ក្រុមហ៊ុនហ៊ីយ៉ាន់ដាយ បង្ហាញរថយន្ដ the All New SantaFe ជំនាន់ទី៤ ជាផ្លូវការ

ភ្នំពេញ ៖ ទីបំផុតការណែនាំនូវរថយន្ត Hyundai SantaFe ឆ្នាំ2019ដែលជារថយន្តទំនើប និងជឿនលឿនចុងក្រោយរបស់ក្រុមហ៊ុនHyundai ដែលមិនធ្លាប់មានត្រូវបានដាក់បង្ហាញលើកដំបូងនៅក្នុងប្រទេសកម្ពុជាក្នុងព្រឹត្តិការណ៍នាពេលរាត្រីដ៏ពិសេសពិសេសនាសណ្ឋាគារ ហ៊ីម៉ាវ៉ារី រាជធានី ភ្នំពេញ។

លោក ប្រាយ អ៊ែនខូ នាយក ប្រតិបត្តិ របស់ក្រុមហ៊ុន Hyundai Camko Motor បានលើកឡើងកាលពីរាត្រីថ្ងៃទី២៧ ខែកញ្ញា ឆ្នាំ២០១៨នាឱកាសតាំងបង្ហាញរថយន្ដ the All New SantaFe ជំនាន់ទី៤នោះថាការរចនាដ៏ប្រណីត នៃផ្នែកខាងក្រៅ ផ្ទៃខាងក្នុង រួមជាមួយនឹងបច្ចេកវិជ្ជាទំនើបដែលតែងតែជា ស្តង់ដារនៃរថយន្ដ Santa Feឥឡូវនេះយើងមានសេចក្តីរីករាយណាស់ក្នុងការបើកបង្ហាញជាផ្លូវការ រថយន្ដជំនាន់ទី៤របស់ Santa Feនៅក្នុងប្រទេសកម្ពុជា។

លោក ប្រាយ អ៊ែនខូ បញ្ជាក់ថាតំណាងឲ្យភាពជោគជ័យការរចនាថ្មីទាំងស្រុងនៃរថយន្ដហ៊ីយ៉ាន់ដាយ Santa Feជំនាន់ទី៤រួមបញ្ចូលទាំងការការរចនាខុសប្លែកពីម៉ូឌែលមុនទាំងផ្នែកខាងក្រៅផ្ទៃខាងក្នុងជាមួយនឹង លក្ខណៈបច្ចេកវិទ្យា Smart Senseប្រកបដោយភាពច្នៃប្រឌិតរបស់ក្រុមហ៊ុន Hyundai ដែលនាំមកនូវរថយន្ត បែបលក្ខណៈគ្រួសារស៊េរីចុងក្រោយ។

នាយកប្រតិបត្តិរបស់ក្រុមហ៊ុន Hyundai លោក ប្រាយ អ៊ែនខូ បាន លើកឡើងបន្ថែមទៀតថា "រថយន្ដហ៊ីយ៉ាន់ដាយ The All New Santa Fe ស៊េរីឆ្នាំ 2019 បានឈ្នះពានរង្វាន់សុវត្ថិភាពសុវត្ថិភាព Top Safety ឆ្នាំ 2018" ដែលនេះជាពានរង្វាន់សុវត្ថិភាពខ្ពស់បំផុតពីវិទ្យាស្ថានធានារ៉ាប់រងសម្រាប់សុវត្ថិភាពផ្លូវហាយវ៉េ (IIHS)។

សូមបញ្ជាក់ថា Santa Fe ស៊េរីឆ្នាំ 2019 វាមានលក្ខណៈ សុវត្ថិភាពពិសេសដូចជា ប្រព័ន្ធហ្វ្រាំង ABS, ប្រព័ន្ធចាប់សញ្ញានិងឲ្យដំណឹងនៅពេលមានរថយន្ដផ្សេងកំពុងជែង ប្រព័ន្ធសោទ្វារសុវត្ថិភាពសម្រាប់កុមារ, ហ្វ្រាំងដៃរថយន្តអេឡិចត្រូនិច ប្រព័ន្ធរក្សាលំនឹងអេឡិចត្រូនិច រួមជាមួយនឹងអេក្រង់ Heads-Up បង្ហាញអ្នកនូវព័ត៌មានសំខាន់ៗ ទាំងអស់ដោយមិនចាំបាច់ងាកភ្នែកចេញពីផ្លូវឡើយ។

ពិសេសជាងនេះទៀត រថយន្ដ SantaFe ស៊េរីឆ្នាំ២០១៩ ក៏មានបំពាក់លក្ខណៈពិសេសដំបូងបង្អស់ របស់ពិភពលោក គឺ ប្រព័ន្ធ Rear Occupant Alert ដែលជាប្រព័ន្ធត្រួតពិនិត្យកៅអីខាងក្រោយដោយប្រើឧបករណ៍ចាប់សញ្ញានិងឲ្យដំណឹងជាសំឡេង នៅពេលដែលរកឃើញថានៅមានកុមារឬសត្វចិញ្ចឹមនៅក្នុងរថយន្ដនៅឡើយខណៈ ដែលអ្នកបើកបរបានចាកចេញពីរថយន្ដហើយនោះ ដើម្បីកាត់បន្ថយគ្រោះថ្នាក់ដល់កូនក្មេង ឬក៏សត្វចិញ្ចឹមជាយថាហេតុ។

រថយន្ដហ៊ីយ៉ាន់ដាយ The All New Santa Fe 2019 បំពាក់ម៉ាស៊ីនម៉ាស៊ូត 2.2L ជាមួយកម្លាំង 200សេះ, 8 Speed Transmission) ជួយកាត់បន្ថយការស៊ីប្រេងយ៉ាងមានប្រសិទ្ធភាព។ ប្រព័ន្ធ HTRAC ត្រូវបានបំពាក់ដើម្បីតាមដានល្បឿនរថយន្តនិងស្ថានភាពផ្លូវ ផ្តល់នូវការអូសទាញ នៅពេលចាំបាច់ដូចជាបើកបរនៅលើផ្លូវកោង ឬរអិល ដើម្បីធានាសុវត្ថិភាពនៅពេលបើកបរយ៉ាងមានប្រសិទ្ធភាព៕