោះទេ ។ ព្រោះ​វិឆ័យ​អន់ក​ន្លាំ​ង​ស៊ុ​ហ្វ​ជាង​តូច ទូ ។​

ចំពោះ​ធន់ អៀង​ឡៃ អ្នក​ប្រដាល់​មកពី​សមាគម​កីឡាប្រដាល់​ក្រសួងការពារជាតិ នឹង​ជួប​ប្រកួត​សាក​កណ្តាប់ដៃ​ជាមួយ​ជុន សាវុធ អ្នក​ប្រដាល់​ក្លិប​កុសល​កីឡា ។ ពីរ​នាក់​ជួបគ្នា​ក្នុង​ទម្ងន់ ៥៤​គីឡូក្រាម ។ ពួកគេ​ពីរ​នាក់​នេះ មិន​ធ្លាប់​ប៉ះគ្នា​គ្នា​កន្លងមក ។

ធន់ អៀង​ឡៃ នេះ គេ​ជា​អ្នក​ប្រដាល់​ស្រករ​ក្រោយ​ដែរ តែ​គេ​មាន​ស្នៀត​ប្រដាល់​ល្អ និង​វាយ​ខ្លាំង ។ គេ​ប្រកួត​ចុងក្រោយ​នេះ វាយ​ឈ្នះ ឡុង រ៉ា​មី អ្នក​ប្រដាល់​ក្លិប​ខ្លារខិន​មាន​រិ​ទ្ធ ដោយ​ពិន្ទុ ។​

ជុន សាវុធ គេ​ក៏​ជា​អ្នក​ប្រដាល់​ជើងចាស់ ។ អ្នក​ប្រដាល់​រូបនេះ ក៏​វាយ​ខ្លាំង​គួរសម​ដែរ គ្រាន់តែ​មានចិត្ត​ប្រដាល់​មិនសូវ​ធំ​ប៉ុណ្ណោះ​។ គេ​ប្រកួត​ចុងក្រោយ​នេះ វាយ​ចាញ់​ជី ឆៃលី ដោយ​ពិន្ទុ ។ ចាំមើល រវាង​ធន់ អៀង​ឡៃ និង ជុន សាវុធ តើន​រណា​ជា​អ្នកឈ្នះ​នៅក្នុង​ការជួបគ្នា​នេះ ? ។​

ឡូញ វ៉ាន់ឌី អ្នក​ប្រដាល់​ក្លិប​ពន្លឺ​វិបុល​មាន​រិ​ទ្ធ ត្រូវគេ​ផ្គូ​អោយ​ជួប​ប្រកួត​ជាមួយ​ជ័រ ពៅ អ្នក​ប្រដាល់​ក្លិប​ថ្មគោល​ពោធិ​សែន​ជ័យ ។​ពួកគេ​ទាំងពីរ​នេះ ជួបគ្នា​ក្នុង​ប្រភេទ​ទម្ងន់​៦០​គីឡូក្រាម ។ ចំណែក អាន ទាវ អ្នក​ប្រដាល់​ក្លិប​យុវជន​វាល​ស្បូវ នឹងត្រូវ​ជួប​ប្រកួត​ជាមួយ​ឡាំង កូស៊ីន អ្នក​ប្រដាល់​ក្លិប​សៅ​យ៉ាន​នាគា ។ ពួកគេ​ទាំងពីរ​ប្រកួត​គ្នា​ក្នុង​ទម្ងន់​៥៤​គីឡូក្រាម​។​អ្នក​ប្រដាល់​ទាំងពីរ​នេះ មិន​ធ្លាប់​ដែល​ជួបគ្នា​ទេ ។ ដូច្នេះ​ការជួបគ្នា​លើក​នេះ អាន ទាវ ពុំ​ដឹងថា​អាច​យកឈ្នះ​ឡូញ វ៉ាន់ឌី​បាន​ឬ​អត់​នោះទេ​។​ចាំមើល តើ​អាន ទាវ អាច​យកឈ្នះ​ឡាំង កូស៊ីន បាន​ឬ​អត់​នោះ​?៕





Source: Kampuchea Thmey Daily

Post a Comment

0 Comments

Close Menu