៤​គូ​ទាត់​ចូល​ទី​គ្នា​២៦​គ្រាប់ ក្នុង​ប្រកួត​បើកឆាក​ពានរង្វាន់​ស្វាយរៀង​ខាប់ ឆ្នាំ​២០១៨

ក្រុម​ចំនួន​៤​គូ​បាន​ប្រកួត​បើកឆាក​ប្រចាំ​ពានរង្វាន់​បាល់ទាត់​មហាជន​ធំជាងគេ​ប្រចាំ​ខេត្ត​ស្វាយរៀង ឈ្មោះថា​ «​ស្វាយរៀង ខាប់ (Svay Rieng Cup) លើក​ទី​៤ ឆ្នាំ​២០១៨ ដែល​រៀបចំឡើង​ដោយ​សហភាព​សហព័ន្ធ​យុវជន​កម្ពុជា​ខេត្តស្វាយរៀង ខណៈ​ប្រកួត​បើកឆាក​ធ្វើឡើង​នៅ​ថ្ងៃអាទិត្យ​ទី​១៦ ខែកញ្ញា​ឆ្នាំ​២០១៨ តទៅ​។

​លទ្ធផល​ថ្ងៃ​ប្រកួត​បើកឆាក​មាន​ពូ​ល A ក្រុម​ឫស្សី​បៃតង ចាញ់​ក្រុម​អធិរាជ​ឃួ​ច​៧​ទល់​១ លើ​ទីលាន​កីឡដ្ឋាន​ខេត្តស្វាយរៀង ខណៈ​ក្រុម​Panda FC ឈ្នះ​ក្រុម​ស​.​ស​.​យ​.​ក ស្រុក​ចន្ទ្រា ៦​ទល់​១ ក្នុង​ពូ​ល A ដូចគ្នា​លើ​ទីលាន​ជាមួយគ្នា​។ ចំណែក​ប្រកួត​ក្នុង​ពូ​ល B​ក្រុម Chong Prek FT ឈ្នះ​ក្រុមយុវជន​គោក​ព្រីង​៦​ទល់​១​ហើយ​ក្រុម​រដ្ឋការ​ទឹក​ស្វាយរៀង ឈ្នះ​ក្រុម​សុភ​ក្តិ​ម៉ូ​ទ័​រ FC ជី​ភូ ៣​ទល់​១​។



ពានរង្វាន់ Svay Rieng Cup ឆ្នាំមាន​ក្រុម​ចូលរួម​ចំនួន​៥២​ក្រុម​ចែកជា​១៣​ពូ​ល​ផ្សេងគ្នា​នៅ​កីឡដ្ឋាន​ខេត្ត​ជាប់​ព្រំដែន​កម្ពុជា​-​វៀតណាម មួយ​នេះ​។ ក្រោយ​បែង​ចែកជា​ពូ​ល​ឃើញថា​ក្រុម​ពូ​ល​A មាន​ក្រុម​ឬ​ស្សី​បៃតង​,​អធិរាជ​ទួល​យួ​ច​, Panda FC, ស​.​ស​.​យ​.​ក ស្រុក​ចន្ទ្រា ពូ​ល B​មាន Choncprek FT, យុវជន​គោក​ព្រីង​,​រដ្ឋ​ករ​ទឹក​ស្វាយរៀង​,​សុ​ភ័ក្តិ​ម៉ូ​ទ័​រ FC ជី​ភូ ពូ​ល C​មាន​វិទ្យាល័យ​ព្រះ​ពន្លា​,​ស​.​ស​.​យ​.​ក សង្កាត់​ចក​,​អគ្គីសនី​ស្វាយរៀង​,​យុវជន​ពោធិ៍​ថ្មី ពូ​ល D មាន Blue Dragon, វិទ្យាស្ថាន​ពហុបច្ចេកទេស​ភូមិភាគ​តេ​ជោ​សែន​ស្វាយរៀង​,​យុវជន​ស្រុក​ស្វាយជ្រុំ​,​ចំ​ពាន​យក្ស​អង្គរ​ស្វាយ ពូ​ល​E មាន​សង្កាត់​ស្វាយរៀង​តឿ​, United Zez, រាជសីហ៍​ស្វាយ​រំពេរ​,​សាកល United ពូ​ល F មា​នស​.​ស​.​យ​.​ក​ស្វាយរៀង​,​ស​.​ស​.​យ​.​ករមាំង​ថ្គាម​,​បក្សី​ដែក​អន្ទង់​ស្ពាន​,​កាំភ្លើង​ធំ​FC ពូ​ល​G មាន​បក្សី​ស្វាយរៀង​, Di​រ៉ូ​លីង​72, ស្រមោច​ក្រហម​,​យុវជន​សាមគ្គី ពូ​ល H មាន​នគរបាល​ក្រុម​បាវិត​, ស​.​ស​.​យ​.​ក ក្រុង​បាវិត​,​ចំការ​ស្វាយរៀង​, Black Engle ពូ​ល I​មាន​លីង​គួ​យ​,​យុវជន​គគីរ​សោម​,​ធា​រី​បាវិត​,​យុវជន​បាក់​រនាស់ ពូ​ល J មាន​ពៅ​ហូ​ម​ស្ព​ត​, Phumi Hing, Klound FC, ស​.​ស​.​យ​.​ក ស្រុក​រមាសហែក ពូ​ល​K មា​នស​.​ស​.​យ​.​ក ស្រុក​កំពង់រោ​ធ៍​,​យុវជន​កណ្តៀង​រាយ​, CFED FC, គ្រូ​វិទ្យាល័យ ហ៊ុន សែន ប្រសូត ពូ​ល L មាន​ក្លិប​កីឡា​ពូ​ល​ប្រុស​ជី​ភូ​,​យុវជន​ពោធិ៍ធំ​,​យុវជន​សៀង​ហៃ​រី​សត​, Star Man FC ពូ​ល​M មាន​រាជសីហ៍​ផ្សា​ថូ​ម៉ាក់​,២៣​កីឡា​,​នគរបាល​រដ្ឋបាល​ឃុំ​តា​សួស​និង MSTFC​។



