លោកប្រធានាធិបតី Donald Trump បានអះអាងថា គោលនយោបាយទឹករបស់រដ្ឋកាលីហ្វ័រនីញ៉ាគឺការផ្លាស់ប្តូរអ្នកពន្លត់អគ្គិភ័យដើម្បីប្រយុទ្ធប្រឆាំងនឹងភ្លើងឆេះព្រៃរបស់រដ្ឋមួយនេះ។ បើយោងតាមអ្នកជំនាញខាងអគ្គិភ័យ និងទឹកបានឲ្យដឹងថា វាមិនមែនដូច្នោះទេ។
សូមមើល Twitter របស់គាត់និងហេតុការណ៍ដែលនៅពីក្រោយវា៖
លោក TRUMP៖ “ភ្លើងឆេះព្រៃនៅរដ្ឋកាលីហ្វ័រនីញ៉ាកំពុងពង្រីកនិងធ្វើឲ្យកាន់តែអាក្រក់ទៅៗដោយច្បាប់បរិស្ថានមិនល្អដែលមិនអនុញ្ញាតឲ្យមានបរិមាណទឹកដែលអាចប្រើបានគ្រប់គ្រាន់ដើម្បីយកទៅប្រើប្រាស់ឲ្យបានត្រឹមត្រូវ។ វាត្រូវបានគេបង្វែរទៅក្នុងមហាសមុទ្រប៉ាស៊ីហ្វិក។ ត្រូវតែសម្អាតដើមឈើផងដែរដើម្បីបញ្ឈប់ការរាលដាលភ្លើង! ”។
ការពិត៖ នោះមិនមែនជាអ្វីដែលអ្នកឯកទេសរបស់រដ្ឋនិយាយទេ។
លោក Scott McLean អ្នកនាំពាក្យនាយកដ្ឋានការពារព្រៃឈើនិងអគ្គិភ័យរដ្ឋកាលីហ្វ័រនីញ៉ាបាននិយាយថា “យើងមានទឹកច្រើនណាស់” សម្រាប់ការប្រយុទ្ធនឹងភ្លើងឆេះដែលកំពុងឆេះនៅភាគខាងជើងនៃទីក្រុងសាន់ហ្វ្រាន់ស៊ីស្កូ។ លោក McLean បានថ្លែងថា ភ្លើងឆេះព្រៃបច្ចុប្បន្នកំពុងតែស្ថិតនៅក្នុងបឹងធំៗនៅភាគខាងជើងនៃរដ្ឋកាលីហ្វ័រនីញ៉ានិងទន្លេធំបំផុតរបស់រដ្ឋនេះ។
ក៏មានទឹកគ្រប់គ្រាន់ក្នុងការប្រយុទ្ធនឹងភ្លើងឆេះព្រៃនៅរដ្ឋកាលីហ្វ័រនីញ៉ាជាទូទៅផងដែរ។ យន្តហោះពន្លត់អគ្គិភ័យអាចជ្រមុជចូលក្នុងនិងចេញពីបឹង។ លោក McLean បាននិយាយថា នៅពេលអគ្គិភ័យឆាបឆេះនៅតំបន់ដែលគ្មានស្រះ បឹងឬទន្លេ, ជាទូទៅមន្ត្រីរដ្ឋបានអំពាវនាវឲ្យមានយន្តហោះបន្ថែមដើម្បីនាំទឹកមក។
រឿងមួយ, ភ្លើងឆេះព្រៃគឺនៅលើភ្នំឆ្ងាយពីមហាសមុទ្រប៉ាស៊ីហ្វិកនិងឆ្ងាយពីប្រព័ន្ធផ្ទុកនិងចែកចាយដែលបង្កើតដោយមនុស្ស។
គ្រោះរាំងស្ងួតរយៈពេល៥ឆ្នាំចុងក្រោយរបស់រដ្ឋនេះបានសម្លាប់ដើមឈើរាប់លានដើមដែលជាហេតុធ្វើឲ្យវាងាយសម្រាប់ភ្លើងឆេះព្រៃ។ អ្នកជំនាញបានជំរុញឲ្យមន្ត្រីព្រៃឈើរដ្ឋនិងសហព័ន្ធធ្វើការឲ្យបានឆាប់រហ័សក្នុងការឈូសឆាយព្រៃដោយសារតែខ្លាចគ្រោះថ្នាក់បន្ថែមទៀត។ អាកាសធាតុក្តៅនិងស្ងួតក៏បង្កជាហានិភ័យផងដែរ។
លោក TRUMP៖ “លោកអភិបាល Jerry Brown ត្រូវតែអនុញ្ញាតឲ្យមានលំហូរទឹកក្នុងបរិមាណដ៏ធំមកពីភាគខាងជើងនិងកុំបង្វែរចូលទៅក្នុងមហាសមុទ្រប៉ាស៊ីហ្វិក”។
ការពិត៖ លោក Trump កំពុងតែបង្កើតឲ្យមានជម្លោះចាស់មួយនៅក្នុងរដ្ឋកាលីហ្វ័រនីញ៉ាដែលជារដ្ឋកសិកម្មកំពូលរបស់ប្រទេស។ វាជាការប្រកួតប្រជែងទឹករវាងក្រុមការងារកសិកម្មនិងបរិស្ថាន, អ្នកនេសាទនិងអ្នកដទៃដែលចង់បានទឹកបន្ថែមសម្រាប់សត្វព្រៃនិងជម្រក។ប៉ុន្តែជម្លោះនេះមានតិចតួចណាស់ដែលពាក់ព័ន្ធនឹងការពន្លត់អគ្គិភ័យ៕ AP
Source: Kampuchea Thmey Daily
0 Comments