ស្ទឹងត្រែង ៖ ប្រជាកសិករនៅតាមភូមិឃុំមួយចំនួនក្នុងខេត្តស្ទឹងត្រែង រងផលប៉ះពាល់ពីទឹកជំនន់ទន្លេមេគង្គបង្កឱ្យខូចខាត សន្ទូង ផលដំណាំផ្សេងៗ ជាច្រើនហិកតា បញ្ហានេះពួកគាត់ស្មើ ឱ្យអាជ្ញាធរពាក់ព័ន្ធជួយអន្តរាគមន៍ ផ្តល់គ្រាប់ពូជសម្រាប់ធ្វើការស្តាឡើងវិញ។
លោក លឺវ៉ាតកសិការនៅជាំធំឃុំសោះស្នែង ស្រុកថាឡាបរិវ៉ាត់ បានបញ្ជាក់ថា ៖ នៅ ខេត្តស្ទឹងត្រែង កម្ពស់ទឹកបានឡើងហួសកម្រិតប្រកាសអាសន្ន ហើយកម្ពស់ទឹកនេះ បានលិចបំផ្លាញផលដំណាំរបស់កសិករ ដែលបានដាំដុះលូតលាស់ ត្រូវរលួយខូចទាំងស្រុង។
លោកថា បញ្ហាប្រឈមនៅពេលទឹកស្រកប្រជាកសិករ ដែលរងផលប៉ះពាល់នោះទាំងគេទាំងខ្ញុំពិតជាត្រូវការពូជធារ ដើម្បីដាំដុះឡើងវិញ ខ្ញុំសំណូមពរខាងកសិកម្មអាជ្ញាធរ ឬស្រុកខេត្តឱ្យជួយផ្តល់ស្រូវពូជណា ដែលជួយប្រជាពលរដ្ឋបាន ពូជអីដែលថាវារីកចម្រើនឱ្យមក អស់ហើយពូជខ្ញុំដាំពីបីសាហើយអស់ហើយស្រូវពូជអាចថាទាន់ខែថ្ងៃខ្លះដើម្បីស្តារឡើងវិញ។
លោកដូងលានមេឃុំអូរកោះស្នែងស្រុកថាឡាបរិវ៉ាត់បានទទួលស្គាល់ថា ៖ នេះជាក្តីបារម្ភរបស់ពួកគាត់ ព្រោះថាកសិកររស់នៅពឹងផ្អែកទៅលើផលដំណាំស្រែស្រូវទាំងអស់នឹង តែបើវាខូចខាតជីវភាពនឹងជួបការលំបាក។
លោកបញ្ជាក់ថា នៅលើកោះស្នែងស្រូវស្រែដែលលិច១០៥ហិកតានោះ ក៏វាខូចទាំងស្រុងដែរ ទឹកវាថយទៅនោះអាចថាដំណាំប្រជាពលរដ្ឋវាខូចខាតដោយសារទឹកវាឡើងយូរវាត្រូវខូចខាតរលួយអស់គំនិតខ្ញុំនេះបើវាមានការខូចខាតអញ្ចឹងខ្ញុំនឹងសំណើឡើងទៅលើដើម្បីសុំពូជ។
លោក លៀង សេងប្រធានមន្ទីរកសិកម្មរុក្ខាប្រមាញ់ និងនេសាទខេត្តបានបញ្ជាក់ថា ៖ បញ្ហានេះ មន្ទីរកសិកម្មបានត្រៀមពូជស្រូវសែនពិដោររយៈពេលខ្លីដើម្បីផ្តល់ជូនកសិករនៅពេលទឹកស្រកចុះទៅវិញ។
លោកប្រធានមន្ទីរបន្ថែមថា ៖ នៅពេលនេះ យើងមិនទាន់អាចវាយតម្លៃការខូចខាតបានពិតប្រាកដនៅឡើយទេ ព្រោះពេលទឹកលិចមកអាចកន្លែងខ្លះស្រកផុតលឿនស្រូវយើងល្អ ខ្លះទឹកត្រាំយូរខូចទាំងស្រុង ហើយស្រែណាអាចមានប្រភពទឹកយើងនឹងផ្តល់ពូជជូនសម្រាប់ស្តារឡើវិញបានកន្លែងមិនមានប្រភពទឹកបងប្អូនត្រូវប្រែក្លាយផ្ទៃដីនោះ ទៅដាំដុះដំណាំផ្សេងៗវិញទើបយើងដោះស្រាយបញ្ហាបាន។
សូមបញ្ជាក់ថា ៖ ទឹកទន្លេមេគង្គឡើងក្នុងកម្រិតកម្ពស់ជិត១១ម៉ែត្រនេះ បានបង្កផលប៉ះពាល់ដល់ស្រូវប្រជាពលរដ្ឋ១.៩២៥ហិកតា-ខូចខាត៨៤០ហិកតា-ស្រូវចំការ៣៦៦-ហិកតា និងដំនាំផ្សេងៗ៣២៧ហិកតា-លើផ្ទៃដីដែលកសិករបង្កបង្កើនផលបាន២៥.៤៨៨ហិកតា៕
Source: Kampuchea Thmey Daily
0 Comments