ការប្រកួត​ធ្វើឡើង​នៅលើ​ទីលាន​ស្មៅ​ធម្មជាតិ នៃ​កីឡដ្ឋាន​ខេត្តស្វាយរៀង​ជាប់ៗ​គ្នា ខណៈ​នេះ​ជា​លើក​ទី​៤​បន្ទាប់ពី​បង្កើត​ចាប់តាំងពី​ឆ្នាំ​២០១៥​ដោយ​ត្រូវ​បាន​ផ្តួចផ្តើម​បង្កើត​ឡើង ដោយ​សហភាព​សហព័ន្ធ​យុវជន​កម្ពុជា​ខេត្តស្វាយរៀង ដែល​មាន​លោក​ ឌី វិជ្ជា ជា​ប្រធាន ស្រប​ពេល​២​លើ​មុនដំបូង ក្រុមបាល់ទាត់ ស​.​ស​.​យ​.​ក ក្រុង​បាវិត ជា​ម្ចាស់​ជើងឯក​ទាំង​២​ឆ្នាំ​ជាប់ៗ​គ្នា​និង​ចុងក្រោយ​ក្រុម​ក្រុម​ធា​រី​លិញ​គួ​យ ជា​ម្ចាស់​ជើងឯក​ម្តង​។

សម្រាប់​ប្រកួត​បន្ត​នឹងធ្វើ​ឡើង​នៅ​ចុង​សប្ដាហ៍​នេះ​ដោយ​នៅ​ថ្ងៃ​សៅរ៍ ទី​២២​ខែកញ្ញា ឆ្នាំ២០១៨ ពូ​ល C ក្រុម​វិទ្យាល័យ​ព្រះ​ពន្លា ប៉ះ​ក្រុម​ស​.​ស​.​យ​.​ក​សង្កាត់​ចេក ហើយ​ក្រុម​អគ្គីសនី​ខេត្តស្វាយរៀង ជួប​ក្រុមយុវជន​ពោធិ៍​ថ្មី ហើយ​ពូ​ល D ក្រុម Blue Dragon ជួប​ក្រុម វ​.​ព​.​ភ​.​ត​.​ស​.​សួរ និង​ក្រុមយុវជន​ស្វាយជ្រុំ ប៉ះ​ក្រុម​ចំ​ពាម​យក្ស​អង្គរ​ស្វាយ​៕

Source: Kampuchea Thmey Daily