ក្រចេះ ៖ យ៉ាងហោចណាស់មាន មនុស្សប្រុស ស្រីចំនួន៥នាក់ រងបួសធ្ងន់ក្នុងករណីគ្រោះថ្នាក់ចរាចរណ៍ បង្កដោយរថយន្ដ បុកជាមួយរថយន្ដ ក្នុងទិស៧ដៅបញ្ច្រាសទិសគ្នា នៅព្រឹកថ្ងៃទី១១ ខែសីហា ឆ្នាំ២០១៨ នៅផ្លូវជាតិលេខ៧ ក្រចេះ ស្ទឹងត្រែង ចំនុចភូមិដីសម្បទានគាំពី ឃុំសំបុក ស្រុកចិត្របុរី ខេត្តក្រចេះ។
នគរបាលចរាចរណ៍ស្រុកចិត្របុរីបញ្ជាក់ឲ្យដឹងថា ករណីគ្រោះថ្នាក់ចរាចរណ៍នេះ បង្កឡើងដោយរថយន្តកូរ៉េដឹកត្រីបុកជាមួយរថយន្ដសាំងយ៉ុង ក្នុងទិសដៅបញ្ច្រាសទិសគ្នា ពីជើងទៅត្បូង បណ្ដាលឲ្យមនុស្ស៤នាក់រងរបួសធ្ងន់ និងម្នាក់រងរបួសស្រាល ក្នុងនោះស្ត្រីចំនួន២នាក់។ អ្នករថយន្ដបង្កហេតុ រថយន្ត(ដឹកត្រី)ឈ្មោះ យ៉ យាំឡាំ ភេទប្រុស អាយុ៣៧ ឆ្នាំ រស់នៅសង្កាត់រកាកណ្ដាល ក្រុងក្រចេះ។
នគរបាលរូបនោះបន្តទៀតថា មូលហេតុ ដែលគ្រោះថ្នាក់នោះគឺមកពីរថយន្ដដឹកត្រី បើកបរក្នុងល្បឿនយ៉ាងលឿន ហើយវ៉ាជែងរថយន្តខ្នាតយក្សមួយគ្រឿងទៀត ក៏ជ្រុលទៅបុករថយន្តសាំងយ៉ុងពេញទំហឹងតែម្ដង។ ចំណែកអ្នករងរបួសទាំង៥នាក់ ត្រូវបានយកទៅសង្គ្រោះនៅមន្ទីរពេទ្យខេត្ត រីឯរថយន្ដទាំង២គ្រឿងត្រូវនគរបាលយកទៅរក្សាទុកនៅប៉ុស្តិ៍នរដ្ឋបាលចង្គ្រង់រង់ចាំការដោយស្រាយតាមផ្លូវច្បាប់៕
Source: Kampuchea Thmey Daily
0 Comments